ББЖМ тапсырмалары 4 класс

Мейірім

            Айнұр көпшіл. Үнемі өзі қатарлы қыздар мен ұл балалар арасында ойнап жүреді. Олар да Айнұрдың соңынан бір елі қалмайды.

Енді, мінеки, атасы мен әжесінің ауылымен қош айтысатын мезгіл де жетті. Папасы-әскери адам. Кезекті демалысы бітті. Жауынгерлік жаттығуларына қайта оралмақ.

Атасы мен әжесі:

-Балам, қайда жүрсең де аман бол. Еліңді, жеріңді сүй, қорға, -деді.

Айнұр қоштасар сәтте ерекше мінез көрсетті.

-Ата, әже, папа, мама, бәріміз бірге тұрайық, -деді.

-Кәнеки, ондай болса. Бірақ, папаңның жұмысы бар. Атаң мен әжең ауылда. Мүмкін емес қой, жаным, -деді әжесі бауырмал Айнұрды кеудесіне қысып.

-Онда мен атам мен әжемнің қасында қалам. Кетпеймін. Кім қарайды оларға? –деді төрт жасар Айнұр көзі жасаурап.

-Ендігі демалыста және келеміз,- деді мамасы.

-Жоқ. Мен осы жерде қаламын.

Айнұр папасы және мамасымен қоштасты. Қолын бұлғап қалды. Папасы мен мамасы Айнұрдың бүгінгі мінезіне қайран қалды. Әйтсе де қимай қоштасқандары жүздерінен байқалады.

Ал атасы мен әжесінің қуаныштарында шек жоқ. Айнұрдың атасы мен әжесіне кішкентай бүйрегінің бұрып тұрғанына әбден риза болады.

1. Айнұрдың ауылда қалу себебі:    

• А.Әжесін өте қатты жақсы көреді

• Ә.Ата әжесінің қасында болу

• В Қалаға кеткісі келмеді

• С Атасы мен әжесінің қуанышы

2. Айнұрдың қоштасар сәттегі  өтініші:                                                                                              

• А. Ата әжесін бірге алып кетпекші

• Ә. Қалаға кеткісі келмеді

• В. Ата әжесімен бірге тұру

• С. Ауылда қалу

3. Мәтіннің түрі:   

• А.Сипаттау

• Ә.Әңгімелеу

• В.Пайымдау

• С.Қортынды

4.  Мәтіндегі Айнұрдың бойындағы көрсетілген қасиеті:  

• А.Түсіністік

• Ә.Сыйластық

• В. Адамгершілік

• С.Мейірімділік

5. « Елін, жерін қорғауды»  айтқан кейіпкер:  

• А.Атасы мен әжесі

• Ә. Туыстары

• В. Достары

• С.Ағайындары

6. Мәтіннің басты кейіпкері:  

• А. Әкесі

• Ә. Немересі

• В. Атасы

• С. Әжесі

«Мейірімділік» мәтіні

Сабақ түстен кейін басталатын. Күздің жайма шуақ күнінде мектепке жайбарақат келе жатқам. Көшеден өте бергенде, жылаған баланың даусын естіп, жалт қарадым. Құлағы салпиған қара күшік 3-4 жасар қыз баланың жолын бөгеп, шәуілдеп жүргізер емес. Күшікті қуып жібердім.

-       Үйіңді тауып бара аласың ба?-дедім.

Көз жасын қолының сыртымен сүрткілеп, күшік жаққа қарады. Қолынан  жетектеп, өзі нұсқаған  жаққа  алып келе жаттым. Ол үйінің жанына жақындаған сәтте қуанып кетіп:

-       Аға , анау  үй , көп рахмет!-деп , томпаңдап жүгіре жөнелді.

Мектепке келсем, сабақ басталып кетіпті. Есік қағып, сыныпқа кірдім. Оқушылардың барлығы мұрындарынан шаншылып сабақ орындап отыр. Оспан ағайға кешіккен себебімді  айттым. Ол кісі үндеген жоқ. Аяғын дыбыссыз басып, қасыма келді. Мейірімді жүзімен күлімсірей қарап, аялы алақанымен басымнан сипады да :

«Орнына отыра ғой! Тақтада берілген тапсырманы орында» - деді. Жұмсақ үнмен. Төбем көкке жеткендей болды.

 7. Кейіпкер бойындағы үлгі тұтуға тұрарлық қасиеті:

• А.Мейірімділік

• Ә. Түсіністік

• В Сыйластық

• С.Адамгершілік

8. Мәтін мазмұнына сәйкес жоспар реті:

• А. мектепке барар жол, мұғалімнің кешіріммен қарауы

• Ә. Қызға көмектесу, мұғалімнің кешіріммен қарауы,мектепке барар жол

• В. мектепке барар жол, қызға көмектесу, мұғалімнің кешіріммен қарауы,

• С. мұғалімнің кешіріммен қарауы, қызға көмектесу, Қызға көмектесу

9.Қыздың жолын бөгеді

• А.Мұғалім

• Ә.Қара күшік

• В.Оқушылар

• С.Балалар

10. «Төбем көкке жеткендей болды» сөз тіркесінің мағынасы:   

• А.Ренжу

• Ә.Қуану

• В.Мұңаю

• С.Қол шапалақтау