Ikalawang Markahan – Modyul 2: Konsepto ng Supply

Naging batayan ang presyo ng isang produkto kung kailan nais magsuplay ang isang prodyuser sa pamilihan. Alin sa sumusunod ang tunay na pagpapakahulugan sa konsepto ng supply?

• Mga produktong binibili lamang ng mga mayayamang tao
• Produktong humahalili sa mga dayuhang produkto at serbisyo
• Dami ng produkto na mabibili sa bawat presyo kung ang konsyumer ay makabibili ng lahat ng kanyang pangangailangan
• Dami ng produkto na handa at kayang ipagbili ng mga prodyuser sa iba’t ibang halaga o presyo sa isang takdang panahon

Ito ay grapikong paglalarawan sa direktang ugnayan ng presyo at Quantity Supplied (Qs).

• Supply function
• Supply schedule
• Supply curve
• Air supply

Mahalaga ang papel na ginagampanan ng prodyuser o negosyante sa pamilihan. Alin sa mga pahayag ang nagpapahiwatig ng hindi kanais-nais na gawain ng isang prodyuser?

• Hindi pagbibigay ng resibo sa mga mamimili
• Pagtitinda ng mga lokal na produkto
• Paglalagay ng presyo sa mga bilihin
• Pagbibigay ng tamang sukli

Isinasaad sa Batas ng Supply na kapag ang presyo ng produkto at serbisyo sa pamilihan ay tumaas, tataas din ang handa at kayang ipagbili ng mga prodyuser, subalit kapag bumababa ang presyo bababa rin ang handa at kayang ipagbiling produkto ng mga prodyuser. Alin sa sumusunod ang tamang pagpapaliwanag sa Batas ng Supply?

• Kapag ang presyo ng produkto sa pamilihan ay mataas, itatago ng prodyuser ang mga produkto sa bodega at ilalabas lamang ito kapag bababa ang presyo.
• Kapag ang presyo ng produkto sa pamilihan ay bumababa, itatago ng prodyuser ang mga produkto sa bodega at ilalabas lamang ito kapag tataas na muli ang presyo.
• Walang ilalabas na produkto ang prodyuser kahit na tataas o bababa ang presyo nito.
• Wala sa nabanggit

Alin sa sumusunod ang nagpapakita ng supply function?

• Es >1
• Qs = c + bP
• Qd = a-bP
• Qs = Qd

Nalalapit na ang pagsisimula ng klase sa buwan ng Hunyo, kaya inaasahan ang pagtaas ng presyo ng school supplies partikular na ang kwaderno. Gamit ang supply function na Qs = 0+50P na may presyong Php21, ilan ang quantity supplied nito?

• 1100
• 1050
• 950
• 1000

Isinasaad sa batas na ito na kapag tumaas ang presyo, tataas din ang quantity supplied na handa at kayang ipagbili. Ngunit kapag bumaba ang presyo,bababa rin ang quantity supplied na handa at kayang ipagbili.

• Batas ng Supply
• Batas ng Demand
• Batas ng Demand at Suppply

Upang masabing supply, kailangang may kagustuhan at kakayahan na ipagbili ng prodyuser ang isang uri ng produkto. Halimbawa, may 40,000 lata ng corned beef ang kailangan sa pamilihan. Ayon sa datos, mayroong 10 kompaya ng corned beef ngunit sa bilang na ito, 5 lamang ang nais gumawa ng kabuuang 30,000 na lata ng corned beef kung ipagbibili sa presyong Php35.00. Batay sa pahayag, Ilan ang maitatalang supply ng corned beef?

• 10
• 30000
• 40000
• 5

Bumili ng bagong makinarya si Mang Juan upang makabuo pa ng mas marami pang supply ng produkto. Sa sitwasyong ito, anong salik ang nakaaapekto sa pagbabago sa supply ?

• Pagbabago sa teknolohiya
• Pagbabago sa bilang ng mamaimili
• Ekspektasyon ng presyo
• Pagbabago sa presyo ng kaugnay na produkto

Alin sa sumusunod ang nagpapakita ng paglipat ng kurba pakanan?

• Malakas ang benta ng pandesal.
• Hindi muna ipagbili ng prodyuser ang kanyang paninda ngayon.
• Makalumang pamamaraan ng pagtatanim ng mais.
• Pagtaas ng presyo sa mga salik ng produksiyon.