Laboratorio da Domus: fármacos

Cal foi o obectivo da práctica que fixemos no laboratorio da Domus?

• Descubrir un novo fármaco para o tratamento dunha enfermidade dexenerativa.

• Sintetizar un excipiente con menos efectos secundarios para un tratamento do Párkinson.

• Elaborar un único fármaco a partir de dous principios activos.

• Filtrar un novo fármaco en formato líquido para elaborar un xarabe para a tose.

O Párkinson é unha enfermidade dexenerativa con múltiples síntomas. Cal dos seguintes NON É un síntoma desta doenza?

• Tremores.

• Problemas de memoria.

• Nas súas fases máis avanzadas: demencia.

• Dificultades respiratorias

Nun fármaco, o principio activo (o que trata a enfermidade) habitualmente vai acompañado de outras substancias para facilita a conservación, a inxesta, o sabor, a súa dixestión... Estas substancias chámanse:

• Disolventes

• Aditivos

• Colorantes

• Excipientes

Seguridade no laboratorio: nesta actividade traballamos con ácido acético, acetato de etilo e metanol, todos eles reactivos químicos que emiten vapores que poden ser tóxicos. Porque non empregamos mascariña?

• Porque a mascariña non fai nada contra os vapores.

• Porque a educadora abriu portas e ventanas para ventilar.

• Porque os reactivos estaban moi diluidos e non emitían vapores.

• Porque a educadora encendeu as campanas extractoras que estaban sobre as mesas.

Nunha reacción química, a substancia que se obtén ao final é o...

• Produto

• Reactivo

• Excipiente

• Poción

A reacción química que levamos a cabo acontece entre a pirimidona e o nitrito de sodio, ambos en estado sólido (pesámolos nas básculas). Como fixemos para que reaccionaran entre si eses dous sólidos?

• Mesturamos ambos sólidos con axuda dunha espátula.

• Disolvémolos en ácido acético, que é un líquido.

• Xuntámolos grazas á bomba de vacío.

• Empregamos auga para disolver o nitrato de sodio, e xuntámolo á pirimidona posteriormente.

Despois de reaccionar a pirimidona e o nitrato de sodio obtivemos o nitroso de pirimidona que queríamos (un sólido que se foi formando no noso matraz de balón); nesa reacción tamén se produciu NaOH, un refugallo que permaneceu disolto na fase líquida. Como fixemos para separar o refugallo?

• Grazas a unha filtración forzada con unha bomba de extracción de vacío.

• Por decantación simple.

• Grazas ao axitador magnético que daba voltas no interior do matraz.

• Por cromatografía ultravioleta.

Para que a reacción química funcionase ben, houbo que esperar uns 10 minutos co axitador magnético encendido. Puidemos observar que a mestura inicialmente incolora tornaba a rosa e as paredes do matraz de balón quedaban empañadas. Porque se empañou o matraz?

• Porque o NaOH (refugallo) en estado líquido ascende polas paredes do recipiente.

• Porque a reacción era exotérmica, e liberaba calor.

• Polas salpicaduras do axitador magnético contra as paredes.

• Porque a reacción era endotérmica, e precisamos darlle calor.

Como se chama o matraz que se emprega na extracción a vacío? (O que se conecta á bomba de extracción)

• Matraz de balón

• Probeta

• Vaso de precipitados

• Matraz Kitasato

Para comprobar se fixemos correctamente a reacción fixemos unha cromatografía en capa fina. Para iso comparamos dúas mostras que collimos cun capilar. Que dúas mostras comparamos?

• A pirimidona inicial e o NaOH producido.

• O nitrito de sodio inicial e o NaOH producido.

• A pirimidona inicial e o nitroso de pirimidona.

• O ácido acético e o nitroso de pirimidona.