FILIPINO

Sinabi ni Carlos P. Romulo sa isa niyang akda, “Ang Pilipino ay may dugong maharlika.” Ano ang kahulugan nito?

• Ang Pilipino ay nanggaling sa malayang lahi

• Ang Pilipino ay sadyang mabuti ang budhi

• Ang Pilipino ay galing sa mayamang lahi

• Ang Pilipino ay madaling maipagbili

Alin sa mga sumusunod ang pinakatamang pangungusap?

• Ang mga kabataan kung maliwanag ang buwan ay nagtatakbuhan sa lansangan at naglalaro.

• Ang mga kabataan sa lansangan ay naglalaro at nagtatakbuhan sa lansangan.

• Ang mga kabataan ay naglalaro at nagtatakbuhan sa lansangan kung maliwanag ang gabi.

• Ang kabataan ay naglalaro kung maliwanag ang buwan at nagtatakbuhan sa lansangan.

Piliin ang gawi ng pagsasalita: Kasiyahan ko nang makitang kayo’y nagmamahalan.

• Pangarap

• Pagkontrol ng kilos

• Pagkuha ng impormasyon

• Pagbabahagi ng damdamin

Ang kaugnayan ng pagkakapatay kina Burgos, Gomez at Zamora sa panitikang Pilipino ay

• Nanatiling masigla ang diwang Pilipino

• Nakagising sa damdaming makabayan ng mga Pilipino

• Natutong lumabag sa batas at lumaban sa may kapangyarihan ang mga Pilipino

• Naimpluwensyahan ang diwang alipin ng mga Pilipino

Laging UMUUKILKIL sa isipan ng ama ang nasirang pangako ng anak.

• Sumasagi

• Gumugulo

• Bumubuhay

• Sumasapi

Ang Kagawaran ng Ugnayang Panlabas ng Pilipinas ay gulong-gulo kapag may giyera sa ibang bansa. Ano ang unang ginagampanan ng ambassador ng bansa?

• Bilangin ang mga nasugatan at nasawi

• Alamin ang mga tirahan ng mga Pilipino sa bayang iyon.

• Ipunin ang mga maykaya at ipalipad pauwi.

• Bayaang magsipag-uwian sa sariling sikap ang bawat isa.

Ano ang pokus ng pandiwa sa pahayag na “Bumili ng bagong sasakyan si Angelo”?

• Pokus sa direksyon

• Pokus sa kagamitan

• Pokus sa sanhi

• Pokus sa aktor

Kabaliwan at paglulustay ang inyong ginagawa taon-taon. Higit na marami ang maralitang nangangailangan ng salapi at dunong. Ang nagsasalita ay

• Kuripot

• Matipid

• Maramot

• Practical

Nasa anong kaganapan ng pandiwa ang pangungusap? Naglaro ng basketball sa Rizal Stadium ang koponan ng aming pamantasan.

• Sanhi

• Tagaganap

• Kagamitan

• Ganapan

Sa aling salita magkakaroon ng saglit na paghinto kung pinagpipilitang si Rose ang nakabasag ng pinggan? Hindi si Rose ang nakabasag ng pinggan.

• Rose

• Hindi

• Nakabasag

• Pinggan