Бірінші жұмысшы жұмысты 10 күнде бітіреді, ал екінші жұмысшы сол жұмысты 15 күнде бітіре алады. Екеуі бірлесіп, осы жұмысты неше күнде бітіреді?

Бір адам жұмысты 20 күнде орындап бітіреді. Ал бригадамен қосылып істесе оған 4-ақ күн қажет. Бригада жұмысты неше күнде бітіреді?

Арман мен Марат ағашты 6 сағатта кеседі. Асан мен Үсен олардан 2 есе жылдам, ал Асқар мен Ақжол 3 есе жылдам кеседі. Барлығы бірігіп, ағашты қанша уақытта кеседі?

Тазы ит тамақты 5 минутта, ал овчарка 7 минутта жеп тауысады. Олар бірігіп жесе, осы тамақты қанша уақытта тауысады?

Үш экскаватор бірігіп жұмысты 4 күнде бітіреді. Егер осы жұмысты бірінші экскаватор 24 күнде, ал екіншісі 8 күнде, орындайтын болса, үшінші экскаватор жеке өзі неше күнде орындайды?

Бәйтерек пен Ханшатырдан бір-біріне қарама-қарсы бағытта екі дос шықты. Біреуі осы аралықты 20 минутта, ал екіншісі 30 минутта жүріп өтті. Олар неше минутан кейін кездеседі?

Сыйымдылығы 240 м3 хаузды бірінші құбыр 6 сағатта, екінші құбыр 3 сағатта сумен толтырады. Егер су екі құбырдан қатар ақса, хауыз сумен неше сағатта толады?

Ернар мен Жомарт ауланың қарын 2 сағатта тазалап бітіреді. Ернар жалғыз өзі осы жұмысты 3 сағатта бітірсе, Жомарт жалғыз өзі неше сағатта бітіреді?

Бір бөшке суды, егер ол өзі ішсе, 14 күн ішіеді, егер әйелі екеуі ішсе 10 күн ішеді. Осы бөшке суды егер әйелі ғана ішсе, неше күн ішеді?

 Бір жұмысты Бейсен 3𝑎 күнде, Есхат 2𝑎 күнде, Нұрғали 4𝑎 күнде бітіреді. Сол жұмысты үшеуі бірігіп (𝑎 − 2) күнде бітіре алады. Сонда 𝑎 нешеге тең?

Бір пілді жуындыруға әкесі 40 минут жұмсайды. Ал баласы 2 сағат жұмсайды. Әкесі мен баласы дәл сондай 3 пілді бірігіп қанша уақытта жуындырады?

Ешкі мен сиыр шөпті 45 күнде, сиыр мен қой 60 күнде, ал қой мен ешкі 90 күнде жеп бітіреді. Үшеуі бірігіп осы шөпті қанша күнде жеп бітіреді?

Арман мен Марат ағашты 6 сағата кеседі. Ал Асан мен Үсен олардан 2 есе жылдам кеседі. Барлығы бірігіп неше сағатта кесетінін табыңыз.

 Қуаты таусылған ұялы телефонды сөндірулі күйде қуаттасаң 40 минутта, ал қосулы күйінде қуаттасаң 1 сағат 40 минутта 100% болады. Сөндірулі күйінде қуатқа қосылған ұялы телефонды жарты сағат болғанда қоссақ, толық қуат алу үшін тағы неше уақыт қажет?

Бір жұмысты Ерлан 10 күнде, ал інісі 20 күнде бітіреді. Егер жұмысты інісі жеке өзі бастап, 12 күннен кейін қыдырып кеткен болса, онда қалған жұмысты Ерлан қанша уақытта бітіреді?

Құс фабрикасына жем алып келді. Ол жем үйректерге – 30 күнге, ал қаздарға – 45 күнге жетеді. Жем қаз және үйректерге бірге неше уақытқа жетеді?

 Бидон бірінші құбыр арқылы 6 минутта толады, екінші құбыр арқылы – 3 минутта, үшінші құбыр арқылы – 2 минутта толады. Егер үш құбыр бірге жұмыс жасаса, бидон неше минутта толады?

475 тетікті жасау үшін бірінші жұмысшы, дәл сондай 550 тетікті жасайтын екінші жұмысшыға қарағанда, 6 сағат аз жұмсайды. Бірінші жұмысшының бір сағатта екіншіге қарағанда 3 тетікке көп жасайтыны белгілі болса, онда бірінші жұмысшының бір сағатта неше тетік жасайтынын анықта.

Оқушы 480 беттік кітапты әр күні бірдей беттен оқып бітірді. Егер ол күнде 16 бетке көбірек оқыса, онда ол кітапты 5 күнде оқып бітіруші еді. Оқушы кітапты неше күн оқыған?

A) 6 B) 7 C) 8 D) 9