EDUKASYON SA PAGPAPAKATAO

Nalaman mo na may sakit ang iyong guro, ano ang iyong gagawin?

• Dadalawin ko ang aking guro.

• Padadalhan ko na lang siya ng prutas.

• Hihintayin ko na lang siya na makabalik sa klase.

• Matutuwa ako dahil wala kaming klase.

Ang iyong kaklase ay umiiyak dahil sa sobrang pananakit ng tiyan. Ano ang iyong gagawin?

• Hindi ko papansinin ang pag-iyak ng aking kaklase.

• Sasabihin ko sa guro at tutulungan ko siyang pumunta sa klinika ng eskwelahan.

• Isusumbong ko sa aking magulang na maingay ang aking kaklase.

• Sasabihin ko sa aking kaklase na pumunta siyang mag-isa sa klinika o di kaya umuwi na lang siya.

May sakit ang iyong nakababatang kapatid. Ano ang dapat mong gawin upang mapagaan ang kanyang pakiramdam?

• Magkukuwento ako ng mga nakatatakot.

• Iiwan ko ang aking kapatid at makikipaglaro sa aking mga kaibigan.

• Kukuwentuhan ko ng nakaka-aliw ang aking kapatid.

• Manood ako ng T.V. at hahayaan kong mag-isa sa kwarto ang aking kapatid.

Ang iyong kapatid ay nagkabulutong, ano ang iyong dapat na gawin?

• Sasabihin ko sa kanyang guro ang nangyari para mabigyan ma- excuse siya sa klase.

• Sasabihin ko na magpahinga siya sa loob ng tahanan hanggang gumaling.

• Aalagaan at babantayan ko siya sa tuwing nilalagnat dahil sa bulutong.

• Lahat ng nabanggit.

Alin sa mga sumusunod ang maaari mong maitulong sa iyong kaklaseng may sakit?

• Pagdalaw at pagbigay ng prutas sa kaklaseng may sakit

• Pagtawanan ang kaklaseng may sakit

• Pag -aya sa kaklaseng may sakit na maligo at maglaro sa ulan

• Walang gagawin.

May sakit ang nanay ni Bom kaya hindi ito makagawa ng gawain sa bahay. Ano ang dapat gawin ng kapatid ni Bom na si Samuel?

• Umalis ng bahay

• Gumawa ng gawaing bahay at alagaan ang nanay

• Manood ng sine at mamasyal sa mall

• Makipag laro sa kapitbahay

May sakit ang iyong lolo at lola sa probinsya. Sinabihan ka ng nanay mo na dadalawin ninyo sila sa araw ng Sabado. Ano ang gagawin mo?

• Sasama ako sa aking nanay sa pagdalaw sa aking lolo at lola.

• Magdadahilan ako na marami kaming gagawin sa paaralan.

• Sasama ako sa aking nanay ngunit masama ang loob.

• Hindi na lang ako sasama.

May nakita kang bulag na bata at mukhang tatawid siya sa daan. Anong tulong ang iyong maibibigay?

• Tutulungan kong tumawid sa pamamagitan ng pag-akay sa kanya.

• Sasabihin ko sa pulis upang siya ang tumulong sa pagtawid.

• Iiwasan ko na lamang upang hindi na ako maabala pa.

• Babantayan ko kung siya ay makatatawid nang ligtas sa daan.

Ang iyong kababata ay sasali sa paligsahan sa pag-awit sa inyong barangay. Siya ay pilay at nais magpatulong sa iyo upang magpalista ng pangalan. Ano ang iyong gagawin?

• Tutulungan ko siyang magpalista sa aming barangay.

• Hahayaan ko na lang siyang magpalistang mag-isa.

• Ituturo ko sa kanya ang daan papuntang barangay.

• Tatawa ako at sasabihing huwag siyang sumali.

Si Arjay na bago ninyong kaklase ay iika-ika kung maglakad. Pinagtatawanan siya ng ilang mga mag-aaral sa kabilang pangkat ng klase. Ano ang dapat mong gawin?

• Lalapitan ko ang mga mag-aaral at sasabihang huwag pagtawanan si Arjay.

• Hahayaan ko na pagtawanan siya.

• Pagtatawanan ko rin siya upang siya ay mapahiya.

• Sasabihin ko sa guro ang mga mag-aaral na tinatawanan si Arjay.