Latian ASAS kelas 9 Basa Sunda

1 Pék perhatikeun kalimahna pilih jawaban anu bener saluyu jeung bacaan ieu di handap! Jalaran aya nu baris didugikeun, hapunten simkuring seja ngiring jabung tumalapung dina ieu majelis. Kalimah di luhur mangrupikeun kalimah nu aya dina ....

• eusi biantara
• bubuka biantara
• panutup biantara
• salam panutup biantara

2 Pék perhatikeun kalimahna pilih jawaban anu bener saluyu jeung bacaan ieu di handap! Hadirin hormateun sim kuring. Diayakeun ieu acara dina raraga paturay tineung. Simkuring salaku wawakil ti sadaya siswa kelas salapan, neda dihapunten ka pangersa ibu kalih bapa guru. Wiréh sim kuring saparakanca moal luput tina kalepatan, boh nu karaos atanapi nu teu karaos. Neda agung nya paralun jembar pangampurana, ku galih anu wening ku manah anu setra. Sempalan biantara di luhur, mangrupakeun pangbagéa nu didugikeun ku ....

• pupuhu sakola
• wawakil siswa kelas 9
• wawakil ti anggota OSIS
• wawakil ti guru

3 Conto ungkara anu mangrupa bubuka biantara nyaéta …

• Dina ieu kasempetan simkuring seja nyuhunkeun pidu’ana ka Ibu miwah Bapa Guru
• Solawat miwah salam mugia ngocor ngagolontor ka Kangjeng Nabi Muhammad SAW
• Sakitu anu kapihatur, sasieureun sabeunjeureun mugia aya mangpaatna
• Hapunten anu kasuhun, bilih aya basa anu kirang merenah

4 Pék perhatikeun kalimahna pilih jawaban anu bener saluyu jeung bacaan ieu di handap! Sakieu biantara ti simkuring. Hapunten bilih aya cariosan anu pondok nyogok panjang nyugak, malum sanes ahlina. Kalimah di luhur mangrupikeun kalimah nu aya dina ....

• eusi biantara
• bubuka biantara
• panutup biantara
• salam panutup biantara

5 Pék perhatikeun kalimahna pilih jawaban anu bener saluyu jeung bacaan ieu di handap! Salajengna, kumaha atuh tarékah sangkan basa katut budaya Sunda janten kareueus nonoman Sunda? Kahiji, basa jeung budaya Sunda kedah tiasa midang luyu jeung kamekaran élmu pangaweruh katut panéka téknologi. Kadua, meungpeung aya lolongkrang, meungpeung aya kaludeung meungpeung aya widi ti nu Maha Suci, Perda no 14 taun 2014 ngeunaan “Ngamumulé Basa, Sastra jeung Aksara Daérah” katut Peraturan Gubernur Jawa Barat ngeunaan pangajaran Basa Sunda téh kedah diwulangkeun di sakola-sakola ngawitan ti TK dugi ka SMA. Katilu, dina kahirupan kiwari mah tos teu luyu deui nembongkeun sikep parangkat-purungkut. Ayeuna mah tos waktosna urang téh kudu goong nabeuh manéh. Ayeuna urang teu kudu gimir mayunan alam kamodérénan, tapi éstuning kudu saged tur tarapti. Caringcing pageuh kancing, saringset pageuh iket. Kalimah di luhur mangrupikeun kalimah nu aya dina eusi biantara. Jejer atawa téma eusi biantara di luhur nyaéta ....

• tarékah ngamumulé budaya Sunda
• teu kudu gimir mayunan alam kamodérenan
• aturan Gubernur Jawa Barat ngeunaan pangajaran Basa Sunda
• kamekaran élmu pangaweruh katut panéka téknologi

6 Pék perhatikeun kalimahna pilih jawaban anu bener saluyu jeung bacaan ieu di handap! Assalamu’alaikum wr.wb Bapa miwah Ibu, hormateun sim kuring. Hapunten anu kasuhun, sim kuring ngadeg di ieu tempat sanés tiasa cumarios. Ieu mah wiréh dijurung-jurung ku réréncangan kelas salapan, hoyong sasanggem ngadugikeun kereteg angen. Dina ieu kasempetan sim kuring hoyong ngahaturkeun sewu nuhun nu teu aya hinggana ka Ibu miwah Bapa Guru anu parantos ngaping ngajaring ngaraksa ngariksa sim kuring sadaya. Sempalan biantara di luhur, ditepikeun dina acara ....

• paturay tineung
• Agustusan
• Pekan Olahraga Seni (Porseni)
• Muludan

7 Pék perhatikeun kalimahna pilih jawaban anu bener saluyu jeung bacaan ieu di handap! Kalayan ngucapkeun syukur ka kahadirat Alloh SWT, anu parantos ngalimpahkeun Rahmatna ogé karuniana, nu ngalantarankeun urang sadaya tiasa tepang deui dina ieu acara, teu hilap sholawat miwah salam salamina dilimpahkeun ka Kersana Kanjeng Nabi Muhamad SAW. Dina dinten ayeuna urang sadayaa kempel dina raraga mieling Maulid Nabi Muhamad SAW, teu hilap sim kuring ngahaturkeun nuhun ka kersana bapa Kepala sakola, Bapa ibu guru, miwah staf tata usaha, ogé ka sadaya tamu uleman anu dipihormat. Sempalan biantara di luhur, ditepikeun dina acara ....

• paturay tineung
• Agustusan
• Pekan Olahraga Seni (Porseni)
• Muludan

8 Struktur atawa urutan babagéan tina naskah biantara nyaéta ....

• bubuka, eusi, panutup
• eusi, bubuka, panutup
• salam bubuka, eusi, slaam panutup
• salam bubuka, eusi, panutup

9 Bagéan bubuka dina biantara diwangun ku ....

• salam bubuka, puji sukur, nataan pamilon
• salam panutup, ngahaturkeun nuhun, neda hampura
• ngahaturkeun nuhun, neda hampura, salam panutup
• nataan pamilon, puji sukur, salam bubuka

10 Bagéan panutup dina biantara diwangun ku ....

• salam bubuka, puji sukur, nataan pamilon
• salam panutup, ngahaturkeun nuhun, neda hampura
• ngahaturkeun nuhun, neda hampura, salam panutup
• nataan pamilon, puji sukur, salam bubuka