Latihan Bahasa Bali

Pasih Sanur

Pasih Sanur ento tuah pasih anѐ ada di pulau Bali anѐ kaliwat luung pesan tur ngulangunin. Pasih Sanur kaloktah uli pidan. Sejarah Bali Kuno Pasih Sanurѐ ento kaloktah kaasrianѐ, ento suba katulis di Prasasti Raja Kesari Warmadѐwa tur anѐ jani prasastinѐ ento ada di Desa Blanjong tongosnѐ di madelod Pasih Sanur. Dugas Kolonial Belanda, Pasih Sanur kaloktah dadi tongos para tentara Belandanѐ tuun uli kapal dugasѐ lakar maperang tekѐn Puri Badung. Perangѐ ento dugasѐ taun 1906 anѐ kaloktah madan Puputan Badung anѐ maarti maperang kanti mati.

Pasih Sanurѐ ento kaloktah di manca negara ulian anak anѐ dueg ngambar uli negara Belgia anѐ madan A.J. Lee Mayeur anѐ teka ka Bali dugasѐ taun 1932. A.J Lee Mayeur ningalin Pasih Sanurѐ ento ngulangunin. Tutugnѐ ia nengil di Bali tur ngaѐ sanggar tongos ngambar pamuputnѐ ia ngantѐn ajak anak luh uli Bali, anak eluhѐ ento tuah pragina lѐgong anѐ suba kasub mada Ni Nyoman Pollok ia masih taѐn dadi conto lukisanѐ. Ulian gambaranѐ Lee Mayeur Pasih Sanurѐ kasub kanti ka manca negara neked jani.

Unteng paragraf ring paragraf sane kaping kalih inggih punika ….

• Pasih Sanur ento tuah pasih anѐ ada di pulau Bali anѐ kaliwat luung pesan tur ngulangunin

• Pasih Sanurѐ ento kaloktah di manca negara ulian anak anѐ dueg ngambar uli negara Belgia anѐ madan A.J. Lee Mayeur

• Sejarah Bali Kuno Pasih Sanurѐ ento kaloktah kaasrianѐ

• A.J Lee Mayeur ningalin Pasih Sanurѐ ento ngulangunin

Tegarang ngwacѐn lengkara ring sor!

1. Anggѐn nguripang motor, 2. Anggѐn nguripang lampu, 3. Anggѐn nguripang jam, 4. Anggѐn nguripang microphone

Kawigunan “baterai” sanѐ patut inggih punika nomor ….

• 1 sareng 2

• 1 sareng 3

• 2 sareng 3

• 3 sareng 4

Luh Sari sisia kelas 6 SDN Bali Cemerlang sanѐ sabilang wai setata yѐning masekolah ada dogѐn izin pesu kelas matetumbasan sedurung melajah. Kadang numbas pѐnsil, numbas pulpѐn, buku, muah sanѐ lianan. Pak Guru sampun setata mapainget majeng ring sisia makasami mangda ѐling nyiapang napi sanѐ lakar anggѐn kelengkapan malajah sadurung masuk kelas. Yadiapin kѐto, wѐnten masih sisia sanѐ lali. Sepatutnyanѐ para sisia dados matumbasan ring ..... anggѐn kelengkapan sadurung melajah.

Sanѐ manut nagingin cecek ring beduur inggih punika?

• UKS

• Koperasi Sekolah

• Kantin

• Warung

Tegarang ngwacѐn lengkara ring sor!

1.   Usaha puniki keanggen olih sisianѐ matumbasan ajeng-ajengan.

2.   Usaha niki keanggen sisianѐ mlajahin dѐwѐk antuk mlajah meorganisasi ring sekolah.

3.   Para sisianѐ prasida matumbasan makesami kaperluan masekolah.

4.   Usaha puniki keanggѐn olih sisianѐ ritatkala sisianѐ sungkan ring sekolah.

Kawigunan “koperasi” sanѐ ten patut inggih punika ….

• 1 sareng 2

• 1 sareng 3

• 2 sareng 3

• 2 sareng 4

3.       Tegarang ngwacѐn puisi ring sor!

Sang Surya Rauh

 

Rikala semeng sampun rauh

Irika sang surya endag jagi rauh

Kangin kauh

Pada girang mendak ida rauh

Tusing nawang tuyuh

Mangda sayan-sayan dayuh

Turmaning landuh

Unteng puisi sane mamurda “Sang Surya Rauh” inggih punika …

• Anakѐ pada ngantosang sanja

• Anakѐ pada ngantosang peteng

• Mengantosang matan ainѐ endag rauh

• Mengantosang ainѐ kelem bedauh

Apa kѐ anak cerik macunguh liu? Cecimpedan punika mearti...

• Duren

• Manggis

• Manas

• Juuk

1Kruna loloh sanѐ wѐnten ring dialog baduur yѐning kasurat antuk Aksara Bali inggih punika ….

• ᬮᭀᬮᭀ᭪       

• ᬮᬸᬮᬸ᭪ 

•  ᬮᬶᬮᬸ᭪

• ᬮᭀᬮᬸ᭪

10.    Tegarang ngwacѐn wacana ring sor!

Becik Nganggѐn Toya

Toya pinaka mautama pisan majeng kauripan ring jagatѐ. Sakancan sarwa maurip ngamerluang toya, sekadi i manusa, baburon, lan entik-entikanѐ sami ngamerluang toya. Sangkadi mautama pisan toya punika majeng kauripan. I manusa sapatutnѐ nyaga kaasrian toyanѐ punika sakadi toya sanѐ dumun kantun ening tur tis mawinan i manusa ngawangun paumahan pastika nampek saking tukad utawi genah toya. Punika taler pura sanѐ wѐnten ring Bali nampek genah toya sangkaning punika kasangguh genah patirtan.

Sanѐ mangkin, kawѐntenan toya ring tukad miwah danunѐ sayan nguredang utawi nelasang sangkaning toya klebutan sanѐ dados wit toya tukadѐ sampun kaambil tur kadadosang toya inem ring dѐsa-dѐsa lan kota. Siosan punika taru sanѐ ngisep toya sabehѐ sayan suwѐ sayan nelasan sangkaning sampun karabas olih i manusanѐ sanѐ mawinan toya punika sayan nguredan.

Kawѐntenan toya sanѐ sakadi mangkin sujatinnyanѐ tan sida kalѐmpasin saking laksanan i manusa sanѐ nѐnten becik nganggѐn toya nѐnten malih nyinggihang linggih sang toya punika, saha tan uning ngelestariang toya. I manusa aluh-aluh ngentungang leluu ring toya, sanѐ ngranayang toya punika cemer. Sangkaning parisolah i manusa punika nѐnten becik ring genah toya pastika sampun ngaonang i manusa. Mawinan asapunika ngiring saking mangkin urati ring toya, sampunang ngutang leluu ngawag ring tukad utawi genah-genah toyanѐ saha jaga sumber-sumber toyanѐ sumangdanѐ toya punika kantun becik.

 

Pikaryan manusa sanѐ nguwug kalestarian toyanѐ sanѐ manut sareng wacana baduur inggih punika ….

• I manusa demen mamula entik-entikan ring pekarangan umahnѐ

• I manusa ngutang limbah pabrik ring pangkung

• I manusa ngutang leluu ngawag-ngawag tusing ring genah sanѐ patut

• I manusa mamula padi ring uma

Nuju liburan sekolah Rai ngajak adinѐ Sari suba selidan bangun lakar nulungin reramanѐ magarapan. Satondѐn nulungin reramanѐ magarapan, Rai lan adinѐ pada-pada ngedasin sirepanѐ. Disubanѐ suba suud makedas-kedas di sirepanѐ laut nyampatang leluu di natah umahnѐ. Adinѐ nulungin memenѐ malebengan di paon. Disubanѐ suud nyampatang leluu, Rai ngemaang ubuh-ubuhanѐ ngamah. Ia ngelah sampi duang akit. Sampinѐ baangina padang anѐ aritanga ibi sanja. Suba suud ngemang ubuh-ubuhanѐ ngamah, Rai laut ka paon nulungin mѐmѐnѐ malebengan. Adinѐ seleg ia ngaet bawang, kesuna, tabia jangin jukutnѐ. Mѐn Rai liu pesan ngelah prabotan. Luirѐ ada sok kasi, pengorѐngan, dandang, cubluk, piring, sinduk, lumbur, siut, semprong, sepit, kukusan, muah sanѐ lianan. Prabotѐ ento tuah piranti anѐ ada di paon Mѐn Rainѐ.

 

Rai ngajak adinѐ seleg pesan nulungin reramanѐ magarapan. Napi sanѐ tulungin Rai sadurung ka paon?

• Maang sampinѐ padang anѐ aritanga ibi sanja

• Ngedasin natah uli leluu

• Ngedasin kamar mandi

• Ngaet bawang anggѐn bumbu ring jukutѐ

Mѐn Rai liu pesan ngelah prabotan di paonѐ. Kruna sanѐ kacetak tebal punika tungkalikanѐ..

• Akeh

• Bedik

• Cenik

• Denges