LATIHAN CARPON

Ieu di handap anu asup kana wangenan carita pondok nyaéta …

• Karya sastra anu diréka dina basa lancaran/ prosa kalawan ukuranana pondok

• Karya sastra anu diréka dina basa lancaran/ prosa kalawan ukuranana panjang

• Karya sastra anu diréka dina basa lancaran kalawan ukuranana pondok jeung miboga unsur pamohalan

• Karya sastra anu diwangun ku paguneman antar tokoh/ palaku kalawan dibarengan ku katerangan nu dibutuhkeun pikeun pintonan

• Karya sastra anu diwangun ku wangun ugeran kalawan teu maké aturan-aturan anu séjén

Ieu di handap anu asup kana ciri-ciri carpon nyaéta …

• Loba latar tempat anu dicaritakeun

• Sifat caritana déskriptif

• Palaku caritana henteu kaitung réa

• Galur caritana ngarancabang

• Eusi caritana ngandung unsur pamohalan

Ieu di handap anu asup kana unsur intrinsik carpon nyaéta …

• Oriéntasi

• Munculna mimiti masalah/ Komplikasi

• Masalah muncer/ Klimaks

• Puseur sawangan

• Koda

Ieu di handap anu jadi puseur sawangan dina carpon nyaéta …

• Palaku

• Latar suasana

• Latar tempat

• Latar waktu

• Watek palaku

Hal anu ngandung piwuruk atawa hal-hal anu bisa dituladankeun dina hiji kajian sastra, nyaéta ...

• jejer

• galur

• palaku

• amanat

• latar

Runtuyan kajadian anu ngawangun hiji carita disebut …

• amanat

• palaku

• latar

• jejer

• galur

Bagéan carita dimana pangarang ngagambarkeun palaku mimiti nyanghareupan masalah, asup kana struktur carpon bagéan …

• oriéntasi

• komplikasi

• klimaks

• résolusi

• koda

Ieu di handap babandingan carpon jeung dongéng ditilik tina eusi caritana nyaéta …

• Carpon mah pangarangna jelas, sedengkeun dongéng mah pangarangna teu jelas (anonym).

• Carpon mah kaasup karya sastra modern, sedengkeun dongéng mah karya sastra buhun.

• Carpon mah caritana réalistis, sedengkeun dongéng mah caritana pamohalan.

• Carpon mah nyaritakeun jalma biasa, sedengkeun dongéng mah nyaritakeun palaku nu rupa-rupa, manusa, sato, jin, jsb.

• Carpon mah karya sastra nu sumebar sacara tinulis, sedengkeun dongéng mah karya sastra nu sumebar sacara lisan.

Baca ieu sempalan carita pondok di handap pikeun ngajawab soal!

“Sok geura bébérés! pangajaran poé ieu nepi ka dieu heula, isuk tuluykeun,” ceuk Bu Erna, guru kelas 1 SD Pasirwaru, nu umurna geus tengah tuwuh. Teu kungsi lila barudak téh budal ti kelasna sewang-séwangan bari teu eureun-eureun tingjéréwét, komo deui barudak awéwé mah teu sirikna tingjarerit patarik-tarik bari lulumputan diudag-udag ku barudak lalaki, nu  ngaheureuyan. Tukang dagang ciréng, goréngan, gulali, és, tatan-tatan rék kukud, tuluy ngider deui. Barudak pabuis paheula-heula ninggalkeun sakola. teu kungsi lila éta sakola téh geus réhé, ngan ukur sababaraha urang guru jeung pagawé lianna nu masih kénéh bébérés di kantor.

(dicutat tina Panggelar Basa Sunda, Carpon Tukang Koran, kc 71)

Unsur intrinsik anu dicaritakeun dina sempalan carita di luhur leuwih nuduhkeun unsur bagéan …

• Galur

• Latar

• Puseur sawangan

• Palaku 

• Amanat

Baca ieu sempalan carita pondok di handap pikeun ngajawab soal!

                Narsim teu tuluy balik ka imahna. Sabada sakola, manéhna mah tuluy waé ka agén Koran anu teu pati jauh ti sakola. Baju saragamna mah sup waé kana kantongna anu geus rada kuleuheu. Ngan ukur kaos oblong nu dipakéna téh, ari calanana mah angger wé maké calana sakola. Ka handapna maké sendal capit bari talina geus tutumbuan. Unggal poéna Narsim mah sok dagang koran mun balik sakola téh. Ngasong-ngasong koran ka unggal mobil nu areureun mun kaparengkeun lampu setopan beureum, bari teu eureun-eureun nawarkeun koran.

 (dicutat tina Panggelar Basa Sunda, Carpon Tukang Koran, kc 71)

Ditilik tina sempalan carita di luhur, asup kana bagéan struktur carita bagéan …

• Oriéntasi

• Komplikasi

• Klimaks

• Résolusi

• Koda