Ұлықбек Есдәулет 1954 жылы 29 сәуірде Шығыс Қазақстан облысы Зайсан ауданы Үлкен Қаратал ауылында дүниеге келген. Еңбек жолын 1971 жылы облыстық "Коммунизм туы" ("Дидар") газетінде корректорлықтан бастаған. 1977 жылы Қазақ Мемлекеттік университетінің журналистика факультетін бітірген. "Қазақстан пионері" газетінде, "Жазушы" бспасының поэзия редакциясында қызмет істеген. Гуманитарлық ғылымдар академиясының құрметті академигі (2004 жылдан). Қазақстан журналистика академиясының толық академик-мүшесі. М. Әуезов атындағы Семей университетінің құрметті профессоры (2007 жылдан).«Қанат қақты» (1974), «Жұлдызжарығы» (1977), «Аптайдың алтынтамыры» (1979), «Ұлыстың ұлы күні» (1982), «Ақ керуен» (1985), «Жаратылыс» (1989), «Жүректегі жарылыстар» (1995), «Алтай асулары» (1988), «Заман-ай» (1999), «Киіз кітап» (2001) кітаптарының; «Ахиллестің өкшесі» өлеңдер жинағының (2003); қазақ тіліндегі 5 томдық шығармалар жинағының (2006), «Ынтық зар» (2009), «Әбілхаят» (2009) авторы. «Семей-Невада» қозғалысының әнұраны «Заман-ай» әні сөздерінің авторы.

Ақынның шығармалары шет телдеріне аударылған.

Әскери атағы - запастағы лейтенант.

Саяси қайраткер ретіндегі идеалы - Абылай хан.

Қазақстанның болашағы туралы болжамы - «Республиканың өркендеуі».

Хоббиі - кітаптар, бильярд, компьютер.