Unang Markahang Pagsusulit sa GMRC 5

Nakita ni Carla na palaging nagpupuyat ang kanyang kaibigan upang matapos ang mga proyekto. Bilang isang taong may pagpapahalaga sa sariling buhay at dignidad, ano ang pinakamainam na gawin ni Carla?

• hayaan siya dahil bahagi naman ito ng pagiging estudyante

• sabihing mas okay na magpakapagod kaysa mabigo sa klase

• hikayatin siyang balansehin ang oras sa pag-aaral at pagpapahinga

• sabihan siyang tumigil na lang sa paggawa ng proyekto dahil mapapagod lang ito

Sa kabila ng matinding problema sa pamilya, patuloy na inaalagaan ni James ang kanyang sarili sa pamamagitan ng tamang pagkain, tulog, at pag-aaral. Ano ang ipinapakita ni James?

• pagpapakita ng kahinaan

• pagpapakita ng kayabangan

• pagwawalang-bahala sa problema

• pagpapahalaga sa sariling dignidad at buhay

Bilang isang kabataang may malasakit sa sariling kalusugan at dignidad, alin sa mga sumusunod ang hindi mo dapat gawin?

• matulog nang sapat bawat araw

• makipag-inuman tuwing may problema

• kumain ng masustansya at mag-ehersisyo

• humingi ng payo sa magulang o guro kung may suliranin

Ano ang pangunahing dahilan kung bakit dapat pahalagahan ng tao ang sariling buhay?

• dahil ito ay tanda ng yaman

• dahil ito ay pag-aari ng lipunan

• dahil ito ay ginagamit sa negosyo

• dahil ito ay kaloob ng Diyos at may likas na dignidad

Alin sa mga sumusunod ang nagpapakita ng tamang pagpapahalaga sa sarili?

• pagsuway sa magulang

• pag-aalaga sa kalusugan

• pagkakabit ng maling tattoo

• pagpupuyat sa walang dahilan

Napansin mong nagbago ang ugali ng iyong kaibigan - mas madalas siyang nag-iisa at tila nawalan ng sigla. Sa iyong palagay, alin sa mga sumusunod ang pinakamainam na paraan upang masuri kung ang pagbabagong ito ay bahagi ng pag-unlad o hindi?

• Iwasan siya upang hindi maapektuhan.

• Sabihan siyang bumalik sa dati niyang gawi.

• Hayaan na lang siya dahil normal lang sa lahat ng tao ang magbago.

• Alamin kung may mga positibong bunga sa kanyang pag-uugali at kung ito'y bahagi ng personal na pagninilay.

Habang lumalaki, napansin mong nagkaroon ka ng mas maraming responsibilidad, paano mo masusuri kung positibo ang pagbabagong ito sa iyong sarili?

• umaasa ka na lang sa iba

• pinipilit mong maging perpekto

• iniiwasan mo ang mga hamon para hindi ka mapagod

• natututo kang harapin ang mga hamon sa paraang may pananagutan at malasakit

Alin sa mga sumusunod ang pinakamagandang batayan upang masabing ang pagbabagong nararanasan ng isang kabataan ay hakbang tungo sa pag-unlad?

• nakukuha niya ang gusto niya agad

• lumalaban siya palagi para mapansin

• marami na siyang kaibigan sa social media

• nagkakaroon siya ng disiplina, layunin, at kakayahang gumawa ng matalinong desisyon

Nakakaranas ka ng emosyonal na pagbabago bilang isang kabataan. Paano mo maisasabuhay ang tamang pangangalaga sa sarili kasama ang suporta ng iyong pamilya?

• sarilinin ang problema para hindi makaabala

• magpakasaya sa labas kasama ng mga barkada

• kausapin ang magulang o kapatid tungkol sa iyong nararamdaman

• ilabas ang galit sa pamamagitan ng paglayas o paggawa ng mga maling gawain

Nagsisimula kang makaranas ng pisikal na pagbabago tulad ng pagkakaroon ng taghiyawat at pagbabago ng boses. Paano mo ito maaalagaan kasama ang pamilya?

• itago ang nararanasan at huwag pansinin

• subukan ang kahit anong produkto nang walang paalam

• iwasang lumapit sa pamilya at humanap ng sagot sa internet

• magsabi sa magulang at humingi ng payo sa tamang pangangalaga sa katawan