Екі қаладан бір-біріне қарай екі пойыз жолға шықты. Кездескенше бірінші пойыз 78 км, ал екінші пойыз біріншіден 3 есе артық жол жүрді. Екі қаланың ара қашықтығы қанша?

«Зерделі» ақыл-ой дамыту орталығында 90 оқушы математикалық олимпиадаға дайындалады. А және Б тобында – 66 оқушы, Б және С тобында – 54 оқушы бар болса, Б тобында қанша оқушы бар?

Ерлан балық аулауға барды. Ол өзенге дейін жаяу барады да, келерінде велосипедпен келеді. Барлық жолға 40 минут кетеді. Келесі күні ол өзенге барғанда да, келгенде де велосипедпен жүріп, жолға 20 минут қана кетіреді. Егер ол өзенге дейін жаяу барып, жаяу келсе, жолға неше минут кетуі мүмкін ?

Математикадан өткен аудандық олимпиадада 6 оқушы бірдей балл жинап, жеңімпаз болды. Облыстық олимпиадаға осы жеңімпаз оқушылардың ішінен 2 оқушыны жіберудің неше нұсқасы бар?

Доптың келесі қасиеті бар: егер доп белгілі биіктіктен жерге құласа, онда ол сол құлаған биіктіктің жартысындай биіктікке қайта секіреді. Доп белгілі биіктіктен құлап, 3 рет секірді. Соңғысында 1м биіктікке секірді. Доп қандай биіктіктен құлады?

Жұмысшы 3 күн жұмыс істеп 340 бұйым дайындады. Бірінші күні ол жоспарды орындады, екінші күні жоспарды 15%-ке артық орындады, ал үшінші күні екінші күнге қарағанда 10 бұйым артық дайындады. Жұмысшы әр күн сайын қанша бұйым дайындағанын анықтаңыз