GradeIV_AP

Ang likas na yaman ay nakatutulong sa pag-angat ng ekonomiya ng bansa.  Alin sa mga sumusunod ang nagpapakita ng wastong paggamit ng mga ito?

• Pagkakaingin upang magamit ang mga lupa bilang taniman ng mga gulay.

•  Paghuli sa mga hayop sa gubat upang ibenta sa palengke.

• Pagputol sa mga puno sa gubat upang gawing furniture at maibenta sa malaking halaga.

• Paggamit ng mga organikong pataba sa mga pananim upang mapanatili ang kalidad ng lupa.

 Ang Iligan City ay mayaman sa likas na yaman lalong lalo na sa pagdating ng pagkukunan ng kuryente. Saan ito nagmula? 

• Mga perlas at kabibe.        

• Sa talon ng  Maria Cristina Falls.

• Sa lakas ng hangin.

•  Sa krudo at langis.

Ang Bulkang Mayon sa Albay ay dinarayo ng maraming tao na mula sa ibang lalawigan at maging ng mga tao sa ibang bansa dahil sa malaperpekto nitong hugis apa. Paano ito nakatutulong sa ekonomiya?

• Pakinabang sa kalakal.                

• Pakinabang sa Enerhiya.

• Pakinabang sa turismo.     

• Pakinabang sa Produkto.

 May iba’t-ibang uri ng yamang lupa ang matatagpuan sa Pilipinas lalo na sa Bukidnon at Cotabato kung saan may pinakamalawak na taniman ng pinya. Bakit kaya?

• Dahil karamihan ng mga tao rito ay tamad.

• Dahil mayroon itong mataba at malalawak na kapatagan.

• Dahil sa malabundukin na lupa.

• Dahil sa malamig ang klima rito.

Ang pagbabawas sa mga basura sa ating paligid tulad ng paghihiwalay ng mga nabubulok at di-nabubulok na basura upang mabawasan at mapakinabangan ang mga ito. Ano ang tawag dito?

• Matalinong Pangangasiwa

• Reduce

• Bio-intensive gardening     

• Di-matalinong Pangangasiwa

  Ang 3R’s ay makatutulong sa matalinong pangangasiwa ng mga likas na yaman. Ano ang tawag sa pagbubuo ng mga bagong bagay mula sa mga lumang bagay.

• Reuse

• Reduce         

• Recycle

• Climate Change

Maaaring gawin ang mga bagay na patapon na ngunit maaari pang magamit, kumpunihin, ibigay sa nangangailangan o ipagbili. Ano ang tawag dito?

• Reuse    

• Reduce         

• Recycle        

• Climate Change

Ang mga sumusunod na pahayag ay nagpapakita ng wastong paraan ng pangangasiwa sa likas na yaman. Alin dito ang hindi kasali?

• Magtanim ng puno sa bundok at sa bakanteng lote

• Panatilihing malinis ang katubigan, kanal, ilog at tubig.

• Paggamit ng dinamita sa pangingisda.

•  Makisali sa Clean and Green Program ng Pamahalaan.

 Tungkulin ng bawat Pilipino na pangangalagaan ang mga likas na yaman ng bansa. Ano ang mangyayari kung hindi natin aalagaan nang maayos ito?

• Magiging mas maunlad ang ekonomiya

•  Magiging mas maayos pa ang buhay ng tao.

•  Mapapakinabangan pa natin ang ating likas na yaman.

• Masisira ang ating paligid at mawawala ng yaman ang susunod na salin lahi.

Ang matalinong paraan ng pangangasiwa sa mga likas na yaman ay nakatutulong upang mapanatili ang mga ito. Ilan sa maaaring gawin ay ang mga sumusunod MALIBAN SA ISA.

• Pagpapanatiling malinis ng lahat ng katubigan/kanal, ilog at dagat.

• Pagtatag ng mga sentro o sanctuary para sa mga yamang tubig .

• Gawin ang hagdang pagtatanim upang mabawasan ang pagguho ng lupa.

• Pagputol ng mga malalaking puno at paggamit ng sobrang  kemikal  sa pananim at sa lupa.