2. Ang wakas ay kabuuan ng sanaysay at pangkalahatang palagay o pasya tungkol sa paksa.

3. Ang katawan o gitna ay bahaging may karagdagang kaisipan o pananaw kaugnay ng tinalakay na paksa, ito ay upang suportahan ang inilahad sa pangunahing kaisipan.

4. Ang tema ay ang sinasabi ng isang akda tungkol sa isang paksa.

5. Anyo at Estruktura ay isang mahalagang sangkap na nakaapekto sa pagkaunawa ng mga mambabasa.

6. Ang kaisipan ay ang mga ideyang nabanggit na kaugnay [ o ] [ at] nagpapalinaw sa tema.

7. Ang Wika at Estilo ay  nakaaapekto rin sa pag-unawa ng mambabasa, higit na mabuting gumamit ng simple, natural, at matapat na mga pahayag.

8. Larawan ng Buhay ay nailalarawan sa isang makatotohanang salaysay at masining na paglalahad na gumagamit ng sariling himig ang may-akda.

9. Damdamin ay naipapahayag ng isang magaling na may-akda nang may kaangkupan at kawastuhan sa paraang may kalawakan at kaganapan.

10. Ang himig ay nagpapahiwatig ng kulay o kalikasan ng damdamin; maaaring masaya, malungkot, mapanudyo at iba pa.