PAS B. Banjar Kelas 5

BADAKU

Mamainan badaku nangini kabanyakan dimainakan ulih kakanakan bibinian, tagal kakanakan lalakian banyak jua nang bisa badaku . Salain dari kakanakan , badaku nitu jua dikatujui ulih nang sudah tuha . Jadi mamainan badaku nangitu dikatujui sabarataan urang Banjar.

Mamainan badaku nitu mamakai wadahnya nang ngarannya disambat padakuan diulah tumatan batang kayu nangka , lagi ada jua nang diulah tumatan kayu nang lainnya. Ukuran panjang padakuan sakira 60 cm, libarnya sakira 20 cm diulah dua baris luang , nang 2x5 luang, 2x7 luang ada jua nang sampai 2x9 luang .

Di hujung kiwa lawan kanan ada luang nang taganal, dan sambat rumah , ada jua nang manyambat kindai.

Padakuan nitu diandaki lawan anak daku nang banyak isinya manurut banyaknya luang. Anak daku nang banyak isinya manurut banyaknya luang. Anak daku nitu wayah dahulu dipakai kulit sihi, ada jua nang bigi sawu, batu atawa kalikir.

Padakuan nang luangnya 2x5 , baarti isi anak dakunya 2x5x5 bigi =50 bigi. Padakuan nang luangnya 2x7, baarti isi anak dakunya 2x7x7 bigi=98 bigi .Padakuan nang luangnya 2x9 luangnya baarti luangnya baarti 2x9x9 bigi=162 bigi.

Main badaku

Sabuting padakuan dimainkan ulih dua ikung , nang duduk basila atawa batalimpuh bahadapan, mahadapi padakuan. Luang-luang padakuan baisi anak daku nang ada dihadapan nang  main nitu, nang jadi ampunnya. Siapa nang pamulaan main nang badua nitu, biasanya diadakan dahulu basiun .Basiun nitu dipakai tunjuk nang baarti manusia, ibu jari nang baarti gajah, kalingking nang baarti samut.

Siapa nang manang basiun nitu, baarti inya nang badahulu main badaku. Nang pamulaan dijumput dahulu anak daku nang paling hujung subalah kanan.

Balalu diisiakan ka dalam luang padakuan tunggal bigian, tamasuk ka dalam rumah atawa kindai ampunya nang disubalah kiwa. Siapa nang paling banyak dapat anak daku di rumahnya , maka inya nitu nang disambat manang badaku.

Untuk mengerjakan soal nomor 1 sampai dengan nomor 10, baca teks diatas terlebih dahulu

Apa judul kisah nang diatas?

• main badarama

• main batukupan

• badaku

• basimban

Siapa nang banyak mamainakan badaku ?

• kakanakan babinian

• kakanakan gonol

• kakanakan halus

• kakanakan lalakian

Wadah mamainan badaku nitu di sambat….

• badaku

• padatuan

• padakuan

• Pamandiran

Ukuran panjang padakuan sakira …… cm dan libarnya sakira….cm?

• 60 cm dan 20 cm

• 80 cm dan 40 cm

• 70 cm dan 30 cm

• 85 cm dan 55 cm

Di hujung kiwa lawan kanan ada luang nang taganal disambat urang ?

• apur

• kandang

• padu

• rumah atawa kindai

Anak daku nitu wayah dahulu dipakai lawan….

• kulit pilanduk

• kulit sihi

• kulit biawak

• kulit kijing

Padakuan nang luangnya 2x5x5 = isinya sabanyak….

• 17 bigi

• 30 bigi

• 25 bigi

• 50 bigi

Barapa urangkah sabuting padakuan nitu dimainakan?

• dua urang

• tiga urang

• lima urang

• lima urang

Apabila handak mamulai padakuan kakanakan nitu nang didahulukan yaitu ….

• ompimpa

• basiun

• lima urang

• tujuh urang

Siapa nang banyak bigi dakunya di sambat urang sebagai….

• nang manang

• nang kalah

• nang main salawasan

• mainnya satumat-satumat