Станокта сағатына 108 бөлшек даярланса, тапсырма 5 сағатта орындалады. Осы станокта сағатына 60 бөлшек даярланса, тапсырма неше сағатта орындалады?

Екі елді мекеннің Жер бетіндегі арақашықтығы 68 км. Осы екі елді мекеннің масштабы 1:2 000 000 болса, картадағы арақашықтығын табыңыз.

Рүстем мен Нұржанда барлығы 12000 тг бар. Рүстем ақшасының 2000 тг-сін Нұржанға бергенінде, Рүстем мен Нұржандағы ақшалары тең болды. Нұржанның бастапқыда неше теңгесі бар еді?

Үш жұмысшы бірігіп жұмысты 6 сағатта істеп бітіреді. Егер осы жұмысты 2 жұмысшы істейтін болса, онда қанша уақыт қажет болар еді?

Дүкендегі кітаптың бағасы 900 теңге. Екі рет 10%-ға төмендетілгеннен кейінгі кітаптың бағасын табыңыз

Қазір әкесі 38 жаста. Баласы 15-те, қызы 5-те. Неше жылдан кейін баласы мен қызының жастарының қосындысы әкесінің жасына тең болады?

30 кг алмадан 27 кг алма тосабы шығады. 50 кг алмадан қанша алма тосабын алуға болатындығын табыңыз

Қуаты таусылған ұялы телефонды сөндірулі күйде куатгасаң 40 минутта, ал қосулы күйінде қуаттасаң 1 сағат 40 минутта 100% болады. Сөндірулі күйінде қуатқа қосылған ұялы телефонды жарты сағат болғанда қоссақ, толық қуат алуы үшін тағы неше уақыт қажет?

Ахмет мектепке жаяу келіп, қайтқанда автобусқа мінсе, онда ол барлық жолға 1,5 сағат уақыт жұмсайды. Егер ол екі жағына да автобуспен жүрсе, барлық жолына 40 минут уақыт жұмсайды. Егер Ахмет мектепке жаяу барып, жаяу келсе барлық жолға қанша уақыт жұмсар еді?