US Bahasa Sunda Kelas VI SDN 1 Sukadana

AYIP ROSIDI

Ayip Rosidi gumelar di Jatiwangi, Jawa Barat, 31 Januari 1938 tilar dunya di Magelang, 29 Juli 2020 dina umur 82 taun téh saurang budayawan sakaligus sastrawan kahot. Anjeunna nyipta karya sastra dina basa Sunda jeung basa Indonésia, sarta loba ngawanohkeun sastra Sunda jeung Indonésia ka mancanagara.

Ayip aktif nulis, boh dina basa Indonésia atawa dina basa Sunda ti rumaja kénéh, umur 15 taun geus jadi Pamingpin Rumpaka Majalah

Suluh Pelajar (1953-1955), sarta satuluyna ngaluluguan sababaraha lembaga sastra, seni, pers, jeung budaya. Anjeunna ngadegkeun Yayasan Pusat Studi Sunda (2003) nu ngulik kabudayaan Sunda sarta Yayasan Kabudayaan Rancagé nu ngabobotohan tumuwuhna sastra lokal. Kungsi ngajar basa jeung kabudayaan Indonésia di Osaka Gaikokugo Daigaku (1981-2003), sagigireun ngajar ogé di Kyoto Sangyo Daigaku (1982-1996) jeung Tenri Daigaku (1982-1995), Jepang. Naratas dilembagakeunana Hadiah Sastra Rancagé ti taun 1989, sarta mokalan lumangsungna Konferénsi Internasional Budaya Sunda (KIBS) 2001 di Bandung. Buku-buku karyana geus leuwih ti saratus judul, mangrupa roman, kumpulan sajak, kumpulan carita pondok, mémoar, jeung biografi.

Ayip Rosidi ngadegkeun Yayasan Pusat Studi Sunda dina tahun ….

• 2001

• 2003

• 1989

• 1982

Pagawéan nu luyu jeung gambar di handap nyaéta ….

• kusir

• dalang

• beca

• supir

Kaulinan barudak anu dijieun na tina dua awi nu ditincak bari sok dibalapkeun nyaéta ….

• jajangkungan

• sapintrong

• gatrik

• sondah

Ngahijina dunia kulantaran kamajuan téknologi disebut ….

• modérenisasi

• globalisasi

• wéstérenisasi

• urbanisasi

Perhatikeun wawancara di handap!

Mang Ade : “Kunaon bapak muka warung ieu?”

Pa Dahlan : “Kahiji abdi mung hoyong gaduh usaha nyalira sanaos modal pas pasan, nu utami ngawantunkeun myalira muka usaha.

Mang Ade : “………….. tarékah bapa supados usahana lancar?”

Pa Dahlan : “Numutkeun sim kuring, upami hoyong usaha lancar nu utamina ngajaga kapercayaan nu meser ka urang.”

Kecap anu merenah pikeun ngeusian dina titik-titik di luhur nyaéta ….

• di mana

• kumaha

• saha

• iraha

Tukang nyieun parabot tina beusi disebut ....

• pamayang

• panday

• paninggaran

• palika

Tina Jandéla

Ningali amparan sawah

Aya nu guligah

Rasa nyaah

Nu tadina bumetah dina manah

Ayeuna pinuh amarah

Naha atuh sawah téh bet jadi tempat runtah

Cihérang téh salin jinis jadi limbah

Sok Émut jaman nini jumeneng

Cenah sawah téh caina ngagenclang hérang

Ningali amparan sawah

Ningali hate nu robah

Sajak di luhur eusina nyaritakeun ….

• lemah cai

• kaayaan alam

• kamajuan jaman

• kahirupan nini

Teu honcéwang sumoréang Tekadna pahlawan bangsa

Cadu mundur pantrang mulang mun maksud tacan laksana

Berjuang keur lemah cai, lali rabi tur tega pati

Taya basa ménta pamulang tarima, iklas ridho keur korman merdéka

Judul kawih di luhur nyaéta ….

• Karatagan Pamuda Indonésia

• Gedur Tékad Perjuangan

• Lemah Cai

• Karatagan Pahlawan

Banjir Bandang di NTT

             Badan Nasional Pananggulangan Bencana (BNPB) nétélakeun, banjir bandang nu nimpa ka daérah  Nusa Tenggara Timur (NTT) mangrupakeun bencana alam nu boga akibat pang gedéna dina 10 tahun panungtung di provinsi éta.

             "Jigana ieu akibat nu panggedéna nya ti basa éta, jeung ayeuna dina sadekade ieu," ceuk Kepala Pusat Data, Informasi jeung Komunikasi Kabencanaan BNPB, Raditya Jati dina telekonferensi pers, Rebo (7/4/2021).

             Numutkeun Raditya, hampir sakabéh daerah di NTT kakeunaan banjir bandang. "Jadi, urang kudu nganyahokeun yén akibat ieu hampir sakabéh daerah di NTT kakeunaan," saurna. BNPB ngalaporkeun data korban banjir poé ieu jam 14.00 WIB. Kacatet aya 124 urang tilar dunya jeung 74 urang leungit akibat bencana banjir bandang di NTT. Korban jiwa nu tilar dunya akibat banjir bandang nyebar ti Kabupaten Flores Timur, Kabupaten Lembata, Kabupaten Alor, Kabupaten Malaka, Kabupaten Sabu Raijua, Kota Kupang, Kabupaten Kupang, jeung Kabupaten Ende. Salian éta, sakira 688 imah ruksak beurat akibat banjir bandang di Nusa Tenggara Timur (NTT). Saterusna, 272 imah ruksak sedeng, 154 imah ruksak hampang. Sedengkeun, kacatet 1.962 imah nu kakeunaan banjir bandang di NTT. Anjeuna ogé nyaritakeukeun 87 pasilitas umum kakeunaan bencana banjir bandang di NTT. Saterusna, aya 24 pasilitas umum nu ruksak beurat.

Jumlah imah nu ruksak sedeng akibat banjir bandang dina bacaan di luhur nyaéta ….

• 272

• 688

• 154

• 1962

LISTRIK ASUP DESA

Kiwari kamajuan téknologi kacida nabelesatna. Ku ayana kamajuan téknologi téa, ayeuna mah geus teu anéh lamun anu tadina dianggap modern téh geus teu modern deui. Malah beunang disebutkeun geus teu anéh deui. Saperti televisi, baheula mah langka aya nu boga, nepi ka lalajo ogé sok milu ka tatangga. Ayeuna mah méh unggal imah ngabogaan televisi, malah aya nu boga leuwih ti hiji. Kitu deui telepon, HP, jeung computer geus ceuyah di mana-mana. Atuh listrik ogé ayeuna mah, geus asup ka desa-desa. Teu anéh upama kiwari budak bau kénéh jaringao geus wanoh kana HP. Atuh ku ayana listrik, desa nu tadina poék, geueuman, jeung pikasieuneun téh robah jadi caraang mabra. Teu jadi hariwang upama urang jalan-jalan nyorangan di daérah nu tadina poék mongkléng.

Ku ayana listrik asup desa, mangpaatna téh gedé pisan. Di antarana kaayaan désa bakal leuwih maju, désa jadi caraang, ogé kaayaan pendidikan barudak moal tinggaleun. Sabab lamun baheula mah barudak ngapalkeun téh sok make cempor, ayeuna mah make listrik. Kitu deui inpormasi pangaweruh bakal gancang katarima ku barudak alatan bisa lalajo langsung dina televisi.

Listrik téh ayeuna mah geus mangrupa pangabutuh balaréa nu kacida diandelkeunnana. Ngan urang kudu bisa ngatur makéna, ulah kéna-kéna setrumna gedé, hayoh wae dimonyah-monyah, da nu bakal ripuh mah lain batur, tapi urang kénéh.

                                                                                                    Diropéa tina Majalah Manglé No: 2001

Judul bacaan di luhur nyaéta ....

• Listrik Asup Desa

• Kamajuan Teknologi

• Mangpaat Listrik

• Mangpaat Televisi