"Балалық шаққа саяхат" повесінің негізгі кейіпкері

Басты кейіпкердің туған жері?

"Ауыл совет председателі Батырқанда бір ұл, екі қыз бар. Ұлы Жанбосынды оқушы азды-көпті біледі." Батырханның тетелес екі қызының аттары кім?

"Жер шар секілді домалақ... Құдай жоқ, қараңғы адамдар құдайды қолдан жасап алған"-деп айтқаны әкесінің айтқанынан беделді болып кететін повесть кейіпкері?

"Тепең-тепең" әңгімесіндегі: Шын ауру болсаңда тыңдамайтын, жеті атаңнан тартып боқтап, керек болса ұрып та жіберетін, қаршажай сенде әкесінің құны бардай-ақ қағып-қаныңды, соғып-сөліңді алатын кейіпкер?

О, қасиетіңнен айналайын! Сен де мені тұлықтастан артық болмаса, кем зығыр еткен жоқсың-ау. Туғаннан көзімді сенімен аштым. Аузым алғаш асқа талпынғанда, апам бөкпен етіп берген. Міне содан бері сен менімен ылғи да серіктесіп келесің. Автор қандай ас туралы айтып тұр?

"Үйге қашу" әңгімесінде Басты кейіпкер бір күні тамақтың соңынан мая сабанға кіріп, ұйықтаудың орнына, түн жамылып, үйге қашты. Себебі?

Ана Жылқыбай балалары өйдеп - ата тегіміз кедей болған деп жаза алмайды. Ал менің жалқау әкем дүниеге кім болып келуді, тарих үшін қай таптың өкілі артық екенін ерте білген. Басты кейіпкердің әлеуметтік жағдайы қандай болған?

Мұрт шыға бастағаны аз ғана жыл. Мен бұл кісіні тәте деймін. Шешем қазақ әйелдерінің салты бойынша атын атамайды,"шырақ" дейді. Ол әкемдей сылбыр емес. пысық. Тәтемнің мінезінің шайпаулығы бар. Ашуланса, су тамған ыстық майша шатыр ете қалады. Автор кімді сипаттап тұр?

Ал менде арман көп. Бір арманым - Сағатбайға ұқсап мұғалім болу. Екінші арманым - ....................... болу

Ол нашар оқушы еді. Көбейту кестесін айта алмай, түйедей боп, шатып бұтып тұрады. Оның алып келетінін аппақ нан. Үзіліс кезінде анадай көрнекі оқшау жерде тұрып, әдейі біздің көзімізді қызықтырып, баппен шайнап жей бастайды. Бала Бердібек кім туралы айтып тұр?

Ауылдың ұстасы. Қостөбедегі азын-аулақ партия мүшесінің бірі. Қатардағы еңбекшінің үлгілі өкілі ретінде әрқашан санға ілініп, аты аталып жүреді. Еңбекқор және көңілді жүретән адам. Өлеңді ол жанынан шығарып, өзі қиыстырып айтады. Кім сипатталған?

Біз шешемнен басқаларымыз мұсылмандықтың қатаң жолын сақтай алмадық. Ораза-намаз - тоқтықта дегендей, майлы сорпаны қарынға салып алуды жөн көрдік. Неге бала Бердібектің шешесі ағасы Смағұл әкелген асты жей алмады?

• - Әсбет, қашан аяқ-киім табылғанша, оқуға сенің калошыңды киіп, барып-келіп жүрсе қалай болады? - деп әкесінің сұрауының себебі?

"Менің салақ ........................." деген әңгімесінде бала Бердібек қай туысқанын атады?

"Мына әңгіме бүгінге дейін есімнен кетпейді. Кітаптағы суреті көз алдымда. Менің бәтеңкем сияқты тұмсығы ырсиған жыртық бәтеңке кездеседі". Автор қай әңгіме туралы айтып отыр?

"Қаза" әңгімесіндегі - "Жалқау, жайбасар әкем ширай бастады. Отын-суды мол дайындап, үй маңынан онша ұзамайтын." Әкесінің бұл әрекеті неге байланысты?

"Бір күні Сатылған аяқ астынан үйленді. Нарынқол жақтан түнделетіп бір әйелді алып қашты. Аты.............." Сатылғанның алған әйелінің аты кім?

"Міне, енді күніміз жатқа қарағандай боп, бұрын сырын білмейтін тосын мұғалімнің алдында отырмыз." Сағатбайды ауыстырған мұғалімнің аты кім?

Екінші тоқсан біткен соң, біздің ауылдағы мектептің үшінші класы мүлдем жабылып қалды. Бір мұғалім үш класты қабат оқыта алмайтын болды. Бала Бердібек Қостөбеден қай жерге көшті?

"Көзден кетсе, көңілден болады ұмыт" деп, қазекем бекер айтпаған. Көңілдің көбелегіне өзіне магниттей тартып тұратын басқа гүл табылды. Бас кейіпкер қай қыз туралы айтып тұр?

Класта сабақ жүріп жатқан. Кенет есік айқара ашылды. Әр жақта ауыл бригадирі болып жұмыс істейтін Нұрғазы көрінді. - Біздің ауылдың Бердібек дейтін баласы оқи ма? деп шола қарады. Нұрғазы Бердібекті не үшін іздеді?

"Сүмбе сапары" әңгімесінде "Бұны киіп Сарыбастауға бармаймын" - деп Бердібек не үшін жылайды.

Қазақтың бойындағы қасиет жақынын далаға тастамайды. Ауызындағы асын жыртып береді. Бала Бердібектің қиын жағдайын көрген Қағазбай оның қандай туысы

Нағашымның үйіндегі бар адамды әскер деп атасақ, сол әскердің бас қолбасшысы ................... Бас қолбасшы деп кімді атады.

Көктем шығысымен Қағазбай мен Зәуре үй көрмейді. Алты ай жаз, күзгі жиын терін біткеншще сонда болады. Автор қай жер туралы айтып тұр?

Нағашысының үйіне келгенде бала Бердібекпен дос болған тетелес досы кім?

Нарынқолда алтыншы оқып жүргенде комсомолға кірдім. Комсомолға ол кезде .................... жаста қабылдайтын

"Арбасу" әңгімесінде неге нағашысының үйін Қостөбеге барып жамандайды