araling panlipunan 10

Direction: Basahing Mabuti ang mga tanong. Isulat ang letrang sagot bago ang numero. Si Jessica ay nagtatrabaho sa isang dayuhang kompanya dahil mas maganda ang oportunidad doon. Ano ang tawag sa pagkuha ng mga manggagawa ng isang kompanya na nakabase sa ibang bansa?

• Fair Trade

• Outsourcing

• Pagtulong sa bottom billion

• Subsidy

Ang pangyayaring ito ay siyang naging punto ng malawakang pagbabago sa buhay ng mga tao sa kasalukuyan. Ano ito?

• Ekonomiya

• Migrasyon

• Globalisasyon

• Paggawa

Sa pag-usbong ng globalisasyon nagkaroon ng pagkakataon ang ating bansa upang makipagkalakalan sa pandaigdigang merkado. Anong anyo ng globalisasyon ang ipinapakita nito?

• Teknolohikal

• Sikolohikal

• Sosyo-Kultural

• Ekonomikal

Marami nang pagbabago ang nagaganap sa pandaigdig na lipunan. Alin sa mga ito ang hindi tuwirang nakaapekto sa panlipunang isyu ng globalisasyon?

• Patuloy na pagbabago sa kalakarang pamumuhay ng mga mamamayan

• Tuwiran nitong binago, binabago at hinahamon ang pamumuhay ng mga tao

• Nagdudulot ng masamang epekto sa panlipunan, ekonomikal at pulitikal na aspeto

• Naaapektuhan nito ang mga maliliit na industriya at mas higit na pinaunlad ang mga malalaking industriya

Dahil sa globalisasyon, marami ang nagiging kakompetensya ng mga karaniwang kalakal ng mga maliliit na negosyante. Bilang economic adviser ng Pangulo, ano ang maimumungkahing para matulungan sila?

• Hayaan silang magbenta kahit saan nila gusto

• Huwag silang magbayad ng buwis upang lumaki ang kita sa negosyo

• Gumawa ng programang maglalaan ng karagdagang pondo upang makipagsabayan sa mga dayuhan

• Gumawa ng anunsiyo na hayaan na lamang magnegosyo ang mga dayuhan sa kanilang lugar

Isa sa mga epekto ng globalisasyon ay ang pagtaas ng bilang ng mga manggagawang nangingibang bansa upang maghanap-buhay. Alin sa sumusunod ang negatibong dulot sa ating sariling ekonomiya ng pagtaas ng bilang ng mga manggagawang Pilipinong nangingibang-bansa?

• Mas madaling makahanap ng trabaho ang mga bagong tapos sa pag-aaral

• Bababa ang bilang ng ating lakas-paggawa at maaaring magdulot ito ng mababang bilang ng produkto o serbisyo sa merkado

• Dadami at lalaki ang padalang dolyar mula sa ibang bansa

• Mabibili kaagad natin ang ating mga kagustuhan at pangangailangan

Ang sumusunod na pahayag ay tumutukoy sa globalisasyon, MALIBAN sa isa.

• Ang globalisasyon ay daigdig na walang pagitan o hadlang sa mga bansa sa daigdig

• Ang globalisasyon ay isang suliraning panlipunan na pumipigil sa kaunlaran ng mga bansa sa daigdig

• Ang globalisasyon ay isang isyung panlipunan na tumatalakay sa pamahalaan, ekonomiya, relihiyon, teknolohiya, kapaligiran, komunikasyon at kultura ng mga bansa sa daigdig

• Ang globalisasyon ay bagong anyo ng malayang kalakalan, pagpapalitan ng produkto, impormasyon at tao dahil sa pag-unlad ng teknolohiya sa komunikasyon at transportasyon

Isa sa mga naging magandang dulot ng globalisasyon ay nabigyan ang manggagawang Pilipino ng oportunidad na nangingibang-bansa at magtrabaho para sa kapakanan ng kanyang pamilya at ng kaniyang sariling bayan. Alin sa sumusunod ang nagpapakita ng magandang dulot ng pangingibang-bansa sa ating ekonomiya?

• Tataas ang bilang ng remittances na magpapatatag sa halaga ng piso laban sa dolyar

• Madaming magbubukas na international stores sa ating merkado

• Dadami ang BPO companies sa ating bansa

• Bababa ang halaga ng imported goods pagdating nito sa ating merkado

Sinasabi ng ilan na ang globalisasyon ay nagsimula noong taong 2001 kung kailan inatake ng mga terorista at napabagsak ang Twin Towers sa New York, Estados Unidos. Anong perspektibo o pananaw ang isinasaad nito?

• Ang globalisasyon ay isang mahabang siklo ng pagbabago

• Ang paniniwalang ang globalisasyon ay nakaugat sa batas ng tao

• Ang globalisasyon ay pinanininiwalaang may anim na wave o epoch o panahon na binigyang-diin ni Therborn

• Ang simula ng globalisasyon ay nag-uugat sa ispesipikong pangyayaring naganap sa kasaysayan

Sa pagiging globalisado ng bansang Pilipinas, unti-unting nahihikayat ang mga banyagang mamuhunan at magtayo ng negosyo rito. Alin sa sumusunod ang mainam na pang-matagalang dulot ng kaganapang ito sa ating mga mamamayan?

• Dadami ang mapapasukang trabaho

• Agad-agaran nang mabibili ng mga tao ang kanilang mga kagustuhan

• Magiging mura ang mga bilihin

• Tataas ang kita per capita ng mga tao