Աննան նայում է պատուհանից, ոտքերով խփում սեղանին և փորձում զրուցել կողքին նստած աշակերտի հետ: Նա չգիտի, թե ինչ առաջադրանք պետք է անի:

Զարգացման ի՞նչ առանձնահատկություն ունի Աննան:

Դավիթը թելադրություն գրելիս ուղղագրական սխալներ թույլ չի տալիս, սակայն նրա մոտ բոլոր «մ» տառերի փոխարեն գրված է «ն», իսկ բոլոր «ր» տառերը բաց են թողնված:

Զարգացման ի՞նչ առանձնահատկություն ունի Դավիթը:

Ուսուցչուհին աշակերտներին դասարանում այնպես է նստացրել, որ բոլորին տեսանելի լինեն խոսողի շուրթերը, իսկ դասերի ժամանակ միշտ այնպիսի տեսանյութեր է օգտագործում, որտեղ ենթագրեր կան:

Զարգացման ի՞նչ առանձնահատկություն ունեցող երեխա կա այդ դասարանում:

Ուսուցչուհին դասի ընթացքում դանդաղ և մանրամասն կարդում է այն ամենը, ինչ գրում է գրատախտակին: Նա նաև հնարավորություն է տալիս իր աշակերտներին առաջադրանքները ներկայացնել ձայնագրությունների ձևով:

Զարգացման ի՞նչ առանձնահատկություն ունեցող աշակերտներ կան նրա դասարանում:

Էմման միշտ առաջինն է կատարում առաջադրանքը և ստիպված է լինում սպասել մյուսներին: Նա հաճախ տնային աշխատանքները չի կատարում, այլ դրանց փոխարեն լրացուցիչ նյութեր է պատրաստում և վերլուծություններ կատարում:

Զարգացման ի՞նչ առանձնահատկություն ունի Էմման:

Դասարանը տեղակայված է առաջին հարկում, իսկ դասարանի շարքերն իրարից բավական հեռու են դրված:

Զարգացման ի՞նչ առանձնահատկություն ունեցող աշակերտ է սովորում այդ դասարանում:

Դասը կարդալ կամ անգիր սովորելու համար Գարիկը ստիպված է լինում մյուսներից ավելի շատ անգամ այն ընթերցել և կրկնել:

Զարգացման ի՞նչ առանձնահատկություն ունի Գարիկը:

Տիգրանը սիրում է նստել դասարանի ամենավերջում, միայնակ: Նա նախընտրում է դասամիջոցների ընթացքում չխոսել դասընկերների հետ, այլ փակել ականջները և հետ ու առաջ քայլել դասարանով:

Լիլիթը հաճախ է դիտողություն ստանում դասարանի կանոններին չհետևելու համար: Չնայած դրան, նա չի կարողանում մտապահել, թե ինչպես պետք է իրեն պահի տարբեր իրավիճակներում:

Զարգացման ի՞նչ առանձնահատկություն ունի Լիլիթը: