PAGTATASA NG PAGKATUTO

Narinig ni Pedro mula sa balita na tataas ang presyo ng mga produktong pagkain dahil sa kakulangan ng suplay. Ano ang salik na nakakaapekto sa desisyon ni Pedro na bumili ng maraming pagkain ngayon?

• Pagbabago ng Presyo

• Pagkakautang

• Mga Inaasahang Pagbabago

• Demonstration Effect

Alin sa mga sumusunod ang pinakamainam na halimbawa ng “demonstration effect” na salik sa pagkonsumo?

• Bumili si Carla ng produkto dahil ito ay naka-sale at mura.

• Bumili si Ron ng Iphone16 sapagkat marami sa kaklase niya ang mayroon ng ganitong uri ng telepono.

• Nagdesisyon si Liza na huwag munang bumili dahil mas mahal na ang presyo ngayon.

• Bumili si Mateo ng pagkain batay sa dami ng kanyang kita ngayong linggo.

Sa konsepto ng pagbabago ng presyo, alin sa mga sumusunod na pahayag ang nagpapakita ng karaniwang reaksyon ng mamimili kapag may pagtaas sa presyo ng isang produkto?

• Mas pinipili ng mamimili na bumili ng mas marami upang hindi maubusan.

• Bumababa ang bilang ng produktong binibili ng mamimili dahil sa mataas na presyo.

• Patuloy pa ring bumibili ang mamimili sa parehong dami, anuman ang presyo.

• Ang presyo ay walang epekto sa desisyon ng mamimili na bumili.

Paano nakakaapekto ang kita ng isang tao sa kanyang kakayahang bumili ng mga produkto?

• Ang pagtaas ng kita ay nagpapababa ng demand para sa mga produkto.

• Ang pagbaba ng kita ay nagpapataas ng demand para sa mga produkto.

• Ang pagtaas ng kita ay nagpapataas ng demand para sa mga produkto.

• Walang epekto ang kita sa demand ng mga produkto.

Sa usapin ng pagkakautang, paano nito maaaring limitahan ang pagkonsumo ng isang karaniwang mamimili?

• Ang pagkakaroon ng utang ay nagpapahintulot sa mamimili na bumili ng mas maraming produkto.

• Ang pagkakaroon ng utang ay nagpapababa ng kakayahan ng mamimili na gumastos para sa iba pang produkto.

• Ang pagkakautang ay walang direktang epekto sa desisyon ng isang tao sa pagbili.

• Ang pagkakaroon ng utang ay nagpapalawak sa kita ng isang pamilya.