Teks Anekdot UH MIPA

Mobil Murah

Sapa wonge sing pengin duwe urusan karo jaksa? Yen ora kepengin duwe urusan karo jaksa, mula aja nglangar hukum. Luwak mangan tales, lagi apes. Kaya ngono nasibe Kangsa, mantan bupati kang kudu urusan karo jaksa, jalaran kasus korupsi.

Dina Minggu, sedina sadurunge kasuse disidhangake ing pengadilan, Kangsa sowan ing ndaleme jaksa kang arep nangani prakarane. Kanthi ageman necis, rambut disisir mlipit Kangsa nothok lawang, ”Thok...thok...thok, kula nuwun”. ”Mangga, tengga sekedhap nggih”, keprungu wangsulan saka njero ngomah. Kangsa atine dheg-dhegan. Karo nunggu dibukakake lawang, ukara-ukara kang wis disusun ing omah ditata maneh. Tangane ngapurancang, awake kang gagah prakosa dina iku kepeksa dibungkukake.

”Nuwun sewu, sugeng enjing,” Kangsa uluk salam.”Ooo...inggih, Pak Kangsa...mangga lenggah, wonten kersa menapa,” Pak Jaksa mbagekake tamune.”Saderengipun kula matur, kula nyadhong duka mbok menawi kula klentu ing atur,” Kangsa miwiti rembug kanthi alus.

Pak Jaksa wis kulina ngadhepi wong kang kena masalah, mula panjenengane tetep anteng merbawani, ”Mboten dados menapa, ngendika blaka suta mawon.””Anggen kula sowan menika, kula badhe ngaturaken mobil mewah kagem panjenengan,” ature Kangsa lirih nganti meh ora keprungu swarane.”Pundi mobilipun? Lan pinten reginipun,” Pak Jaksa pitakon kanthi madhep mantep. Rumangsa pancingane meh ngenani sasaran, Kangsa wiwit pracaya dhiri. Karo nudhing mobil sing diparkir ing njaba, Kangsa matur, ”Menika ingkang cemeng! Estunipun regi mobil menika setunggal milyar, nanging menika kula aturaken gratis kagem panjenengan.”

”Boten,....kula mboten purun nampi barang gratisan, awit niku kalebet gratifikasi utawi tindakan korupsi. Ananging, awit kula remen kaliyan mobil menika, kados pundi menawi kula tumbas?” Pak Jaksa ngendika kanthi teges.

”Inggih...mangga kersa, panjenengan pundhut pinten?” Kangsa mangsuli kanthi dheg-dhegan lan kebingungan. ”Kula tumbas Rp 50.000,- menapa angsal?” Pak Jaksa nerusake

ngendikane. ”Ooo...inggih...inggih...mangga!” Kangsa tambah bingung. Karo menehake salembar dhuwit Rp 100.000,- Pak Jaksa ngendika, ”Menika artanipun.” Kangsa nampani dhuwit karo matur, ”Nyuwun duka, kula mboten gadhah wangsulanipun? ”Mboten perlu dipunwangsulaken, panjenengan mbenjing sasampunipun sidhang, cekap maringi kula mobil setunggal malih, nanging kula nyuwun warninipun ingkang abrit!” ”Ooo...inggih...inggih..., kula nyuwun pamit.” Kangsa mlaku ngloyor kaya Baladewa ilang gapite.

Karakteristik wacan kanthi irah-irahan “Mobil Murah” Sing bener. Kajaba…

• Guyonane ngandhut pasemon,wewarah, lan utawa

• Isine nyritakake lelakone paraga/wong penting.

• Guyonane lugu/ wantah.

• Mupangate minangka sarana kritik

• Mupangate minangka sarana hiburan.

Teks kanthi irah-irahan ”Mobil Murah” kalebu teks apa?

• Teks humor

• Teks anekdot

• Teks cerkak

• Teks wayang

• Teks drama

Perangan saka teks anekdot kang nuduhake wiwitane crita utawa mula bukane kepiye prastawa kang dumadi, biasane kanthi pengenalan paraga, wayah, lan panggonan diarani...

• Abstraksi

• Krisis

• Orientasi

• Koda

• Respon

Perangan saka teks anekdot kang nuduhake prakara utawa klimaks saka crita diarani...

• Krisis

• Koda

• Respon

• Abstraksi

• Orientasi

Urutane struktur teks ing teks anekdot sing bener yaiku...

• Orientasi-abstraksi-krisis-respon-koda

• Abstraksi-orientasi-respon-krisis-koda

• Abstraksi-orientasi-krisis-respon-koda

• Krisis-orientasi-abstraksi-respon-koda

• Orientasi-respon-abstraksi-krisis-koda

Struktur teks anekdot kang nuduhake perangan kepriye ngrampungake prakara kang dumadi ing crita diarani...

• Orientasi

• Abstraksi

• Respon

• Koda

• Krisis

Ing ngisor iki sing ora kalebu ciri-cirine teks anekdot yaiku...

• Pasemon adhedhasar kedadeyan saben dina

• Crita cerkak, ringkes lan lucu

• Nduweni kesan panglipur

• Nduweni tembung panggandheng

• Ngandhut pesen tartamtu

Perangan ing teks anekdot kang nuduhake pungkasan crita diarani bagian...

• Krisis

• Respon

• Koda

• Orientasi

• Abstraksi

Kinanthi kuwi putrane Bu Sumiati kang nduweni watak andhap asor lan pinter. Ukara kasebut menawa mlebu ing teks anekdot kalebu ing bagian...

• Krisis

• Respon

• Koda

• Orientasi

• Abstraksi

Adi : Yen mlaku sikile loro, menawa mandheg sikile sepuluh. Apa kuwi aranane Nab?

Zaenab : Apa ya... wuah kuwi yo ora mungkin ana tah!

Adi : Kowe wae ra ngerti, jawabane kuwi bakul sate pikulan!

Teks anekdot kasebut dudutan...

• Sindiran

• Pitutur

• Lucu

• Pesen moral

• Mesakne