Ujian Sekolah Bahasa Jawa - Kelas VI

Timun Mas
Ing sawijining desa, urip mbok Randha sing kepingin duwe anak. Dheweke banjur didhawuhi Buta Ijo supaya nandur wiji timun. Sawise timun iku gedhe lan mateng, dijupuk siji sing paling gedhe. Nalika dicacah, ing njerone ana bayi wadon ayu kang dijenengi Timun Mas. Buta Ijo janji bakal njupuk Timun Mas yen wis gedhe. Bareng Timun Mas wis umur 17 taun, Buta Ijo teka nagih janji. Mbok Randha sedhih banget. Timun Mas banjur diwenehi sangu uyah, dom (jarum), lan trasi dening mbok Randha kanggo nglawan Buta Ijo. Timun Mas bisa slamet saka bebaya amarga pitulungane Gusti Kang Maha Kuwasa.

Kedadeyan ing crita "Timun Mas" iku ana ing...

• alas gung liwang liwung

• sawijining desa

• kraton

• pinggir segara

Tulisan Jawa iki "ꦏꦸꦕꦶꦁꦏꦸꦭꦺꦴꦫꦺꦴ" yen ditulis latin yaiku...

• Kucingku loro

• Kucing telu

• Kucing papat

• Kucing siji

Gatekna ciri-ciri teks ing ngisor iki!
(1) Nggambarake samubarang kanthi cetha.
(2) Ana urutan kedadeyan utawa crita.
(3) Ngajak pamaca kaya-kaya bisa ndeleng, ngrasa, utawa krungu dhewe.
(4) Ana paraga lan watake.

Sing kalebu ciri-ciri teks deskripsi yaiku nomer...

• (1) lan (2)

• (1) lan (3)

• (2) lan (4)

• (3) lan (4)

Kediri, Infomedia. Dina Selasa (17/5), Bupati Kediri, Hanindhito Himawan Pramana, ngrawuhi acara panen raya pari ing Desa Sumberjo, Kecamatan Ngasem. Acara iki dianakake kanggo nyukuri asil panen sing mundhak ing taun iki. Para petani katon bungah amarga rega gabah uga lagi apik.

Sapa sing ngrawuhi acara panen raya pari ing Desa Sumberjo?

• Para petani Desa Sumberjo

• Warga Kecamatan Ngasem

• Hanindhito Himawan Pramana

• Kepala Desa Sumberjo

Bocah kuwi pancen ... mula akeh kancane. Tembung saroja sing trep kanggo ngganepi ukara ing dhuwur yaiku...

• ayem tentrem

• edi peni

• andhap asor

• gagah prakosa

Dasar bocah ... dikandhani bola-bali meksa ora nggugu. Tembung entar sing trep kanggo ngganepi ukara ing dhuwur yaiku...

• kandel kupinge

• lunyu ilate

• jembar segarane

• cilik atine

Manuk kutut, nucuk pari.
Yen kepethuk, ...

Isi parikan sing trep kanggo ngganepi parikan ing dhuwur yaiku...

• ayo padha sinau

• aja lali ngaji

• atine seneng setengah mati

• aja seneng padu

Gatekna tembang macapat ing ngisor iki kanggo mangsuli pitakon nomer 8!
Mingkar mingkuring ukara

Akarana karenan mardi siwi

Sinawung resmining kidung

Sinuba sinukarta

Mrih kretarta pakartining ngelmu luhung

Kang tumrap neng tanah Jawa

Agama ageming aji

Guru wilangan lan guru lagu tembang macapat ing dhuwur yaiku...

• 8a, 11i, 8u, 7a, 12u, 8a, 8i

• 8a, 11i, 7u, 8a, 12u, 8a, 8i

• 8a, 11i, 8u, 8a, 12u, 8a, 8i

• 8a, 10i, 8u, 7a, 12u, 8a, 8i

Gatekna tembang Pocung ing ngisor iki kanggo mangsuli pitakon nomer 9!

Bapak Pocung, dudu watu dudu gunung

Sabamu ing sendhang

Pencokanmu lambung kereng

Prapteng wisma, si Pocung mutah guwaya

Batangan (bedhekan) tembang Pocung ing dhuwur yaiku...

• Kates

• Klenthing

• Kangkung

• Kura

Ekosistem Sawah

Sawah mujudake salah sawijining ekosistem buatan sing akeh ditemoni ing Indonesia. Ing sawah, ana komponen biotik lan abiotik sing silih gegandhengan. Komponen biotik kayata pari, suket, walang, manuk, lan ula. Komponen abiotik yaiku banyu, lemah, srengenge, lan hawa. Kabeh komponen kasebut nyengkuyung urip ing sawah. Petani kudu njaga keseimbangan ekosistem sawah supaya asil panene bisa maksimal.

Teks ing dhuwur kalebu jinise teks...

• Narasi

• Deskripsi

• Persuasi

• Argumentasi