Fil 6 Module 3

Si Lito ay isang batang mahilig maglaro ng basketbol. Isang araw, naglaro siya kasama ang kanyang mga kaibigan sa bakuran. Bigla siyang nadapa at natapilok ang kanyang paa. Ang kanyang mga kaibigan ay nagmadaling tumulong sa kanya at dinala siya sa kanilang bahay. Pagdating nila sa bahay, agad itong pinahiran ng kanyang ina ng langis at pinagpahinga.

     Alin sa sumusunod ang may tamang pagkakasunod-sunod ng mga pangyayari sa kuwento?

• 1.    Nadapa si Lito at natapilok ang kanyang paa.

  2.    Naglaro si Lito ng basketbol kasama ang mga kaibigan.

  3.    Pinahiran ng kanyang ina ng langis ang paa ni Lito.

  4.    Dinala si Lito ng kanyang mga kaibigan sa kanilang bahay.

  
  

• 1.    Naglaro si Lito ng basketbol kasama ang mga kaibigan.

  2.    Nadapa si Lito at natapilok ang kanyang paa.

  3.    Dinala siya ng kanyang mga kaibigan sa kanilang bahay.

  4.    Pinahiran ng kanyang ina ng langis ang kanyang paa.

  
  

• 1.    Pinahiran ng kanyang ina ng langis ang paa ni Lito.

  2.    Dinala si Lito ng kanyang mga kaibigan sa kanilang bahay.

  3.    Nadapa si Lito at natapilok ang kanyang paa.

  4.    Naglaro si Lito ng basketbol kasama ang mga kaibigan.

  
  

Si Anna ay naghahanda para sa kanilang school presentation. Maaga siyang gumising upang magpraktis ng kanyang sayaw. Nang makarating siya sa paaralan, nakita niya ang kanyang mga kaklase na nag-eensayo rin. Pagkatapos ng kanilang paghahanda, nagsimula na ang programa at itinanghal ng grupo ni Anna ang kanilang inihandang sayaw. Masaya at proud si Anna sa kanilang naging pagtatanghal.

           Base sa kuwento, alin sa sumusunod na pangyayari ang dapat na mauna?

• Dumating si Anna sa paaralan at nakita ang mga kaklase na nag-eensayo.

  
  

• Maagang gumising si Anna upang magpraktis ng sayaw.

  
  

• Nagsimula ang programa at itinanghal nila ang kanilang sayaw.

  
  

Isang araw, si Liza ay nagising nang maaga. Nakita niya ang kanyang ina na nagwawalis ng bakuran, kaya agad siyang bumangon upang tumulong. Tinanong niya ang kanyang ina kung ano ang kanyang maitutulong, kaya binigyan siya ng gawain. Pinapunasan sa kanya ang mga bintana at ipinalabas sa kanya ang mga basura. Masaya niyang tinapos ang mga ito at natapos nilang mag-ina ang mga gawaing bahay nang mabilis. Natuwa ang ina ni Liza at sinabi na napakalaking tulong nito sa kanya. Simula noon, araw-araw nang tumutulong si Liza sa mga gawaing bahay.

Base sa kuwento, alin ang pinakahuling pangyayari?

• Nagising nang maaga si Liza.

  
  

• Tumulong si Liza sa gawaing bahay.

• Masaya si Liza at ang kanyang ina matapos gawin ang lahat ng gawain.

Isang araw, sina Ben at Ana ay naglakad patungo sa ilog malapit sa kanilang baryo. Namangha sila sa ganda ng kalikasan—malinaw ang tubig at sariwa ang hangin. Ngunit habang naglalakad sila, napansin nilang maraming basura ang nakakalat sa paligid ng ilog. Nalungkot sila sa kanilang nakita.

“Dapat nating linisin ito,” sabi ni Ben.
“Oo, tama ka,” tugon ni Ana. “Kailangan nating alagaan ang ating kalikasan.”

Kinabukasan, nagdala sila ng mga supot at gloves at nagsimulang maglinis ng paligid ng ilog. Inipon nila ang mga plastik, bote, at iba pang kalat na naiwan ng mga tao. Tinulungan din sila ng iba pang mga bata sa baryo, at naging masaya ang kanilang paglilinis dahil nagtutulungan silang lahat.

Pagkalipas ng ilang oras, malinis na ulit ang ilog at ang kapaligiran. “Ang ganda na ulit ng lugar na ito!”, sabi ni Ana.
“Kapag nagmalasakit tayo sa kalikasan, ibabalik din nito sa atin ang kagandahan,” dagdag ni Ben.

Mula noon, nagtakda sila ng lingguhang paglilinis sa kanilang baryo upang masigurong mananatiling malinis at maayos ang kalikasan.

         Base sa kuwento, aling pangyayari ang nagpapahayag ng suliranin?

• Nakita nila ang mga basurang nakakalat sa paligid ng ilog.

• Naglakad sina Ben at Ana papunta sa ilog at humanga sa ganda ng kalikasan.

• Nagsimula silang maglinis ng ilog kasama ang ibang bata.

  
  

 Maraming mabubuting kaibigan  si Jose Rizal.  Karamihan sa mga ito  ay nakilala niya  sa Europa.  Nang ipatapon ng mga Espanyol si Rizal sa Dapitan, patuloy  pa   rin  ang    pakikipagsulatan   niya    sa    kanyang    mga kaibigan.   Nakipagpalitang-kuro   siya   sa  mga   ito  tungkol  sa  mga  kulisap, halaman, heograpiya, gayundin  sa pag-aaral ng wika.

         Si Dr. Blumentrit na isang dakilang iskolar ang kanyang pinakamatalik na kaibigan.  Maraming  kapaki-pakinabang   na mga pangaral  ang ibinigay  nito kay Rizal.  Kaibigan din ni Rizal si A.B Meyer, direktor ng   museo   sa Germany. Pinadalhan siya ni Rizal ng halimbawa ng mga kulisap, hayop, at halamang galing sa Pilipinas. Kabilang din sa kanyang mga kaibigan sina Dr.R. Rost,  iskolar na Ingles at si Dr. Napoleon Khiel ng Prague.

• 1. Nakipagpalitang-kuro siya sa mga ito tungkol sa mga kulisap, halaman, heograpiya, gayundin  sa pag-aaral ng wika.

• 1. Maraming kapaki-pakinabang na mga pangaral ang ibinigay nito kay Rizal.

• 1. Maraming mabubuting kaibigan  si Jose Rizal.

 Tukuyin ang paksang pangungusap.

Ang kabundukan ay isang kayamanan. Maraming naninirahang mga hayop na lumilipad, gumagapang at tumatakbo sa kagubatan ng kabundukan.   Hindi   rin    maikakailang    ang    kakaibang    mga halamang nabubuhay rito ay napakarikit. Ang tubig sa ilog at batis ay malinaw na sadyang  makakapanalamin sa panatag na bahagi nito.  May iba’t ibang mineral ding nakukuha sa ilalim ng lupa sa kabundukan.

• 1. Ang kabundukan ay isang kayamanan.

• Maraming naninirahang mga hayop na lumilipad, gumagapang at tumatakbo sa kagubatan ng kabundukan.

• 1. Hindi rin maikakailang ang kakaibang mga halamang  nabubuhay  rito ay napakarikit.

Tukuyin ang pangunahing diwa ng saknong ng tula.

Dumalang ang mga puno, gumuho ang mga bundok

Sa gubat na dapat sana’y doon kami nakaluklok

Inabuso ng maraming tampalasan at dayukyok

Kinuha ng kayamanan, trahedya ang idinulot

• 1. Kapahamakan ang idinulot ng pagsira sa kagubatan.

• Maraming bundok ang gumuho na.

• 1. Maraming masasamang tao sa mundo.

Basahin ang talata at tukuyin ang paksang pangungusap.

Marami ang natutuwa kay Lando.  Apat na taon pa lamang siya  ay marunong na siyang magbilang, bumigkas ng alpabeto at sumulat ng kanyang pangalan.  Marunong din siyang umawit at tumula.  Matatas siyang magsalita.  Talagang listong bata si Lando.

• 1. Talagang listong bata si Lando.

• 1. Matatas siyang magsalita.

• 1. Apat na taon pa lamang siya  ay marunong na siyang magbilang, bumigkas ng alpabeto at sumulat ng kanyang pangalan.

Ano ang tawag sa sangkap ng kuwento na ipinapakita ang labanan ng mga tauhan?

• tauhan

• tagpuan

• tunggalian

Ano ang tumutukoy sa pinakabuod na laman ng kwento?

• suliranin

• paksa

• tunggalian