Tradisi Sunda, Wayang, Resensi Drama,

Perhatikeun ieu léngkah-léngkah nulis bahasan tradisi Sunda!

        i.        Ngamekarkeun rangka bahasan tradisi Sunda

      ii.        Nangtukeun jejer jeung téma bahasan tradisi Sunda

    iii.        Maca jeung ngaropéa bahasan tradisi Sunda

    iv.        Néangan bahan keur mekarkeun rangka bahasan tradisi Sunda

      v.        Nyieun rangka bahasan tradisi Sunda

Runtuyan nu bener dina nyieun bahasan tradisi Sunda nyaéta….

• (ii), (v), (iv), (i), (iii)

•   (ii), (v), (i), (iii), (iv)

• (ii), (iii), (v), (iv), (i)

• (i) , (ii), (iii), (iv), (v)

•    (i) , (ii), (iii), (v), (iv)

Dina adat kawinan Sunda panganten osok disawér. Eusina nu disawérkeun nya éta konéng, béas, premén, duit récéh jst. Béas téh ngalambangkeun ...

• Ngalambangkeun sangkan rumah tanggana miboga kasucian

• Ngalambangkeun sangkan nu laki rabi teh lalintuh

• Ngalambangkeun sangkan rumah tanggana teu paséa

• Ngalambangkeun sangkan rumah tanggana kacukupan ku rezeki

• Ngalambangkeun sangkan rumah tanggana langgeng

Dina prosési adat kawinan Sunda, aya nu disebut meuleum harupat. Pangantén istri nyodorkeun lilin tuluy pangantén pameget meuleum harupat ku éta seuneu tina lilin. Sanggeus kitu harupat nu geus diduruk téh diasupkeun kana kendi nu eusina cai sarta éta kendi téh dicekel ku pangantén istri. Makna tina simbol adat ieu nya eta ...

• Dipiharep pangantén istri jeung pangantén pameget bisa nuntaskeun sagala rupa masalah rumah tangga babarengan. Istri nyekel kendi nu eusina cai ngalambangkeun yén istri kudu bisa niiskeun sakumna pasualan anu keur karandapan ku salaki.

• Seuneu mangrupa lambang tina emosi négatif sedengkeun cai mangrupa lambang tina emosi positif, hartina istri kudu bisa terus méré hal positif ka salakina sanajan salaki ngalampahkeun hal négatif.

• Seuneu téh éléhna ku cai, nya kitu deui salaki, éléhna pasti ku istri (pamajikan)

• Harupat nu dicekel ku pangantén pameget ngalambangkeun amarah, sedengkeun lilin anu dicekel ku pangantén istri ngalambangkeun ngagedurna émosi.

• Sangkan tradisi Sunda ulah nepi ka pareum, kidu terus dimumulé ku urang

Dina adat kawinan Sunda aya nu disebut "Ngaras". Ngaras téh nya éta ...

• Ibu Rama ngais pangantén istri ti kamarna dugi ka tempat siraman.

• Upacara nu dilaksanakeun ku calon pangantén, udaganana keur némbongkeun rasa hormat ka kolot jeung ménta du'a keur kalancaran pernikahan. Disimbolkeun ku sungkem jeung ngumbah suku ibu rama.

• Meresihan bulu kiang anu aya dina wajah calon pangantén istri.

• Ngamparkeun tujuh sinjang pikeun titincakan atawa tilam dampal calon pangantén istri ti kamarna dugi ka tempat siraman,

• 7 rupa du’a ti kolot keur calon pangantén istri

Dina prosési siraman, urang kudu nyadiakeun cai anu geus dicampur ku 7 rupa kembang atawa disebut ogé kembang sataman. Tina tujuh rupa kembang anu wajib téh diantara nya éta kembang ros, kananga jeung malati. Makna tina éta kekembangan téh nya éta ...

• Kembang malati mangrupa simbol pamikat sangkan pangantén dipikaresep ku balaréa

• Kembang ros mangrupa simbol kajujuran ti calon pangantén

• Kananga mangrupa simbol tina harepan sangkan pangantén bisa méré katenangan tur katingtriman haté

• Boh kembang ros, kananga boh malati pada-pada ngabogaan makna anu alus.

• Kabéh jawaban bener

Budak lalaki anu umurna geus manjing kudu disunatan, lantaran wajib hukumna mungguh ceuk agama Islam. Istilah nyunatan atawa sok aya ogé nu nyebut nyundatan asalna tina kecap sudat, anu hartina ...

• Kokocop

• Ngeureut

• Lalaki

• Turih

• Motong

Sanggeus bérés éta orok di teundeun dina palupuh tuluy ditenjrag nyaéta suku paraji téh digentakan tilu kali di luhur palupuh, mimiti di belah luhur pas mastaka, kadua di belah katuhu, kadilu di belah kénca. Lamun imahna lain panggung biasana lain di tenjrag tapi digebrag, carana numbuk-numbukeun alu kana pangrih lobana tilu kali. Najan béda tapi tujuana mah sarua sangkan éta orok téh teu jadi budak anu ...

• Ludeungan

• Soméah

• Wantéran

• Reuwasan

• Pohoan

Tujuh rupa kadaharan dina trdaisi Tingkeban saperti sampeu, hui, boléd, kacang suuk, ganyol, jeung sagu sok disebut ....

• Rujak kanistrén

• Beubeutian

• Bungbuahan tujuh rupa

• Jajambaran

• Pakaulan

Nu dimaksud talawéngkar dina tradisi Tingkeban téh nyaéta ....

• Kendi tempat belut jeung tempat cai inumeun

• Sinjang keur gaganti dina upacara mandi

• Rujak kanistrén nu dibagi-bagi ka nu hadir

• Beubeulahan kenténg nu dijieun duduitan

• Kembang tujuh rupa pikeun mandi

Ikét gé bisa dibedakeun nurutkeun kasta/golongan jeung situasi makéna. Golongan nu maké iket lian ti dibédakeun ku bahan jeung motif, ogé gumantung kana rupa beulitan iket. Mun seug ditataan, leuwih ti saratus rupa beulitan iket, di antarana  waé, barangbang semplak, parékos/paros (nangka, jéngkol, gedang), koncér/paitén, julang ngapak, lohén, ki parana, udeng, pa tua, kolé nyangsang, porteng jrrd kaasup rupa beulitan buhun nu dipaké di kampung adat tur padamikawanoh ku masarakat nepi ka kiwari, jeung rekaan anyar nu ngahaj nyipta sorangan.

Dicutat tina majalah cupumanik No. (1/Taun VIII No. 7-pébruari 2011, kaca 31-35

 

Aya rupa-rupa beulitan iket luyu jeung umur, jabatan, jeung waktu dipakéna. Ieu di handap anu henteu kaasup kana beuliteun iket, nya éta.....

• Barangbang semplak

• Kuda balap

• Parékos nangka

• Kolé nyangsang

• Koncér/ paitén