Network විභාග ප්‍රශ්න 2021-2023

අන්තර්ජාලයේදී, සත්කාරකයක් (host) එහි IP යොමුවෙන් (address) හඳුනා ගැනේ. IPv4 හිදී සත්කාරක හඳුනා ගැනීමට සෑම IP යොමුවක්ම බිටු ....A.... කින් සමන්විත වේ. IPv6 ලෙස හඳුන්වන නව සංස්කරණයේදී IP යොමුවක් බිටු .....B.... කින් සමන්විත වේ.

• A - 32 සහ B - 48

• A - 32 සහ B - 128

• A - 48 සහ B - 32

• A - 48 සහ B - 128

• A - 128 සහ B - 32

වසම් නාම පද්ධතිය (DNS) සම්බන්ධයෙන් පහත කවර ප්‍රකාශ නිවැරදිද?

A - එය වෙබ් ලිපින IP යොමු වලට සහ IP යොමු වෙබ් ලිපිනවලට අනුරූපණය (map) කරයි.

B -HTTP, DNS මගින් සපයන සේවා භාවිත කරයි.

C - DNS වසම් නාම ධූරාවලියක් පවත්වා ගනියි.

• A පමණි

• A සහ B පමණි

• A සහ C පමණි

• B සහ C පමණි

• A, B සහ C යන සියල්ලම

IP යොමු (addresses) සම්බන්ධයෙන් පහත කවර ප්‍රකාශ නිවැරදි වේද?

A - C පන්තියේ ජාලවල පළමු අෂ්ටක අගය 192 සිට 223 තෙක් වේ.

B - IPv4 මගින් උපාංග මිලියන 4ක් දක්වා IP යොමු පැවරීම කළ හැක.

C - 192.168.0.0 - 192.168.255.255 යනු පෞද්ගලික IP යොමු පරාසයකි.

• A පමණි

• B පමණි

• A සහ B පමණි

• A සහ C පමණි

• C පමණි

අසමමිතික යතුරු කේතනය යොදා ගුප්ත කේතනය (encrypt) කළ පණිවිඩයක් අමරට පමණක් කියවීම සඳහා යැවීමට සුරේෂ්ට අවශ්‍ය නම්,

• සුරේෂ් තම පොදු යතුර යොදා පණිවුඩය ගුප්ත කේතනය කළ යුතුය.

• සුරේෂ් තම පෞද්ගලික යතුර යොදා පණිවුඩය ගුප්ත කේතනය කළ යුතුය.

• සුරේෂ්, අමරගේ පොදු යතුර යොදා පණිවුඩය ගුප්ත කේතනය කළ යුතුය.

• සුරේෂ්, අමරගේ පෞද්ගලික යතුර යොදා පණිවුඩය ගුප්ත කේතනය කළ යුතුය.

• සුරේෂ්, අමරගේ පොදු සහ පෞද්ගලික යන යතුරු දෙකම යොදා පණිවුඩය ගුප්ත කේතනය කළ යුතුය.

ගිනි පවුරක් (firewall) සම්බන්ධයෙන් පහත සඳහන් කවරක් නිවැරදිද?

A - එයට අභ්‍යන්තර ජාලයකින් පිටතට යන දත්ත ප්‍රවාහයන් නිරීක්ෂණය සහ පෙරීම (filter) සිදු කළ හැකි ය.

B - එය ජාලයක් අනවසර ප්‍රවේශයන්ගෙන් ආරක්ෂා කිරීම සිදු කරයි.

C - එය දෘඪාංගයක්, මෘදුකාංගයක් හෝ ඒ දෙකම හෝ විය හැකි ය.

• A පමණි

• B සහ C පමණි

• A සහ B පමණි

• A සහ C පමණි

• A, B සහ C සියල්ලම

MAC සහ IPv4 ලිපියොමු සම්බන්ධයෙන් පහත සඳහන් කවරක් නිවැරදිද?

A - MAC ලිපියොමුවල දිග බිටු 32 ක් වන අතර ඒවා ජාල (network) ස්තරයේ භාවිත වේ.

B - MAC ලිපියොමුවල දිග බිටු 48 ක් වන අතර ඒවා දත්ත සබැඳි (datalink) ස්තරයේ භාවිත වේ.

C - IPv4 ලිපියොමුවල දිග බිටු 32 ක් වන අතර ඒවා ජාල (network) ස්තරයේ භාවිත වේ.

• A පමණි

• A සහ C පමණිය.

• B පමණි

• B සහ C පමණි

• C පමණි

TCP/IP ආකෘතියේ ප්‍රවාහන ස්තරයේ (Transport Layer) නියමාවලි වන්නේ මොනවාද?

A - සම්ප්‍රේෂණ පාලන නියමාවලිය (TCP)

B - පරිශීලක දත්ත පණිවිඩ නියමාවලිය (UDP)

C - ගොනු හුවමාරු නියමාවලිය (FTP)

D - අන්තර්ජාල නියමාවලිය (IP)

• A සහ B පමණ

• B සහ D පමණි

• A සහ C පමණි

• B සහ C පමණි

• A, B, C සහ D සියල්ලම

IP ලිපින 193.1.1.0/24 කාණ්ඩය පවරා ඇති සංවිධානයකට උපජාල අටක් සෑදීමට අවශ්‍ය වේ. එක් එක් උපජාලය IP ලිපින 25 කට වඩා සැපයිය යුතු ය. දෙන ලද ජාලය හඳුනාගැනීමට අවශ්‍ය බිටු සංඛ්‍යාව, උපජාල හඳුනා ගැනීමට අවශ්‍ය මුළු බිටු සංඛ්‍යාව සහ අනන්‍ය IP ලිපින පැවරීමට අවශ්‍ය බිටු සංඛ්‍යාව නිවැරදිව පිළිවෙළින් ලැයිස්තු ගත කර ඇත්තේ පහත සඳහන් කවරක ද?

• 24,3,5

• 24,5,3

• 24,27,5

• 27,3,5

• 27,30,2

ජාල ස්ථලක (topology) සම්බන්ධයෙන් පහත සඳහන් කුමන ප්‍රකාශය නිවැරදිද?

• බස් ස්ථලකයේදී, සියලුම නෝඩු (nodes) සම්බන්ධ කිරීමට මධ්‍යගත ජාල නාභියක් (hub) භාවිත වේ.

• තාරකා ස්ථලකයේදී, සියලුම නෝඩු සම්බන්ධ කිරීමට රේඛීය කේබලයක් භාවිත වේ.

• මුදු ස්ථලකයේදී, පණිවිඩ යවනු ලබන්නේ දක්ෂිණාවර්තව (clockwise) පමණි.

• මුදු ස්ථලකයේදී, එක් එක් නෝඩුව සෘජුවම සම්බන්ධ වන්නේ අසල්වැසි නෝඩු දෙකකට පමණි.

• බැඳි (mesh) ස්ථලකයේදී, එක් එක් නෝඩුව සැමවිටම තවත් එක් නෝඩුවකට පමණක් සම්බන්ධ වේ.

පහත සඳහන් කුමන ප්‍රකාශ/ය නිවැරදිද?

A අංකිත අත්සන (digital signature) පණිවිඩයක සත්‍යතාව සහතික කරයි.

B අසමමිතික යතුරු කේතනයේදී (asymmetric key encryption), ගුප්ත කේතනය (encryption) සහ විකේතනය (decryption) සඳහා විවිධ යතුරු භාවිත වේ.

C ගුප්ත කේතන ක්‍රියාවලිය සරල අක්ෂර (plain text), රහස් අක්ෂර (ciphertext) බවට පරිවර්තනය කරයි.

• A පමණි

• B පමණි

• C පමණි

• A සහ B පමණි

• A, B සහ C සියල්ලම