Tengetan téks ieu di handap!

Basa anu digunakeun dina paguneman biasana gumantung kana situasi jeung kondisi, atawa gumantung kana lawan anu diajak ngobrol. Saupama ngobrol jeung anu geus wanoh komo deui babaturan deukeut mah biasana sok ngagunakeun basa anu loma, béda deui lamun urang ngobrol jeung saluhureun, biasana sok maké basa anu lemes/ hormat.

Dumasar kana téks di luhur, aya kecap “wanoh” anu dicitak kandel. Harti tina kecap “wanoh” téh nyaéta….

Dina karya sastra saperti drama, istilah lain tina paguneman téh sok disebut dialog. Tapi aya ogé karya sastra anu disebut monolog. Dina karya sastra, kecap monolog téh ngabogaan harti nyaéta….

Undak-usuk basa atawa lével dina ngagunakeun basa Sunda jumlahna nyaéta aya….

Tujuan ayana undak-usuk basa Sunda/ lével dina ngagunakeu basa Sunda téh nyaéta….

Tengetan kasus ieu di handap!

Nalika hidep diajar basa Sunda di sakola, tuluy aya matéri anu kurang dipikaharti. Hidep ngawanikeun manéh nanyakeun ka guru hidep ménta pang ngajelaskeun sakali deui ngeunaan matéri anu masih kénéh kurang dipikaharti.

Dumasar kana kasus di luhur, basa anu pantes pikeun ménta tulung ka guru hidep nyaéta….

Salahsahiji léngkah dina nyieun téks paguneman nyaéta nangtukeun heula jejer. Harti tina kecap jejer téh nyaéta….

Ieu di handap anu teu kaasup kana hal-hal anu kudu diperhatikeun nalika urang keur paguneman nyaéta….

1.       Tengetan sempalan paguneman ieu di handap!

Encép       : “Den, ari manéh ambek ka urang?”

Dédén       : “Henteu, urang mah teu ambek da ka manéh.”

Encép       : “Naha atuh gening ciga anu baeud jeung ngajauhan urang?”

Dédén       : “Sabenerna mah urang téh nyeri haté ku omongan manéh kamari, bener manéh téh

   meureun tujuanna mah heureuy, angger wéh asa nyelekit pisan kana haté urang.”

Encép       : “Oh pédah omongan urang kamari, nya atuh hampura nya. Urang moal sakali-kali

   deui ngomong ciga kamari. Sakali deui hampura, Dén.”

Dédén       : “Heueuh, Cép. Ku urang dihampura.”

Jejer/ téma tina paguneman di luhur téh nyaéta….

1.       Tengetan paguneman dihandap ieu!

1)      Kenida: “ Bade ngawartosan, ayeuna waktosna di kelas VII E.”

2)      Ibu Siti: “ Tadi mah aya, meureun keur kaluar heula, baé naon kitu ka Ibu Nurjanah?“

3)      Kenida: “ Sawios atuh Bu, ku abdi badé dipilarian, hatur nuhun. “

4)      Ibu Siti: “ Aya naon Neng? “    

5)      Kenida: “ Dupi Ibu Nurjanah parantos sumping, Bu? “

6)      Ibu Siti: “ Sawangsulna. “

7)      Ibu Siti: “ Antosan waé sakedap, ke upami aya ku Ibu diwartoskeun. “

Susunan anu merenah dumasar kana paguneman di luhur nyaéta...

Tengetan  paguneman ieu di handap!

Mang Utas :“Lo...kadieu sakeudeung, urang ngopi heula!”

Si Alo       :“Aéh...sugan teh saha, meni pangling ari diharudung sarung mah.”

Mang Utas :“Puguh Lo, amang téh kabulusan, geus saminggu ieu urang Tasik mun ti  peuting nepi ka

   isuk-isuk karasa nyecep tiis, amang mah asa di Palutungan Kuningan Lo...”

Dumasar kana paguneman di luhur, anu keur diharudung sarung téh nyaéta....

Tengetan téks ieu di handap!

Nalika hidep keur dahar, tuluy aya tatangga hidep ngaliwat. Ku hidep téh tuluy ditawaran. Ditinggali tina umurna mah tatangga hidep téh leuwih kolot ti hidep.

Kalimah anu merenah pikeun nawaran dahar luyu jeung ilustrasi di luhur nyaéta….

Basa Sunda hormat keur sorangan tina kecap “datang” nyaéta….

Tengetan kalimah ieu di handap!

“Hayu ngaliwet di imah Urang!”

Kalimah di luhur saupama diubah kana basa Sunda nu luyu jeung undak-usuk basa Sunda kalimah anu benerna nyaéta….

Diantara kalimah ieu di handap, kalimah anu ngagunakeun ragam basa hormat anu bener nyaéta….