Қамырдан 20 бірдей қалаш немесе 25 бірдей тоқаш жасауға болады. Егер бір қалашқа тоқашқа қарағанда 10 г қамыр артық кететін болса, барлық қамырдың салмағы қандай болғаны?

Себеттегі жұмыртқаның әуелі жартысын, одан кейін қалғанының жартысын, одан кейін қалғанының жартысын, ақыр соңында қалғанының жартысын алды. Егер себетте 10 жұмыртқа қалған болса, бастапқыда қанша жұмыртқа болған?

50% ерітінді алу үшін 30 г 15%дық ерітіндіге неше грамм 75 % ерітінді қосу керек?

Екі тауық екі күнде екі жұмыртқа табады. Төрт тауық төрт күнде қанша жұмыртқа табады?

90 кг-дық қоспаның құрамында 5:3:1 қатынасында тұз, қант, ұнтақ бар. Қанттың мөлшерін табыңыз.

Тік төртбұрышты алаңның ауданы 73 500 см2 . Осы алаңды масштабы 1:7000 сызбада кескіндегенде, ұзындығы 5 см тік төртбұрыш шықты. Алаңның жер бетіндегі ені неше метр?

7-ге бөлгенде 1 қалдық қалатын, ал 8-ге бөлгенде 2 қалдық қалатын ең кіші натурал санды табыңыз.

Орамадағы матаны 20 метрден немесе 16 метрден қалдықсыз сату үшін осы орамда аз дегенде қанша метр мата болу керек?

Кітапың алғашқы беті 3 цифрымен нөмірленген. Оның 241 беті неше цифрмен нөмірленген?

Сыныпта 27 бала бар. Олардың 12-сі вокалға,19-ы биге қатысады және 5 бала екі үйірмеге де қатысады. Бұл сыныпта осы екі үйірмеге де қатыспайтын бала саны қанша?

Бір адам бір жарым жыл бұрын: «Менің бұл дүниеде өмір сүріп жатқаныма 44 жыл, 44 ай, 44 апта, 44 сағат, 44 миннут өтті»,-деді. Бұл адам қазір нешеде?

Бесінші қабатқа шығу үшін 80 басқышқа көтерілу керек.Үшінші қабатқа көтерілуге неше басқышқа көтерілесіз?

Үшбұрыштың қабырғалары 4:5:6 қатынаста, периметрі 30см. Үшбұрыштың кіші қабырғасын тап.

Тік төртбұрыштың ауданы өзгермес үшін оның енін 25%-ға арттырсақ, ұзындығын неше пайызға кеміту керек?