Заттың көп екенін және сол заттың көпке ортақ екенін білдіру үшін заттың атын білдіретін сөздерге қандай жалғау жалғаймыз?

Қай жалғаудың қосымшалары екенін табыңыз: -лар, -лер, -дар, -дер, -тар, -тер (бала-лар, үй-лер, адам-дар, көл-дер, кітап-тар, шөп-тер).

Заттың біреуге не бір нәрсеге тәуелді, меншікті екенін білдіру үшін сөзге қандай жалғауды жалғаймыз?

Қандай жалғау заттың бір ғана адамға тәуелді екенін немесе бірнеше адамға тәуелді екенін білдіру үшін де қолданылады?

Мысалы: Менің кітабым дегенде кітап бір ғана адамға, біздің кітабымыз дегенде кітаптың бірнеше адамға тиісті екенін білеміз.

Бір немесе бірнеше заттың бір ғана кісіге тән екенін білдіретін тәуелдік жалғаулы сөздерді қандай тәуелдеу дейміз?

бір не бірнеше заттың бірнеше кісіге тән екенін білдіретін тәуелдік жалғаулы сөздерді қандай тәуелдеу дейміз?

Тәуелдік жалғаулы сөз қандай септік жалғаулы сөзбен байланысып тұрады?

Тәуелдік жалғауында кейде қай септіктің жалғауы түсіп қалыпта айтыла береді?

Мысалы: қазақтың жері - қазақ жері.

Қандай жалғауда кейде ілік септік жалғаулы сөз айтылмай, тәуелдік жалғаулы сөздің өзі ғана айтылады?

Мысалы: өлеңіңді оқыдым, талабың жақсы екен

Қандай жалғау түрінде біздің, сіздің есімдіктеріне тіркелген сөздің жалғауы кейде түсіріліп айтылады?

Мысалы: біздің ауылымыз – біздің ауыл; сіздің ауылыңыз – сіздің ауыл

Қандай жалғау түрі – зат пен зат, зат пен қимыл арасындағы түрлі қатынастарды білдіріп, сөз бен сөзді байланыстыратын қосымшалар болып табылады?

Атау, ілік, барыс, табыс, жатыс, шығыс, көмектес септіктері қандай жалғау түрінде қолданылады?

Сөздің түбір тұлғада немесе басқа негіз тұлғаларда (мысалы, есімшеде) тұрып септелуін жай септеу, ал сөздің тәуелденіп барып септелуін қандай септеу дейміз?

Қандай жалғау сөздің соңғы дыбысы мен буынына сәйкес үндестік заңы бойынша жалғанады?

Баяндауыш пен бастауышты байланыстырып, қимылдың қай жақ арқылы жүзеге асатынын білдіретін жалғау қандай жалғау деп аталады?

Жіктеу, негізінен, қай сөз табына тән?

Жіктік жалғауда адамға қатысты болған жағдайда қандай сөз табы жіктеледі?

Жіктелген зат есім сөйлемде қандай мүше қызметін атқарады?

Қандай жалғауда қала, дала, бақша, өзен, көл, дәптер, тақта т.б. зат есімдер жіктелмейді?

Қандай жалғаудың үш жағы да буын үндестігі бойынша жуан, жіңішке нұсқада, сонымен қатар I жағы дыбыс үндестігі бойынша сөздің соңғы дыбысына сәйкес қатаң, ұяң, үнді дыбыстардан басталатын нұсқада түрленіп жалғанады?