Теплоходтың ағыс бойымен жылдамдығы 47,3 км/сағ. Өзен ағысының жылдамдығы 4,8 км/сағ. Теплоходтың меншікті жылдамдығын тап.

Өзен ағысының жылдамдығы 3,3 км/сағ. Өзен ағысымен жүрген моторлы қайықтың жылдамдығы 18,5 км/сағ. Моторлы қайық 2 сағатта өзен ағысына қарсы қандай қашықтық жүреді?

Катердің ағыс бойымен жүргендегі жылдамдығы 19,5 км/сағ, ал ағысқа қарсы жүзгенде 13,7 км/сағ. Осы өзен бойымен жіберілген сал 3 сағатта қандай қашықтықты өтеді?

Моторлы қайықтың меншікті жылдамдығы 14,3 км/сағ, өзен ағысымен y сағатта 60 км жүзді. Өзен ағысының жылдамдығын тап.

Қасқыр қойды 6 сағатта жейді, ал одан жолбарыс екі есе, арыстан үш есе тез жейді. Үшеуі бірге қойды қанша сағатта жейтінін анықта.

Бір адам жұмысты 20 күнде орындап бітіреді. Ал бригадамен қосылып істесе оған 4-ақ күн қажет. Бригада жұмысты неше күнде бітіреді?

Тек қана бірінші құбыр ашық болса, онда хауыз 3 сағатта, ал тек екінші құбыр ашық болса, онда 5 сағатта толады. Егер екі құбыр да ашық болса, хауыз қанша сағатта толады?

А пунктінен бір велосипедші, В пунктінен сол уақытта екінші велосипедші шығып, бір-біріне қарсы жүрсе, олар 18 минутта кездеседі. Бірінші велосипедші А пунктінен шығып, В пунктіне 1/2 сағатта келеді. Екінші велосипедші В пунктінен шығып, А пунктіне неше минутта жетеді?

Ернар мен Жомарт ауланың қарын 2 сағатта тазалап бітіреді. Ернар жалғыз өзі осы жұмысты 3 сағатта бітірсе, Жомарт жалғыз өзі неше сағатта бітіреді?

10%-дық 800 г тұз қоспасынан 25%-дық тұз концентрациясын алу үшін осы қоспаға неше грамм тұз қосу керек?

120 г шайдың құрамындағы сүттің концентрациясы 5%. Егер шайға тағы 30 г сүт қоссақ, шыққан шайдағы сүттің концентрациясы неше % болады?

Майлылығы 35% болатын 5 л қаймақты майлылығы 20% болатын 4 л қаймақпен араластырып, оған және 1 л су қосты. Майлылығы қандай қаймақ пайда болды?

Тұздың концентрациясын 3%-дан 2%-ға азайту үшін 20 кг теңіз суына неше кг тұщы су қосу керек?

Стақандағы салмағы 220 г, ал құрамындағы ас содасының концентрациясы 12% болатын су ерітіндісін қыздырғанда 44 г су буланып кетті. Қалған су ерітіндісіндегі ас содасының концентрациясы қандай?

Жұмысшының бес күндік жалақысы 725 теңге, 690 теңге, 710 теңге және 645 теңге, 660 теңге болды. Жұмысшының бір күнгі орташа жалақысы қанша?

Мәнерлеп сырғанау жарысында сырғанаушылар жұбына сырғанаудағы мәнері үшін әділ қазылар алқасы: 5,4; 5,2; 4,8; 5,5; 4,7; 5,0 балл қойды. Мәнерлеп сырғанаушылар жұбына қандай орташа балл қойылды?

Барлық жолға жұмсалған уақыттың бірінші жартысын автокөлік 115 км/сағ жылдамдықпен, ал уақыттың екінші жартысын 95 км/сағ жылдамдықпен жүріп өтті. Автокөліктің барлық жолдағы орташа жылдамдығын тап.

Сандардың өзгеріс ауқымын анықта:

$$3\frac{1}{2};\ 8\frac{5}{8};\ 2\frac{3}{4};\ 5\frac{5}{8}$$

1, 5, 7, 9, х сан қатарының х-тің қандай мәнінде модасы 5-ке тең болатынын тап.