Ispiritwalidad sa Edukasyon

Paano mo napapatunayan na nagpapaunlad ng pagkatao ang ispiritwalidad?

Lagyan ng tsek (/) ang bilang kung ang pahayag ay nagpapaliwanag ng pag-unlad ng pagkatao o pang-ispiritwalidad at ekis (x) naman kung hindi. Isulat sa sagutang papel ang iyong sagot.

• Sa tuwing inaalagaan at inaalala ni Rosa ang kanyang nanay, sinisigurado niya na nasa mabuting kalagayan ito.

• Si Katya ay nananalangin na sana ay nasa mabuting kalagayan ang nanay niyang Overseas Filipino Worker o OFW.

• Sa tuwina ay pinapaalalahanan ni Aling Susie ang kanyang mga anak na maging matulungin at maging mabait sa kapwa.

• Tuwing araw ng Linggo ay ipinapaalala ni Jepoy ang oras ng misa sa kanyang mga kaibigang sina Janice, Lorgin at Jed.

• Sa tuwing dumarating sa tahanan nina Ryan ang kanyang lola, mabilis niya itong sinasalubong upang magmano at magbigay-galang.

“Huwag kang mag-alala, may awa ang Diyos. Hindi Niya tayo pababayaan” Ano ang ibig sabihin nito nang sabihin ito ni Aling Josefa kay Mang Jose?

• Anuman ang problemang darating, isumbong lamang sa asawa at siya ay pabayaan na lamang.

• Ang problema ay dapat pabayaan at huwag nang harapin.

• Manalangin ng taimtim kung ano ang mabuting gawin para ito ay mabigyan ng solusyon.

• Ipapaubaya sa Diyos ang problema.

Si Karen ay may kaklaseng may ibang paniniwala kaysa kanya. Isang araw, nakita niya ang kanyang kaklase na walang baon. Ano ang nararapat niyang gawin kahit sila ay may iba-ibang pinaniniwalaan?

• Pabayaan niya itong nakatingin sa kaniyang kinakain.

• Alukin niya ito at bigyan kahit kaunti mula sa kanyang baon kahit alam niyang ito ay may ibang pinaniniwalaan.

• Pagtawanan niya ito dahil wala siyang baon.

• Huwag pansinin ang kaklaseng walang baon.

Paano mo maipapakita ang iyong pagiging mabuting tao sa iyong kapwa?

• Pagtulong sa kaklaseng naapektuhan ng sakuna.

• Pabayaan ang kaklaseng umiiyak dahil nasunugan ng bahay.

• Hindi pansinin ang kapitbahay na walang makain dahil sila ay may ibang pinaniniwalaan.

• Iwasan ang pagtulong baka maubos ang pera.

Sino sa mga mag-aaral ang nagpapakita ng may magandang kaugalian ng mabuting pagkatao anuman ang kanilang paniniwala?

• Si Susana ay pinababayaan ang matandang tumatawid sa daan na nag-iisa.

• Si Ramonito ay hindi tumutulong sa kanyang mga kapatid sa gawaing bahay.

• Si Perla ay hindi sumusunod sa utos ng kanyang kuya tuwing siya ay inuutusan.

• Si Jeanne na ginagawa ang mga gawain sa kanilang bahay kahit siya ay hindi na inuutusan.

Alin sa sumusunod na sitwasyon ang nagpapakita ng paggalang sa iba’t ibang paniniwala na mayroon ang bawat tao?

• Nakikipagtalo si Lyn sa pamamagitan ng pagbibigay ng komento sa social media upang ipagtanggol na tama ang kanyang paniniwala.

• Namigay sina Jun ng mga relief goods sa mga nasalanta ng bagyo sa kondisyon na sila ay makikianib sa kanilang relihiyon.

• Pumili ng mga kagrupo si Ben na may katulad na paniniwala sa kanya.

• Bago ang kanyang kaarawan, tinanong ni Ellaine ang kanyang mga kaibigan kung mayroong ipinagbabawal na kainin sa kani-kanilang mga relihiyon.

Paggalang o pagrespeto sa mga pook-dasalan ng ibang relihiyon.

• Tama

• Mali

Nakipagkaibigan si Jorelyn sa kanyang kamag-aral kahit may magkaibang uri sila ng pananampalataya.

• Tama

• Mali

Nais ni Angie na ihiwalay sa grupo ang kaklaseng Muslim dahil magkakaiba ang kanilang opinyon tungkol sa kanilang proyekto.

• Tama

• Mali