KPWKP / Pagbasa at Pagsusuri (PART 1)

Pinili ng mananaliksik na maging paksa ang pamumuhay ng mga katutubo. Anong pamaraan ng pangangalap ng datos ang kailangan niyang isagawa upang ganap itong maisakatuparan?

• Pakikipanayam

• Talatanungan

• Pakikipanuluyan

• Pagdalaw-dalaw

Maririnig sa usapan nina Henry at ng kaibigan niyang si Jim ang mga salitang charot, chaka, Trulalu, bigalou,eme at iba pa. Anong barayti ng wika ang tawag dito?

• Cońo

• Ekolek

• Gaylinggo

• Balbal

Habang nakasakay sa bus si Charlotte ay narinig niyang nag-uusap ang dalawang babae sa unahan. Narinig niya sa usapan ang mga salitang lesson plan, quiz, essay, at grading sheets. Ano ang tawag sa mga salitang ito?

• Dayalek

• Etnolek

• Pabalbal

• Register ng Wika

Si Patrick at Jonel ay kapwa nagsasalita ng Tagalog. Subalit sa kanilang pag-uusap, mapapansin na may punto ang pamaraan ng pagsasalita ni Jonel na galing ng Cavite habang si Patrick naman na taga-Maynila ay wala. Anong barayti ng wika ang maiuugnay sa sitwasyong ito?

• Dayalek

• Etnolek

• Idyolek

• Sosyolek

Natutuhan ni Malou ang salitang "batok o pambabatok" nang minsang mapunta siya sa Kalinga upang magpalagay nito. Saan man siya mapunta ngayon, kapag narinig niya ang salitang batok o pambabatok, alam niya na ang salitang ito ay tumutukoy sa tradisyonal na paglalagay ng marka sa katawan ng mga taga-Kalinga. Anong barayti ng wika ang tawag dito?

• Dayalek

• Etnolek

• Idyolek

• Sosyolek

"Todo na 'to!" Ito ang pamosong linyang binibigkas ni Rufa Mae Quinto bilang artista. Kaya naman kahit hindi ka nakatingin sa telebisyon at naririnig lamang ang kanyang pagsasalita, ay matutukoy mo agad na siya si Rufa Mae dahil sa sarili niyang estilo ng pagbigkas. Ano ang tawag sa barayting ito ng wika?

• Cońo

• Etnolek

• Idyolek

• Sosyolek

Isang bagong lipat na kamag-aral ang nakita mong nag-iisa at wala pang kaibigan. Nilapitan mo siya at sinimulan ang usapan para mapalagay ang loob niya. Anong gamit ng wika ang ipinakikita nito?

• Instrumental

• Interaksyonal

• Personal

• Regulatori

Ang salitang dasurv, ferson, at yarn ay mga bagong usbong na salita. Anong katangian ng wika ang ipinahihiwatig nito?

• Ang wika ay buhay.

• Ang wika ay dinamiko.

• Ang wika ay may antas.

• Ang wika at kultura ay magkabuhol.

Si Albert at Xyril ay pawang nakatira sa probinsiya. Sila ay nagpasiyang manirahan sa Maynila upang makapag-aral. Sa kanilang paninirahan dito, napansin nilang lahat ay nagta-Tagalog at ito ang lingua franca. Ano ang kahulugan ng lingua franca?

• Ito ang katutubong wika.

• Ito ang pagkakaroon ng iisang wika sa lugar.

• Ito ang unang wika ng mga tao.

• Ito ang sinasalita at ginagamit ng nakararami.

Sa iyong pang-araw-araw na pakikipag-usap, hindi mo namamalayan na nakagagamit ka ng wikang Filipino at Ingles sa magkahiwalay na sitwasyon. Anong konseptong pangwika ang ipinahihiwatig nito?

• Bilingguwalismo

• Monolingguwalismo

• Mutilingguwalismo

• Multikulturalismo