Free Printable PSAJ BASA SUNDA

1.

Yayan : Punten!

Adang : Mangga! Éh, geuning Yayan. Mangga ka lebet, Yan!

Yayan : Hatur nuhun, da moal lami ieu téh!

Adang : Aya naon, Yan?

Yayan : Nu mawi, abdi téh dijurungan ku pun bapa, engké wengi Pa Sukmana

dilulungsur linggih di rorompok, bada Isa.

Adang : Aya acara naon kitu, Yan?

Yayan : Badé sukuran sakantenan wawanohan abdi sakulawargi sareng urang dieu.

Tujuan Yayan natamu dina sempalan paguneman di luhur téh nya éta?

a)

Nitah Adang ka imahna

b)

Dititah ku bapana ngondang Adang

c)

Dititah ku bapana ngondang Pa Sukmana

d)

Ngabéjakeun engké peuting bapana rék ka imah Pa Sukmana

2.

Di handap mangrupa gambar kaulinan barudak anu aya di tatar Sunda.

Anu kaasup kana kaulinan barudak nu dibarung ku kakawihan nya éta . . .

a)

b)

c)

d)

3.

Numutkeun pamadegan hidep, eusi iklan layanan masyarakat di luhur nya éta . .

a)

Ajakan pikeun ngamimitian hirup beresih, ku cara ngumbah panangan.

b)

Kudu mindeng ngumbah panangan maké sabun.

c)

Stop, eureunan hirup beresih.

d)

Ngumbah panangan nganggo sabun jeung cai nu ngalir.

4.

Waktos kelas lima SD abdi kantos janten juara kahiji pasanggiri maca sajak tingkat Kabupatén. Abdi ngaraos reueus janten juara tina puluhan pamilon sarta tiasa ngawangikeun nami sakola.

Téks carita pangalaman di luhur mangrupa conto pangalaman anu . . .

a)

Pikasediheun

b)

Pikareueuseun

c)

Pikalucueun

d)

Pikabungaheun

5.

Mugi Gusti ngahampura

Kana dosa jisim abdi

Sareng dosa ibu-rama

Dulur muslimin-muslimat

Upama ditilik tina eusina, pupujian di luhur mangrupa . . .

a)

Muji ka Gusti Alloh

b)

Solawat ka Kanjeng Nabi

c)

Doa jeung tobat ka Pangéran

d)

Pépéling

6.

Lalaki nu balik Jurit

Karya : Rahmat M. Sas. Karana

Wanci layung hurung konéng

Manéhna datang leungeuna euweuh sapotong

Bedil nyoléngkrang na tonggong

Pélor ngabérés handapeun cangkéng

Hiji lalaki bajuna héjo kapulas taneuh

Di pangperangan taya waktu pikeun nyeuseuh

Sakiceup waktu ngingintil langahna musuh

Mun manéhna masih kénéh embung paéh

----------------------------------------------------------------

(Dicutat dina Buku Gapura Basa Kelas VII)

Numutkeun pamadegan hidep amanat nu hayang ditepikeun ku pangarang ngaliwatan éta sajak nya éta . . .

a)

Lalaki nu balik jurit ti pangperangan

b)

Lalaki nu leungeunna euweuh sapotong

c)

Lalaki nu ngagedurkeun sumanget perjoangan

d)

Lalaki nu bajuna héjo kapulas taneuh

7.

Aksara Sunda di luhur upama disalin ka aksara latén, dibaca . . .

a)

Majaléngka raharja

b)

Majaléngka kota kécap

c)

Majaléngka kota angin

d)

Majaléngka kota hujan

8.

Kecap nu merenah pikeun ngalengkepan rumpaka kawih di luhur, nyaéta?

a)

Sing towéksa

b)

Sing tulatén

c)

Sing percéka

d)

Sing rancagé

9.

Mobil pick up anu ditumpakan ku karyawan pabrik aci tabrakan jeung beus Hébring di Sadang, kamari soré (12/2). Akibatna lima karyawan pabrik aci tatu parna sarta kudu dibawa ka Rumah Sakit Bayu Asih Purwakarta.

Dina warta urang mikawanoh unsur 5 W + 1 H. Unsur warta anu nuduhkeun tempat (where) dina sempalan warta di luhur nya éta ?

a)

Mobil pick up

b)

Kamari soré

c)

Di Sadang

d)

Karyawan pabrik aci

10.

1. Nu guna nguatkeun urat

2. Sing getol néangan élmu

3. Sing getol nginum jajamu

4. Nu guna dunya ahérat

Susunan anu bener sangkan jadi sisindiran wangun rarakitan nya éta . . .

a)

3 - 2 - 1 - 4

b)

2 – 4 – 3 – 1

c)

3 – 1 – 2 – 4

d)

2 – 1 – 3 – 4

11.

Dina sawatara acara bebegig Sukamantri jadi kaapdolan ngarigig upamana dina acara Agustusan, Nyiar lumar di Kawali, Nyangku di Panjalu jeung dina acara milangkala Kabupatén Ciamis.

Maénkeun bebegig Sukamantri, mémang mikabutuh tanaga anu tohaga. Pék baé bayangkeun. kudu nyunyuhun bebegig anu beuratna nepi ka 60 kilo, bari awak dibulen ku kakaban injuk. Jaba kudu ragag-rigig deuih. Malah sakapeung mah sok dipaké ngangkat jelema, anu sina tumpak dina lebah irung topéng si bebegig. Nya enya, lain pagawéan méméh sasarap. Anu matak, salian ti kudu siap tanaga téh, kudu asak latihan deuih. Aya émbohna, dibarung ku doa - doa husus, sangkan salamet salila nyunyuhun sakadang bebegig.

(Sumber: Gapura Basa kelas VIII kaca 51)

Unsur budaya naon anu diguar dina pedaran di luhur téh?

a)

Élmu pangaweruh

b)

Basa

c)

Ékonomi

d)

Kasenian

12.

Urang Sunda mikanyaah mikacinta,

deudeuh geugeut ka Persib,

dipuji dipuja,

Persib nu saréréa,

Persib nu kuring nu abdi,

nu urang Sunda,

nu uing nu silaing.

Guru wilangan jeung guru lagu dina Pupuh Durma di luhur nya éta . . .

a)

12a, 7i, 6a, 7a, 8i, 5a, 7i

b)

10i, 6o, 10é, 10i, 6i, 6u

c)

10a, 7i, 6a, 7a, 8i, 5a, 7i

d)

12a, 7i, 6a, 7i, 8i, 5a, 7o

13.

1. Kudu apal acara anu rék dilaksanakeun

2. Kudu apal papakéan anu kudu digunakeun

3. Kudu apal saha-sahana anu hadir dina acara

4. Kudu apal naon kalungguhan/jabatan nu ngayakeun acara

5. Kudu apal runtuyan acara

6. Kudu apal saha-sahana anu rék biantara

Sawatara hal penting anu kudu diperhatikeun ku panata acara diantarana . . .

a)

1,2,3

b)

1,5,6

c)

3,4,5

d)

2,3,4

14.

Tengetan sempalan carpon di handap ieu!

Di lebak téh aya balong, meujeuhna gedéna. Di juru belah kalér aya tajug. Gigireunana aya pancuran, caina hérang ngagelenggeng. Cinyusu kitu. Teu jauh ti dinya aya pamiceunan. Paranti urang tonggoh nu teu boga pamiceunan sorangan. Barang Tisna jeung Cécép rék asup ka pancuran, ti jero tajug aya nu kaluar bangun rusuh.

…

(Sumber: Gapura Basa kelas VIII kaca 102)

Latar tempat dina sempalan carpon di luhur nya éta …

a)

Imah

b)

Sakola

c)

Tajug

d)

Kebon

15.

Teu sangka budak téh uteukna éncér.”

Kecap nu miboga harti injeuman (konotasi) dina kalimah di luhur nya éta …

a)

Budak

b)

Teu sangka

c)

Uteuk

d)

Éncér

16.

Baca sing taliti!

Pangersa Bapa Kapala Sakola miwah Ibu-Bapa Guru sadayana, sim kuring sadaya wangkid ieu gaduh rupi-rupi piunjuk anu badé dihaturkeun ka Pangersa Ibu miwah Bapa sadayana.

Kahiji, unjuk hatur nuhun, wiréh sim kuring sadaya kebek ku karumaosan, tina kawit boloho taya kanyaho, ayeuna parantos teu bodo balilu teuing. Ieu téh teu aya sanés, anging ku panungtun sareng pangatik Pangersa Ibu miwah Bapa. Dina leresan ieu kanggo sim kuring sadaya, éstu beurat nyuhun beurat nanggung beurat narimakeunana. Kedah kumaha sareng ku naon atuh sim kuring sadaya nya mulang tarima? Da moal aya harta dunya anu saimbang sareng kasaéan Ibu miwah Bapa. Sim kuring sadaya mung tiasa neneda ka Gusti Nu Maha Suci, mugi Gusti maparin ganjaran kasaéan ka paraguru abdi sadaya, anu parantos kahéséan, kacapéan, karungsingan, kapusingan, dina enggoning ngatik ngadidik sim kuring sadaya. Aamiin ya Robbalalamiin.

(dicutat tina Gapura Basa Kelas IX kaca 9)

Naskah biantara di luhur ilaharna digunakeun dina kagiatan … di Sakola.

a)

muludan

b)

rajaban

c)

paturang tineung

d)

miéling HUT RI

17.

Bapa Kapala Sakola anu ku sim kuring dipihormat,

Bapa kalih Ibu Guru anu ku sim kuring dipihormat,

Hadirin tamu uleman, ogé anu ku sim kuring dipihormat,

Sadérék sadaya kelas salapan sareng adi-adi kelas tujuh sareng kelas dalapan, anu ku sim kuring dipikacinta.

Ungkara di luhur mangrupa bagéan tina ... .

a)

eusi biantara

b)

pangwilujeng

c)

bubuka biantara

d)

panutup biantara

18.

Sangkan teu leungiteun hanca sarta ngajalur nalika keur biantara, pikeun jalma nu gampang poho mah leuwih hadé ngagunakeun téhnik biantara ... .

a)

Téhnik maca

b)

Téhnik nalar

c)

Téhnik nyatetkeun inti biantara

d)

Téhnik langsung

19.

Masarakat Kampung Naga percaya yén panto hareup anu pahareup-hareup jeung panto dapur bisa ngalantarankeun ... .

a)

sémah anu asup ka imah babari kaluar

b)

rejeki nu asup ka imah kaluar deui

c)

rejeki anu asup ka imah teu bisa kaluar

d)

rejeki anu kaluar ti imah teu bisa asup deui

20.

Kampung Kuta nepi ka kiwari masih kénéh pageuh adat istiadat jeung tatali paranti karuhunna.

Tina sempalan kalimah di luhur aya kecap tatali paranti karuhunna. Nu dimaksud tatali paranti karuhun téh nya éta ... .

a)

dilarang, teu meunang ku karuhun

b)

tempat cicingna karuhun

c)

ngomong sombong ka karuhun

d)

adat kabiasaan karuhun

21.

Imah nu aya di kampung Kuta téh saperti gambar di handap. Wangun suhunana ngagunakeun hateupna tina injuk atawa kiray.

Dumasar kana bentuk wangun suhunanana, éta imah kaasup ngangunakeun kana jenis ....

a)

wangun suhunan parahu kumereb

b)

wangun suhunan jogo anjing

c)

wangun suhunan jolopong

d)

wangun suhunan limasan

22.

“Jang, cik gedéan tipi téh asa kurang jelas.

Dumasar kalimah di luhur, kaasup kana pakeman basa .

a)

babasan

b)

paribasa

c)

rakitan lantip

d)

caturangga

23.

Jalma anu kandel kulit beungeut téh nya éta jalma anu ....

a)

gedé ambek

b)

kuat beungeutna

c)

teu boga kaéra

d)

gedé kawani

24.

Kuda téh kacida alus kukulinciranana dina bobokongna beulah kénca, gedé perbawana kana darajat, téréh naék pangkat, jadi pangauban ratu, pantes dipiara ku priyayi, tutunggangan ratu.

Dumasar kana ungkara di luhur, éta kuda téh kaasup kana pakeman basa caturangga, anu ngabogaan watek .

a)

Buaya ngangsar

b)

Satria kinayungan

c)

Sumur bandung

d)

Sekar panggung

25.

Can gé saminggu, kuring geus mimiti boga kawawuhan. Enya, anu pangheulana wawuh téh para patunggon jongko, anu pagawéan sapopoéna teu béda ti kuring; Si Ahid jeung Si Sulé anu matuhna di kénca-katuhueun jongko tempat kuring. Si Ahid mah nungguan jongko sabangsaning beubeutian, ari Si Sulé jongko cau. Maranéhna mah geus lila maratuhna di Ciroyom téh, ceunah. Pangna gancang loma ka nu duaan téh, lantaran umurna papantaran kuring, da ari tarunggu di jongko séjén mah umurna saluhureun. Jeung maranéhna mah kuring bisa silipihapékeun anu keur ditungguan, lamun kabeneran nyelang heula ka cai. Hal-hal naon waé nu aya di pasar, kuring meunang béja téh ti maranéhna, da geuning jelemaa nu unggal usik pagaliwota téh rupa-rupa, ti mimiti padagang nepi ka tukang copét.

(dicutat tina Gapura Basa kelas 9)

Ungkara anu merenah pikeun ngagambarkeun watek palaku kuring dina sempalan novél di luhur nya éta . . .

a)

Soméah ka unggal jalma

b)

Nyaah jeung béla ka babaturan

c)

cicingeun jeung teu bisa mihapékeun diri

d)

bageur jeung gampang wawuh ka nu lian

26.

Barang mimiti mah ngarumas pisan saré di jongko téh. Eta tuda gandéng. Tapi lila-lila mah bisa ogé peureum. Jongko anu ditungguan ku kuring mah ngan beurang wungkul. Jadi peutingna mah nyalsé. Biasana Mang Mahmud téh dtangna sok Jumaah peuting bari sakalian ngawal barang. Isukna ogé, sanggeus bérés nagihan mah, sok mulang deui ka lembur.

(dicutat tina sempalan novél Patepung di Bandung Gapura basa Kelas 9)

Nilik kana cutatan di luhur katitén latar (tempat) anu aya dina éta carita novél téh nya éta . . .

a)

Pasar

b)

Jumaah

c)

gandéng

d)

Jongko

27.

“Enya, kaharti ku abdi ogé, Kang,ceuk Juru tulis. Ngan ieu mah hayang nepikeun ka Akang, malah Akang ogé nyaho, yén mencek téh kaasup sato anu ditangtayungan ku undang- undang. Ku kituna, sajaba ti teu meunang diala téh, dipiara ogé teu meunang, kajaba lamun boga idin resmi ti pamaréntah.

Sempalan paguneman di luhur aya dina novél Sunda anu judulna?

a)

Baruang Ka Nu Ngarora

b)

Patepung di Bandung

c)

Si Paser

d)

Budak Teuneung

28.

Bujang II : Teureuh Pajajaran mah tara kumawani ngarebut banda batur!

Bujang III : Alaaah, dia mah sok adigung. Keur kalaparan kieu mah kumaha wé carana. Batan

kudu paéh teu pupuguh mah! (KA LANJANG I). Nya, Nyai kitu lin?

Lanjang I : Ih, teuing atuh!

Lanjang II : Bener! Indung leungit bapa musnah teu dulur teu baraya, kuring mah hayang kénéh

hirup!

Bujang II : Kabéh gé harayang kéneh hirup, tapi loba kénéh cara séjén pikeun ngeusian

beuteung mah!

Lanjang II : (SINIS) Eusian ku taneuh!

Bujang II : Nya ari beuki mah sok baé!

Lanjang II : Ari geus dieusian kunaon ieu beuteung téh?

Bujang II : Yeuh Nyai ...... Apan ceuk Patikrama gé, loba raja anu tatapa nahan lapar

mangbulan-bulan, sangkan dirina sakti mandraguna, teu teurak ku tumbak, teu teurak

ku ruruhit jamparing, teu teurak ku .

(dicutat tina sempalan drama Sirung Pajajaran Gapura basa Kelas 9)

Téma atawa jejer nya éta mangrupa inti tangtungan karangan rékaan, anu jadi pameungkeut sagemblengna eusi karangan. Upama ditengetan, sempalan naskah drama di luhur miboga téma . .

a)

kulawarga

b)

misteri

c)

Sajarah

d)

silih asih

29.

Di handap ieu mana ngaran judul naskah drama anu dikarang ku Ajip Rosidi . . .

a)

Tanjeur Pajajaran

b)

Runtagna Pajajaran

c)

Siliwangi Maharaja Pajajaran

d)

Masyitoh

30.

1. Ulah kumawani ngarebut banda batur

2. Kudu sabar narima kaayaan ulah dibarung ku emosi

3. Kudu nurut kana papatah lanceuk

4. Kudu nyaah ka nu jadi dulur

5. Kudu sauyunan jeung nu jadi dulur komo deui hirup pahatu lalis

Amanat nya éta hal anu hayang ditepikeun ku pangarang ka nu maca tujuanna nya éta hayang nepikeun bebeneran sangkan nu maca bisa milih jalan anu hadé. Dina ungkara amanat di luhur mana anu kaasup kana amanat dina drama Geber-geber Hihid Aing?

a)

1, 3 jeung 4

b)

3, 4 jeung 5

c)

1, 2 jeung 3

d)

2, 3, jeung 4

31.

Iklan mah sipatna teh kudu ....

a)

Simpatik

b)

Keren

c)

Narik hate

d)

Alus

32.

Sangkan narik hate ka nu diiklanana, alusna dibarengan ku ....

a)

Film.

b)

Gambar.

c)

Barangna.

d)

Hasilna

33.

Kalimah nu eusina mere nyaho ka nu sejen disebutna kalimah .....

a)

Pananya.

b)

Panitah

c)

Panyeluk

d)

Wawasan

34.

Pupuh nu kaasup kana sekar alit nyaeta ....

a)

Sinom.

b)

Dangdanggula.

c)

Kinanti

d)

Lambang

35.

Pupuh nu kaasup kana sekar ageng nyaeta ....

a)

Asmarandana.

b)

Gurisa.

c)

Maskumambang.

d)

Mijil

36.

Ku nu bogana eta domba adu teh meni ditatap......

a)

Dimandian.

b)

Dipikanyaah.

c)

Diusap.

d)

Diteuteup

37.

" Bapa Pupuhu SMP PGRI anu mulya...." Pupuhu dina eta kalimah hartina .....

a)

Ketua.

b)

Wakil ketua.

c)

Sekretaris.

d)

Pangurus

38.

Ari jadi budak kudu ...... ngarah teu hese milik.

a)

Hampang birit.

b)

Ateul biwir.

c)

Ceuli lentaheun.

d)

Beurat birit

39.

Waktu jeung tempat kajadianana drama disebutna.....

a)

Latar.

b)

Adegan

c)

Kaayaan.

d)

Tema

40.

Tokoh dina drama boh nu protagonis boh antagonis atawa tokoh pangrojong disebutna.....

a)

Palaku.

b)

Latar.

c)

Babak.

d)

Tema

PSAJ BASA SUNDA

Total questions: 40

Worksheet time: 1hrs 20mins

Similar Resources on Wayground