ՈՒՍՈՒՑՉԻ ԱՌԱՐԿԱՅԱԿԱՆ ԳԻՏԵԼԻՔԻ ՍՏՈՒԳՈՒՄ

Նկարում պատկերված է 𝑿 առանցքի երկայնքով շարժվող մարմնի կոորդինատի՝ ժամանակից կախումն արտահայտող գրաֆիկը: Ինչպիսի՞ շարժում է կատարում մարմինը տարբեր ժամանակամիջոցներում:𝒕

• 1) 0-𝑡_{1 ժ}ամանակամիջոցում հավասարաչափ արագացող, 𝑡₁-𝑡₂ ժամանակամիջոցում՝ հավասարաչափ, 𝑡₂-𝑡₃ ժամանակամիջոցում՝ հավասարաչափ դանդաղող:

• 0-𝑡1 ժամանակամիջոցում հավասարաչափ դանդաղող, 𝑡1-𝑡2 ժամանակամիջոցում՝ հավասարաչափ, 𝑡₂-𝑡₃ ժամանակամիջոցում՝ հավասարաչափ արագացող:

• 0-𝑡₁ ժամանակամիջոցում հավասարաչափ, 𝑡₁-𝑡₂ ժամանակամիջոցում՝ դադարի վիճակում, 𝑡₂-𝑡₃ ժամանակամիջոցում՝ հավասարաչափ դանդաղող:

• 0-𝑡₁ ժամանակամիջոցում հավասարաչափ, 𝑡₁-𝑡₂ ժամանակամիջոցում՝ դադարի վիճակում է, 𝑡₂-𝑡₃ ժամանակամիջոցում՝ հավասարաչափ:

Հորիզոնական ուղղությամբ միևնույն սկզբնական արագությամբ շարժվող երկու ավտոմեքենաներ մոտենում են կորության նույն շառավիղն ունեցող, հավասար երկարությամբ կամուրջներին, առաջինը՝ ուռուցիկ, երկրորդը՝ գոգավոր: Ո՞ր ավտոմեքենան ավելի շուտ կանցնի կամուրջը: Շփումն անտեսել:

• առաջին

• երկրորդ

• կանցնեն նույն ժամանակում

• կախված է սկզբնական արագությունից

Զսպանակը երկու կողմից ձգում են նրա առանցքի երկայնքով ուղղված մոդուլով հավասար 𝑭 ուժերով: Որքա՞ն է զսպանակում առաջացած առաձգականության ուժը:

• 0

• 𝐹/2

• F

• 2F

Անշարժ ճախարակի վրա ճոպան է գցված: Ճոպանի մի ծայրից ձեռքերով մարդ է կախված, մյուս ծայրից՝ մարդու զանգվածին հավասար բեռ: Ի՞նչ կկատարվի, եթե մարդը ձեռքերի օգնությամբ ճոպանով սկսի բարձրանալ դեպի վեր: Ճախարակի և ճոպանի զանգվածները, շփումն անտեսել:

• մարդը և բեռը կբարձրանան վեր միևնույն արագություններով

• մարդը և բեռը կբարձրանան վեր տարբեր արագություններով

• մարդը կբարձրանա վեր, բեռը կիջնի ցած

• բեռը կբարձրանա վեր, մարդը կիջնի ցած

Նկարում պատկերված 𝒎 զանգվածով չորսուն 𝑭⃗ ուժի ազդեցությամբ ուղղաձիգ պատի վրայով հավասարաչափ բարձրանում է դեպի վեր: Ուժն ուղղաձիգի հետ կազմում է 𝜶 անկյուն: Չորսուի և պատի միջև շփման գործակիցը 𝜇 է: Ինչի՞ է հավասար 𝑭 ուժը:

• 𝜇𝑚/( 𝑐𝑜𝑠 𝛼+𝜇 𝑠𝑖𝑛𝛼 )

• 𝑚g/( 𝑐𝑜𝑠 𝛼−𝜇 𝑠𝑖𝑛 𝛼)

• 𝜇𝑚g /(𝑐𝑜𝑠 𝛼−𝜇 𝑠𝑖𝑛𝛼 )

• 𝑚g /(𝑐𝑜𝑠 𝛼+𝜇 𝑠𝑖𝑛𝛼 )

Ի՞նչ բարձրության պետք է հասցնել 3 մետրանոց տախտակի մի ծայրը, որպեսզի այդ թեք հարթությամբ բեռ բարձրացնելիս հնարավոր լինի ուժի մեջ շահել 5 անգամ: Շփումն անտեսել:

• 0,3 մ

• 0,6 մ

• 0,9 մ

• 1,5 մ

Նկարում պատկերված կետերը համապատասխանում են չորս տարբեր մարմինների զանգվածների և կինետիկ էներգիաների արժեքներին: Մարմիններից որի՞ արագությունն է նվազագույնը

• 1

• 2

• 3

• 4

Միևնույն 𝒎 զանգվածով երկու մարմին շարժվում են իրար ընդառաջ 𝝊 և 𝟐𝝊 արագություններով: Որքա՞ն է առաջին ավտոմեքենայի իմպուլսի մոդուլը՝ երկրորդ ավտոմեքենայի հետ կապված հաշվարկման համակարգում

• 0

• 𝑚𝜐

• 2𝑚𝜐

• 3𝑚𝜐

Նյութական կետի շարժումը նկարագրվում է 𝒙 = 𝟐 𝒔𝒊𝒏 ( 𝝅𝒕 /𝟒 + 𝝅 /𝟐 ) հավասարումով, որտեղ մեծություններն արտահայտված են ՄՀ-ի համապատասխան միավորներով: Որքա՞ն է նյութական կետի տատանումների հաճախությունը

• 0,125 Հց

• 2 Հց

• 𝜋/ 4 Հց

• 𝜋/ 2 Հց

Նկարում պատկերված մաթեմատիկական ճոճանակը 𝒂 կետից հասցրել են 𝒃 կետը և բաց թողել, որից հետո գնդիկն սկսել է կատարել 1 վ պարբերությամբ ներդաշնակ տատանումներ: Ո՞ր կետում կհայտնվի գնդիկը շարժումն սկսելուց 1,5 վ անց

• c

• d

• a

• e