Font size
WorksheetsPREPARACIÓN
Total questions: 6
Worksheet time: 15mins
Chala suyupi kawsayqa mama quchawan kawsaymi, qucha patanpi ayllukunaqa challwa hapiywan, challwakuna rantikuywan ima kawsanku. Qucha patanqa yuraq aquyuq, chuya yakuyuq, llapan tiqsi muyu runakunata munay qucha kasqanwan qayarin. Chaymi qucha patanpi ayllu runata allin kawsayman, qullqichayman, taripachin.
Challwaqkunaqa, manaraq inti lluqsimuchkaptin, challwa hapiq purinku; hinaspa, challwa hapisqankuta mikuy qatuna wasikunapi rantikunku. Kay rurayqa mana mikuyllatachu qun, aswanpas may uñay ñawpa yachaykunatam kawsachichkan, riqsichichkan ima. Hinallataq mama qucha patanpiqa tukuy niraq kawsaykuna kawsan: qucha pisquchakuna, tukuy niraq challwakuna, yaku ukupi wiñaq qurakuna, qachukuna. Paykunaqa pachanchikta, mama quchanchikta sumaq kawsayman taripachinku.
Chala suyu llaqtaman kutichkan, chayqa yuyaywan apakunan ama allpakuna urmaykunanpaq, hinallataq pachanchikpi kawsaqkunata mana wañuchispa, chinkachispa. Mama qucha patanpi achka runa mayllakuq purisqanta, challwa rantikuykunata, imaynas chala suyupi kawsay, chayta siqikunapi riqsichin; hinallataq, qurakuna, qachukuna, yurakuna, challwakuna, pisqukuna ima, aswanpas wiñaypaq kawsakullachun.
Ñawichaspayki tapukuykunata kutichiy.
Qillqasqamanhina, ¿mayqin ruraywantaq chala suyu ayllukuna kawsanku?
Challwa hapiywan, chaka ruraywan, qura hurquywan ima
Challwaywan, uywanwan, rantikuywan, musuq yachaywan ima.
Challwa hapiyman, uywa uywayman, chakra rurayman ima.
Challwa hapiywan, challwakuna rantikuywan ima.
Qillqasqamanhina, ¿Ima niyta munan kay rimaycha "ñawpa kawsaykunatam kawsachichkan, riqsichichkan"?
Challwaqkunaqa musuq yachaykunallawan challwanku.
Challwaqkunaqa ñawpa yachaykunawanraq challwachkanku.
Challwaqkunaqa ñawpa kawsaykunawan rantikunku.
Challwaqkunaqa ñawpa yachaykunawan rantikunku
¿Imaraykutaq mama qucha patanpi tukuy niraq kawsaykuna kawsan?
Yaku kaptin, yuraq aqu kaptin, qucha pata kaptin, pisquchakuna kaptin.
Chuya yaku kaptin, qurakuna kaptin, pisquchakuna kaptin, rumikuna kaptin, aqukuna kaptin.
Yaku kaptin, qurakuna kaptin, uywakuna kaptin, runakuna kaptin.
Chuya yaku kaptin, yuraq aqu kaptin, sachakuna kaptin, runakuna kaptin, qachukuna kaptin.
¿Imaraykutaq challwaqkuna manaraq inti lluqsimuchkaptin, challwaq purinku?
Achka challwa tarinankupaq, chayta rantikuq apanankupaq.
Achka challwa hapinankupaq, chayta challwa rantikuna wasiman apanankupaq.
Challwaqkuna mana intipi challwayta atipankuchu.
Challwaqkuna challwa hapisqankuta wasi masin ayllunman apaykunku.
¿Imapaqtaq qillqasqa paqarichiq qucha pata chala suyu kawsayninta riqsichin?
Mama qucha pata runakunata allin kawsayman taripachin.
Mama quchaman achka challwaqkuna purinankupaq.
Mama qucha pata challwakunata achkata challwachin.
Mama quchaman achka rantikuq runakuna ninankupaq.
