401.  Ер бала К., 8 күндік, дәрігер патронажында нәресте денесінде көпіршіктер байқалған. Анамнезінде, бала ІІ жүктіліктен, жүктіліктің бірінші триместрі гестозбен, үшінші триместрі іріңді гайморитпен өткен. Туғандағы дене салмағы 3500 г, бойы 52 см, Апгар шкаласы бойынша 8/9 ұпай. Емшекке бірінші тәулікте салынған. Кіндік қалдығы 3-ші тәулікте түскен. Ерте неонатальды бейімделу кезеңінде физиологиялық сарғаю, токсикалық эритема болған. Перзентханадан 5-ші тәулікте шығарылған. Жағдайы орташа ауырлықта, емуі бәсең,  ауық-ауық құсады, дене қызуы 37,4–37,6°C. Тері жамылғысы боз-қызғылт, мраморлы. Денесі мен санының терісінде инфильтративті негізді полиморфты, ішінде серозды-іріңді, диаметрі 2 см-ге дейінгі, гиперемияланған шеттері бар болбыр көпіршіктер анықталады. Жарылған элементтер орнында – шеттері эпидермис қалдықтарымен эрозивті беткей байқалады. Кіндік қалдығы таза. Араны қалыпты. Өкпеде пуэрильді тыныс. Жүрек тондары анық, ырғақты. Іші жұмсақ, Бауыры қабырға доғасынан 1,5 см шығыңқы, талағы пальпацияланбайды. Нәжісі сары түсті, ботқа тәрізді. Алғашқы диагноз және дәрігер тактикасы:

401.  Анасының сырқаттанып қалуына байланысты баланы шұғыл түрде жасанды тамақтандыруға ауыстыру қажет. Баланың туғандағы салмағы 3200 г. Қазір балаға 3 ай. Дене салмағы 5400 г. Күніне 7 рет тамақтанады. Осы балаға тәуліктік сүт көлемін есептеңіз (мл):

404 Балаға 5 ай, дені сау ата-анадан туылған, күз айында, мерзімінде дүниеге келген. Дене салмағы 3850 г, бойы 50 см. Апгар шкаласы бойынша бағалау 7/8 ұпай. Емшекке өмірінің 2-ші тәулігінде берілген. Ана сүтімен 1,5 айға дейін емізілген, әрі қарай – жасанды тамақтандырылған. Соңғы екі айда балада мазасыздық байқалып, тершеңдік күшейді. Объективті: шүйде аймағында шашының жоқтығы, шүйденің тегістелуі, сагитальды жік пен үлкен еңбек аймағында сүйектің жұмсаруы байқалады.  Бұлшық ет тонусы төмендеген. Гиперестезия. Аяғын тіремейді. Іші жалпақталған. Тіндер тургоры төмендеген. Өкпеде пуэрильді тыныс, сырыл жоқ, ТЖ – минутына 28 рет. Жүрек тондары анық, пульс минутына 120 соққы. Бауыры қабырға доғасынан 3,5 см шығыңқы, жұмсақ, ауырсынусыз. Талағы пальпацияланбайды. Іш қатуына бейімділігі бар. Сіздің диагноз:

405 Дене қызуы көтерілген 12 айлық балаға дәрігер шақырылған. Ауырғанына бір күн болған. Жоғары тыныс жолдарының катаральды құбылыстарынан басталды. Жұқпалы аурулармен қатынаста болмаған. Нәжісі мен несебінің бұзылыстары жоқ. Дене қызуы 38,6°C болғанда бір рет ½ таблетка парацетамол берілген. Жалпы жағдайы қанағаттанарлық, қатынасқа оңай түседі.  Эмоциональды тонусы жақсы. Ойнап отыр. Тері жамылғысы таза, ылғалды. Араны мен жұтқыншақтың артқы қабырғасы қызарған. Мұрын арқылы тыныс алуы қиындау. Өкпеде пуэриьді тыныс, аздаған өтпелі сырылдар естіледі.  ТЖ – минутына 35 рет. Жүрек тондары ырғақты. ЖСЖ – минутына 140 соққы. Іші жұмсақ, ауырсынбайды, бауыры мен талағы ұлғаймаған. Нәжісі өзгермеген. Несеп бөлінуі бір сағат бұрын болған. Түсі ақшыл сары. Температурасы - 39,0 °C. Диагноз қойыңыз:

406  Туғандағы салмағы 3000г. болған 7 күндік балаға тәуліктік сүт көлемін анықтаңыз (мл):

407.  Туғандағы салмағы 3400г. болған 4 күндік балаға тәуліктік сүт көлемін анықтаңыз (мл):

408 Дене салмағы 4000г. 1 айлық балаға «көлемдік» әдіспен сүт көлемі қанша (мл) болады?:

409 БЖАИЖ стратегиясына сәйкес 2 айдан 5 жасқа дейінгі балалардың жалпы қауіптілік белгілеріне жатады:

410. 1 жасар қыз балаға шақыру, дене қызуының 38,3°С көтерілуіне және катаральды синдромға шағымданады. Бір апта бұрын Ұлттық күнтізбеге сәйкес иммунизация жүргізілген. Анамнезінде, 1 жасқа дейінгі алдын ала егулері уақытында алынған. Қарау кезінде жағдайы қанағаттанарлық. Тері жамылғысы таза, орташа ылғалдылықты. Араны қызарған. Лимфа түйіндері ұлғаймаған. Ішкі мүшелері патологиясыз. Қандай вакцинаны енгізгенде, осындай арнамалы реакция болуы мүмкін?

411.  Қабылдауда 8 айлық баласымен келген анасы. Қарау кезінде шағым айтпады. Анамнезінде: бала бірінші жүктіліктен, жүктіліктің бірінші жартысы гестозбен өткен. Уақытында босанған. Туғандағы салмағы 3200 г, бойы 50 см, Апгар шкаласымен бағалау 8/8 ұпай. Нәрестелік кезеңі қалыпты өткен. Қазіргі салмағы 8700 г, бойы 69 см. Жүйке іс-әрекетінің дамуы: бала өздігімен отырады, аяғын тірейді, тіреуге сүйеніп жүреді, бірнеше буындарды дауыстап айтады. Терісі ылғалды, таза, серпімді. Тері асты шел қабаты жеткілікті жетілген. Үлкен еңбегі 0,8x0,8 см, шеттері қатты. Тынысы пуэрильді. Жүрек тондары анық, ырғақты. ЖСЖ – минутына 125 соққы. Іші кеппеген, пальпацияда ауырсынбайды. Бауыры қабырға доғасынан 0,5 см шығыңқы, эластикалы. Талағы пальпацияланбайды. Нәжісі сары түсті, гомогенді, күніне 2 рет. Несеп бөлінуі қалыпты. Баланың денсаулық тобын анықтаңыз:

412. Іріңді-қабыну ауруларының туындау қаупі бар нәрестелерді бақылауда жетекші бақыланылатын белгілерге жатады

413. Балаға 4 ай, анамнезі ауыртпалықсыз, емханадағы екінші алдын ала егілуі «Пентаксим» екпесімен жүргізілген. Оның алдындағы екпелерін, соның ішінде, гексаксим және превенарды жақсы көтерген.  Екпеден кейінгі күні анасы дәрігерге баласының дене қызуының  38,0ºС көтерілуіне, мазасыздыққа, екпе орнындағы гиперемия мен тығыздыққа шағымданды. Қарау кезінде дене температурасы 37,8ºС. Мүшелер мен жүйелер жағынан патологиялар жоқ. Нәжісі ботқа тәрізді. Екпе орнында орташа ауыртпалықты, диаметрі 2×3 см болатын инфильтрат, 4 см-ге дейінгі гиперемия анықталды. Анасына бұл жағдайды түсіндіріңіз

414. Дене қызуының 37,3°С-қа көтерілуі мен сол жақ құлағының ісінуіне шағымданған 2 жасар ер балаға шақыру жасалды.  Балаға 9 күн бұрын КПК (қызамық-паротит-қызылша) вакцинасымен иммунизация жасалған, оның алдында 1 ай бұрын ЖРВИ-мен ауырған.  Анамнезінде: бір жасқа дейін атопиялық дерматит сипмтомдары анықталған, сол себепті жекеленген график бойынша екпелер алынған. Осыған дейін анасы КПК вакцинасынан жазбаша түрде бас тартқан; бір ай бұрын екпе жүргізуге ақпаратты келісім берген. Гепатит В, туберкулез, пневмококкты инфекцияға,  полиомиелитке қарсы және АбКДС вакцинацияларын жақсы көтерген. Қарау кезінде жалпы жағдайы қанағаттанарлық. Тері жамылғысы таза, орташа ылғалдықты. Араны қызарған. Лимфа түйіндері ұлғаймаған. Сол құлақ маңы безінің ісіңкілігі мен аздаған ауырсынуы, сол жердегі тері қыртысының қалыңдағаны байқалды. Ішкі мүшелері патологиясыз. Менингеальды белгілері жоқ. Сіздің болжам диагнозыңыз

415. Нәресте, 7 күндік. II жүктіліктен туылған (I-шісі - 7-8 апталығында өздігінен түсіп қалған). Анасы 22 жаста, студент, тыныс демікпесімен ауырады. Жүктілік кезінде 2 рет ЖРВИ-мен ауырған. Әкесі мен анасы жағынан аллергоанамнез ауыртпалықты. Уақытында босанған, оперативті жолмен (кесар тілігі), Апгар шкаласы – 6/8 ұпай. Туғандағы салмағы 2800 г, бойы – 50 см. Емізуге 2-ші тәулікте берілген, 30-40 мин. бойы әлсіз емеді, құсады. Перзентханадан шыққан кездегі салмағы – 2550 г. Бала ана сүтімен тамақтандырылады. Емуі баяу, үзіліспен емеді, құсуы көп емес. Бала белсенді, физиологиялық рефлекстері шақырылады, бұлшық ет тонусы жоғары. Тері жамылғысы мен кілегей қабаттары таза. Кіндік жарасы таза. Үлкен еңбегі 3×3 см, кернелмеген. Тынысы бір қалыпты, өкпенің бар бөліктерінде естіледі, сырыл жоқ. Жүрек тондары анық, ырғақты, шу естілмейді. Іші жұмсақ, паьпацияда ауырсынбайды. Бауыры қабырға доғасынан 1 см шығыңқы, талағы пальпацияланбайды. Нәжісі күніне 5 рет, сары түсті, ботқа тәрізді. Диагноз қойыңыз және денсаулық тобын анықтаңыз

416. кыз бала, 6 айлық, анасымен қабылдауда. Шағымы жоқ. Бала ІІІ-ші жүктіліктен, жүктілігі гестозбен, анемиямен өткен, 3-ші триместрде ЖРВИ болған. Қыз бала уақытында дүниеге келген, дене салмағы – 3050г., бойы – 52 см. Нәрестелік кезеңі ерекшеліксіз өткен. 1 айға дейін ана сүтімен тамақтанған, әрі қарай – бейімделген сүт қоспасын қабылдаған. 6 ай ішінде 4300г. қосқан. 2,5 айлығында ЖРВИ-мен ауырған. Симптоматикалық еммен амбулаторлық жағдайда емделген. Қараған кезде: жағдайы қанағаттанарлық. Тері жамылғысы таза, бозғылт, құрғақ. Кілегей қабаттары таза, бозғылт. Лимфа түйіндері ұлғаймаған. Өкпеде әлсіз везикулярлы тыныс, сырыл жоқ. Жүрек тондары ырғақты, шу естілмейді. Іші жұмсақ, ауырсынусыз. Бауыры қабырға доғасынан +2 см. Талағы ұлғаймаған.  Нәжісі күніне 2 рет, ботқа тәрізді, ақшыл-қоңыр түсті. Клиникалық қан анализі: эритр. – 3,7×1012/л, Hb-105 г/л, МСН 22 пг (N 24-33 пг); лейк.–8,5×109/л, п/я -2%, с/я -32%, л.-58%, м.-4%, б.-1%, э.- 3%, ЭТЖ - 6 мм/час, гипохромия ++, анизоцитоз +, пойкилоцитоз +. Диагноз қойыңыз, ем тағайындаңыз

417. кыз бала, 3 жасар, екі күн бұрын жедел ауырып қалған: дене қызуы 39°С-қа көтерілген, мұрыны бітелген, жөтел, тәбеті төмендеген.  Үйде симптоматикалық емдеген. Бүгінгі күннен бастап ентігу, шулы тыныс пайда болған. Қалада тұмау эпидемиясы. Ата-анасының дені сау. Анамнез ауыртпалықсыз, ентігу баланың өмірінде бірінші рет пайда болып тұр. Объективті: жағдайы орташа ауырлықта, температурасы – 38,9°С. Мазасыз, дәрігер қарауына жылаумен жауап береді. Араны қызарған, склерасында аздаған қан құйылу, мұрын арқылы тыныс алуы еркін, аздап кілегейлі бөлініс. Жөтелі сирек, құрғақ. Өкпеде қатқыл тыныс, тыныс шығаруы аздап ұзарған, тыныс шығаруда құрғақ ысқырықты сырылдар және екі жақта да бірлі-жарым ылғалды сырылдар естіледі. Тыныс жиілігі минутына 36 рет. Іші жұмсақ. Бауыры мен талағы ұлғаймаған. Нәжісі қалыпты. Жалпы қан анализінде: лейкоциттер – 9,2*109 /л, лейкоформула өзгермеген, гемоглобин-116 г/л, эритроциттер – 3,4*1012/л. Диагноз қойыңыз

418. Аурудан ең ұзағырақ қорғанысты қамтамасыз етеді

419. Перзентханада БЦЖ вакцинасымен егілмеген балалар шыққан соң, емханада екпе ала алады. Туғаннан кейін қанша уақытқа дейін Манту сынамасыз БЦЖ вакцинасымен егіле алады

420. 2 айлық баланың анасы баласында 10 секундқа дейін созылатын тыныс тоқтауларының ауық-ауық болатынына шағымданады. Бала шала туылған, туған кездегі салмағы 1800г. Қарау кезінде жалпы жағдайы қанағаттанарлық. Тері жамылғысы таза. Өкпеде әлсіз везикулярлы тыныс, ТЖ – минутына 36 рет. Жүрек тондары ырғақты, ЖСЖ минутына 132 рет. Іші жұмсақ. Нәжісі мен дәреті қалыпты. Баладағы тыныс бұзылысының ықтимал себебін ажыратыңыз

421. 6 жасар қыз бала емханада қабылдауға кезек күтіп отырды. Сол кезде емханада жөндеу жұмыстары жүріп жатты: кабинет есіктері боялды. Кенеттен бала жағдайы нашарлады: экспираторлы ентігу. Ауа жетіспеушілігі сезімі, алыстан естілетін құрғақ ысқырықты сырыл байқалды. ТЖ минутына 58 рет, ЖСЖ – минутына 122 соққы. Анамнезінен балада бояу, әтір, терек мамығына байқалатын мұндай ұстамалар бірінші рет емес екені анықталды. БЖАИЖ критерийіне сай бұл кезеңдегі дәрігер тактикасы қандай

422. Созылмаы бүйрек ауруларындағы анемияның себебі

423. Бала 5-ші жүктіліктен, 2-ші босанудан. Алдындағы жүктіліктері медициналық аборттармен аяқталған. Осы жүктілігі –ші жартысының гестозымен жүрген, босану кезінде кіндік бауы мойынына 2 рет оратылған. Осы балада қауіптіліктің бағытын анықтаңыз:

424.  6 жасар бала жедел пиелонефритті басынан кешірді. Қазіргі уақытта кортикостероидты препарат қабылдап жатыр. Дәрігердің профилактикалық екпені жүргізу тактикасы:

425.  2 жасар бала ЖТД-не профилакатикалық қаралуға келген. Анасының айтуы бойынша бала белсенді, тәбеті жақсы, жемістер мен көк-өністерді, балық, индейка және тауық етін жақсы жейді, қызыл етті ұнатпайды. Қарау кезінде: бала жағдайы қанағаттанарлық, тері жамылғысы мен кілегей қабаттарында бозғылттық, ауыз бұрышында ауыздық анықталады. Дене салмағы 14 кг, бойы – 84 см. Жүректің аускультациясында систолалық шу естіледі. Басқа мүшелер мен жүйелер ерекшеліксіз. Жалпы және биохимиялық анализ мәліметтері бойынша «Теміржетіспеушілік анемия, орташа ауыр дәрежесі» диагнозы қойылған. Осы балаға темір препаратының тәуліктік дозасын (мг) тағайындаңыз:

426.  ЖТД 6 жасар баланың шақырылуына келді. Баланы ентігу мен қиналысты ысқырықты тыныс мазалайды. Анамнезінде 3 жасқа дейін обструктивті бронхиттер жиі болған. Қарау кезінде жағдайы орташа ауырлықта. Экспираторлы типті ентігу, оральды сырылдар. Тыныс алуға қосымша бұлшық еттер қатысады. Өкпеде құрғақ ысқырықты сырылдар екі жақтан да естіледі. ТЖ минутына 48 рет. Жүрек тондары ырғақты, ЖСЖ – минутына 112 соққы. Балаға шұғыл көмек көрсетіңіз:

427.  Ер бала Б., 6 айлық. Бала екінші жүктіліктен, мерзімінде туылған, жүктіліктің бірінші жартысында анасында гестоз болған. Туған кездегі салмағы 2950 г., бойы 50 см. 2,5 айға дейін ана сүтімен тамақтандырылған, кейіннен анасындағы гипогалактияға байланысты жасанды тамақтандырылуға ауысқан. Қарау кезінде бала мазасыз. Басының шашты бөлігінде себореялық қабыршақтану белгілері айқын білінеді. Дене терісінде (арқасынан басқа) суланған эритематозды везикулалар байқалады, кей жерлері қабыршақтанған. Нәжісі сұйық, жасыл-сары түсті, қорытылмаған түйіртпектер мен кілегейлер бар. Несебі сары түсті. Сіздің алғашқы диагнозыңыз?

428.  Оқу жылының бірінші айында бірінші сыныптың барлық балаларына Манту сынамасы жүргізілді. Манту сынамасын жүргізгеннен кейін қанша уақыттан соң БЦЖ вакцинациясын жүргізу қажет?

429.  11 айлық бала. Анасы баласының тәбетінің төмендеуіне, әлсіздікке шағымданады. 3,5 айлығынан бастап сиыр сүтімен жасанды тамақтандырылады, 6 айлығынан бастап қосымша тамақтары көбіне ботқа түрінде. ЖҚА: эр-2,7х1012/л, Нв-78 г/л, ТК-0,6, ретикулоциттер-2,2%, лейкоциттер- 9,2х10^9/л, с/я нейтрофильдер-32%, т/я нейтрофильдер-2%, лимфоциттер-57%, моноциттер-8%, эозинофильдер – 1%, ЭТЖ – 12 мм/сағ. Анемияның ықтимал вариантын таңдаңыз:

430.  Жалпы тәжірибе дәрігерінің қабылдауында 4 жасар бала, гемоглобиннің көрсеткіші – 90г/л, ТК – 0,7, сарысулық темір – 6,4 ммоль/л. Дәрігер темір препаратын тағайындады. Бұл препараттың берілу формасы мен тәуліктік дозасын көрсетіңіз:

431.  Ер бала 2 жас 5 айда, ұйымдаспаған; қарау кезінде соматиялық дені сау; анамнезі қолайлы, дене дамуы мен жүйке іс-әрекетінің дамуы жасына сай; соңғы жылы жедел респираторлы инфекциямен 2 рет ауырды. Бұл баланы қандай денсаулық тобына жатқызасыз?

432.  Қандай анемия жоғары ретикулоцитозбен жүреді?

433.  Қандай анемия қалыпты түстік көрсеткішпен жүреді?

434.  Қандай анемия төмен түстік көрсеткішпен жүреді?

435.  Нәрестелердің физиологиялық сарғаюының ұзақтығы:

436.  Ерте жастағы балаларда теміржетіспеушілік анемияның ең кең тараған себебі:

437.  Мектепте бірінші сынып оқушыларына туберкулезге қарсы ревакцинацияны жүргізу жоспарланды. Туберкулезге қарсы ревакцинация жүргізуге негізді көрсетіңіз:

438.  ҚР екпелердің ұлттық күнтізбесіне сәйкес барлық дені сау балаларды жаппай иммуниациялауға мына инфекциялардан қорғау кіреді: 

439.  8 күндік нәрестеге ЖТД шақыру. Шақыру себебі – сүт бездерінің «фурункулы». Қыз баланы қарау кезінде айқайы қатты, эмоциональды. Мүшелер жағынан - ерекшеліксіз. Емуі бұзылмаған. Сүт бездерінің 2 см-ге дейін ұлғайғаны және ішінен ақшыл сұйықтың бөлінуі байқалады, айналасы қызармаған. Лимфа түйіндері пальпацияланбайды. Бала бірінші жүктіліктен, жүктілігі қалыпты, 39 апталығында босанған, сусыз кезең 2 сағат 30 мин. Туғандағы салмағы 3650 г, бойы 52 см, бірден айқайлаған, емшекке бірден берілген, Апгар шкаласымен бағалау 7/8 ұпай. Кіндік қалдығы қарау кезінде құрғақ. Перзентханадан 5-ші тәулікте шығарылған. Гепатит В-ға қарсы вакцина мен БЦЖны перзентханада алған. Дәрігердің қорытындысы мен тактикасы:

440.  Нәресте, 7 күндік. Бала бірінші, қалыпты өткен жүктіліктен, 38 апталығында туған, сусыз кезең 2 сағат 30 мин. Туған кездегі салмағы 3300 г, бойы 52 см, бірден айқайлаған, емізуге бірден берілген, Апгар шкаласымен бағалау 7/8 ұпай. Кіндік қалдығы қарау кезінде құрғақ. Перзентханадан 5-ші тәулікте шығарылған. Гепатит В-ға қарсы вакцина мен БЦЖны перзентханада алған. Қыз баланы қарау кезінде айқайы қатты, эмоциональды. Мүшелер жағынан - ерекшеліксіз. Баланы қарауда гениталий аймағында аздаған кілегейлі-қанды бөлініс байқалады. Лимфа түйіндері ұлғаймаған. Бұл жағдайды түсіндіріңіз:

441.  Қыз бала Р., 3 күндік, бірінші жүктіліктен, жүктіліктің бірінші жартысында жеңіл гестоз болған, уақытында босанған. Туғандағы салмағы 3100 г, бойы 51 см. Апгар шкаласымен бағалау 8/9 ұпай. Бірден айқайлаған. Бақылау кезінде жағдайы қанағаттанарлық. Алғашқы күндері салмағын жоғалтты, өмірінің 3-ші күні салмағы 2950г. емуі жақсы, белсенді, физиологиялық рефлекстер шақырылады, бұлшық ет тонусы қанағаттанарлық. Тері жамылғысы қызғылт, таза. Кіндік қалдығы таза. Өкпеде пуэрильді тыныс, жүрек тондары анық. Іші жұмсақ, ауырсынусыз, бауыры қабырға доғасынан 1 см шығыңқы, орташа тығыздықты, талағы пальпацияланбайды. Нәжісі қорытылмаған түйіршіктермен, кілегеймен аралас.  Бұл жағдайды түсіндіріңіз:

442.  6 айлық бала. Ана сүтімен тамақтандырылады. Анасы шағым айтпайды. Анамнезінде: бала І-ші жүктіліктен, уақытында босанған. БЦЖ вакцинасы перзентханада өмірінің 2-ші тәулігінде алынған. Туберкулез науқастарымен қатынаста болмаған. Дене дамуы мен жүйке іс-әрекетінің дамуы жасына сәйкес. Мүшелер бойынша ерекшеліксіз. Баланың сол иығында БЦЖ эволюциясының белгісі жоқ. Бұл балаға БЦЖ-ға қатысты дәрігердің тактикасы қалай болады? 

443.  3 күндік ер бала. Жүктіліктің 32-ші аптасында 1700г салмақпен дүниеге келген; бір күннің ішінде тамақтандырылғаннан кейін апноэ ұстамасы 2 рет анықталған, ұстама ұзақтығы 2-8 сек., бала «қатып» қалғандай сезім болды, ЖСЖ – минутына 100 соққы; ұстама болмағанда, эпизодтар арасында бала жағдайы қалыпты болды, ЖСС- минутына 140 соққы; Қандағы глюкоза - 3,0 ммоль/л, қандағы Са - 2,7 ммоль/л. Апноэ эпизодтарының себебі:

444.  14 күндік қыз балаға жалпы тәжірибе дәрігерінің патронажы. Анасы шағым айтпайды. Нәрестенің жағдайы қанағаттанарлық. Мүшелер бойынша өзгерістер жоқ. Перзентханадағы алдын ала егулері алынған. БЦЖ вакцинасынан кейінгі папула түріндегі реакцияны  инъекция орнында мына мерзімнен кейін анықтауға болады:

445.  Физиологиялық салмақ жоғалтудан кейін нәрестенің алғашқы салмағы қашан қалпына келеді?

446.  Сүт көлемін «көлемдік» әдіспен есептегенде, 3 айлық балаға қандай есеп көлемі дұрыс болады?

447.  Жасқа байланысты балалар үшін жиі тыныс шектері:

448.  БЖАИЖ стратегиясы бойынша баланың жағдайын, ауырлық жіктелуін, емі мен кеңес беруіндегі жастық категориялар:

449.  9 жасар бала, 6 жасында БЦЖ вакцинасымен ревакцинацияланған, тыртығы – 6 мм. Туберкулиндік сынамалардың мәліметтері: 7 жаста – 11 мм, 8 жаста – 8 мм, 9 жаста – 5 мм. Туберкулиндік сынаманың динамикасын бағалаңыз:

450.  16 жасар қыз бала дәрігердің қабылдауында ішінің ауырсынуына, төс артының күйдіріп ауыруына, қышқылмен, ауамен кекіруге шағымданады. Анамнезінде: ішінің ауырсынуы 3 жыл бойы мазалап келеді. Амбулаторлы тексерістен өтпеген, ем қабылдамаған. Соңғы жылы қыз баланы күйдіру сезімі, кекіру, түнде мезгілді жөтелдер мазалай бастады. Тұқымқуалаушылық анамнезінде: анасында – созылмалы гастрит, әкесінде – эрозивті дуоденит бар. Объективті: салмағы – 48 кг, бойы – 158 см. Жағдайы орташа ауырлықта. Белсенді. Қарауға адекватты қарайды. Тері жамылғысы таза, мраморлы сурет байқалады. Мүшелер бойынша ерекшеліксіз. Тілдің түбірінде тығыз емес ақ жабынды байқалады. Іші жұмсақ, эпигастрий аймағында аздап ауырсыну анықталады. Бауыры қабырға доғасының деңгейінде. Нәжісі мен несеп бөлінуі қалыпты. Ең ықтимал диагноз: 

451.  16 жасар қыз бала дәрігердің қабылдауында ішінің ауырсынуына, төс артының күйдіріп ауыруына, қышқылмен, ауамен кекіруге шағымданады. Анамнезінде: ішінің ауырсынуы 3 жыл бойы мазалап келеді. Амбулаторлы тексерістен өтпеген, ем қабылдамаған. Соңғы жылы қыз баланы күйдіру сезімі, кекіру, түнде мезгілді жөтелдер мазалай бастады. Тұқымқуалаушылық анамнезінде: анасында – созылмалы гастрит, әкесінде – эрозивті дуоденит бар. Объективті: салмағы – 48 кг, бойы – 158 см. Жағдайы орташа ауырлықта. Белсенді. Қарауға адекватты қарайды. Тері жамылғысы таза, мраморлы сурет байқалады. Мүшелер бойынша ерекшеліксіз. Тілдің түбірінде тығыз емес ақ жабынды байқалады. Іші жұмсақ, эпигастрий аймағында аздап ауырсыну анықталады. Бауыры қабырға доғасының деңгейінде. Нәжісі мен несеп бөлінуі қалыпты. Ең бірінші қандай медикаментозды терапияны қолдану орынды:

452.  15 күндік ер бала. Өмірінің 5-ші күнінен бастап жасанды тамақтандырылады. Әкесінде – тағатәрізді бүйрек, гипертония; анасында пиелонефрит бар. Нәрестені өмірінің 15-ші күні емшектен бас тартты, салмақ қосуы нашар, фебрильді температура, аздаған диарея. Нәжісі ботқа тәрізді, күніне 5-6 рет патологиялық қоспасыз. Бүйрек УДЗ-де оң жақта пиелоэктазия. Пневмония жоққа шығарылды. Сіздің ең ықтимал болжам диагнозыңыз:

453.  Ерте жастағы балаларда гипотрофия типті дистрофияның І дәрежесінде репарацияалды кезеңді (тағамға толеранттылықты анықтау кезеңінің ұзақтығын) көрсетіңіз:

454.  Бала Д., 1 жаста. Ауруы дене қызуының 38,9С дейін көтерілуімен жедел басталды, жөтел, айқын мұрын бітелуі, конъюнктивит белгілері пайда болды. Объективті: жұтқыншақтың артқы қабырғасында ірі түйіршіктелу, гиперемия. Сіздің алғашқы диагноз:

455.  1,5 айлық балаға шақыру жасалды. Анасының байқауынша, баланың өмірінің екінші аптасынан бастап фонтанды бірнеше қайта құсық болған, өт қоспасынсыз, құсық қышқыл иісті. Клиникалық қарау кезінде тері жамылғысы таза, бозғылт. Тері асты шел қабаты әлсіз жетілген. Өкпеде әлсіз везикулярлы тыныс, ТЖ минутына 30 рет. Жүрек тондары ырғақты, анық, ЖСЖ минутына 132 соққы. Іші жұмсақ, «құм сағат» пішінді, бауыр мен талақ ұлғаймаған. Нәжісі аз, зәр бөлінуі еркін. Осы баладағы құсықтың ең ықтимал себебін көрсетіңіз:

456.  Бала қабылдауда, дәрігер қарауынан кейін АБКДС вакцинациясын жүргізу жоспраланып отыр. Анасы вакцинациядан кейінгі реакциялар туралы сұрап отыр. АбКДС вакцинациясына болуы мүмкін жалпы реакцияны сипаттап беріңіз:

457.  Нәрестенің біріншілік патронажында қандай анамнездер қарастырылады?

458.  Жалпы тәжірибе дәрігерінің қабылдауында 12 жасар бала, гемоглобин көрсеткіші 85 г/л, ТК - 0,69, сарысулық темір 5,2 ммоль/л. Дәрігер темір препаратын тағайындады. Бұл препаратты қандай формада және тәуліктік дозада тағайындаған жөн?

459.  Анасы 7 жасар қызымен қабылдауға келді. Шағымы: баладағы оң қабырға астының мерзімді сыздап ауыруы. Ауырсынудың ұзақтығы 20-30 минут, тамақ ішкеннен кейін және физикалық жүктемеден соң пайда болады, өздігінен басылады, бұл жағдайды соңғы 7 ай бойы байқап келеді. Тұқымқуалаушылық: анасында – созылмалы холецистит, семіздік; нағашы әжесінде – өт тас ауруы. Баланың осы күнге дейін анамнезі ерекшеліксіз. Қарауда: жағдайы қанағаттанарлық. Тері жамылғысы таза. Тілі ақ жабындымен жабылған. Іші жұмсақ, ауырсынусыз. Бауыры қабырға доғасынан 1 см-ге шығыңқы, талағы ұлғаймаған.  Ортнер, Кери, Мерфи симптомдары – оң мәнді. Нәжісі қалыпты. Өт жолдарының УДЗ-і: өт қабы вертикальды орналасқан, сопақ формалы, қабырғасының қалыңдығы - 2 мм, сынамалы астан кейінгі өт қабының жиырылуы - 20%. Өт қабының денесінде бұралу анықталады. Ең ықтимал диагноз:

460.  Нәресте, 15 күндік ер бала. Үйге шақыру жасалған. Шағымы дене қызуының көтерілуі. Несебі лайланған. Зәр анализінде – лейкоциттер көп мөлшерде. Нәжісі ботқа тәрізді, күніне 5-6 рет, патологиялық қоспасыз. Ең ықтимал алғашқы диагноз қалай?

461.  Балаға 1 жас 3 ай. Тамақты нашар жейді, шикі қамырды ұнатады. Терісі мен кілегей қабаттары бозғылт. Ішкі мүшелер бойынша өзгерістер жоқ. Зерттеу жүргізгенде: Нв – 85 г/л, эрит- 3,7х1012/л. Қан анализінде одан да басқа тән өзгерісті таңдаңыз:

462.  3 айлық бала жалпы тәжірибе дәрігерінің қабылдауында. Дене салмағы – 5300г., бойы – 62 см. Мүшелер бойынша өзгерістер жоқ. Анасы баласындағы белсенді гуілдеудің жоқтығына шағымданады. Баладағы осы жәйтті түсіндіріңіз:

463.  жастағы балада  айқын токсикоз, аралас сипаттағы ентікпе, дене қызуының 38оС-қа көтерілуі байқалады. Перкуссияда оң жақ жауырын астында перкуторлы дыбыстың тынықталуы. Аускультацияда: әр жерден сырылдар,  оң жақ жауырын астында – тұрақты  ұсақ көпіршікті сырылдар естіледі. Алғашқы диагноз

464.  Қыз бала 13 жаста, соңғы 4 айда күніне 2 – 4 ретке дейін нәжісінің сұйықталуы, әсіресе таңғы мезгілде, эмоциональды қозғыштық кезінде дефекацияға императивті шақырулар болатынына шағымданады. Нәжісі көбіне кілегей аралас, түнгі мезгілді нәжіс болмайды. Қарау кезінде, қыз бала қалыпты дене бітімді, тері асты шел қабаты жақсы жетілген. Эксикоз, токсикоз белгілері байқалмайды. Іші жұмсақ, сигматәрізді ішегі спазмдалған. Алғашқы диагноз қойыңыз.

465.  Қыз бала, 12 жаста. Эпигастрий аймағындағы сыздап ауырсынуға, қыжылдауға, қышқылды кекіруге, іш қатуға шағымданады. 1 жылдай ауырады. Қарағанда бозғылт, мазасыз, қызыл  дермографизм, көп тершеңдік. Тілі түбіріне жақын ақшыл-сары жабындымен жабылған. Іші жұмсақ, эпигастрий аймағында аздап ауырсыну бар. Бауыры мен талақ ұлғаймаған. Болжам диагноз

466.  жас 6 айлық ер бала. 6 ай бұрын тәбетінің төмендеуімен бастаған. Тәулігіне 1,5 литрге дейін сиыр сүтін ішеді, ет жеуден бас тартады. Жақын арада респираторлы аурумен ауырып қалған. Қарау кезінде, баланың мазасыздығы, тері жамылғысы мен кілегей қабаттарының бозғылттығы, бұлшық еттерінің гипотониясы байқалады, шеткі лимфа түйіндері 0,5х0,5 см, жүрек ұшында интенсивті систолалық шу, бауыры +2 см. Ең ықтимал диагнозды дәлелдеу үшін қандай зерттеуді бірінші ретте өткізу керек?

467.  8 айлық балаға патронаж кезінде, сол жақ қолтық астында тығыз, көлемі ұлғайған, ауырсынусыз лимфа түйін анықталады. Пальпация кезінде флюктуация анықталады. Екпелері күнтізбе бойынша жасалған. Дәрігердің қорытындысы мен тактикасы:

468  5-жасар баланың денсаулық деңгейін анықтаңыз. Қарау барысында анасы шағымданбайды. Обьективті қарағанда: дене дамуы (ДД) және жүйке-іс әрекетінің дамуы (ЖІӘД) жасына сай; мүшелер бойынша патологиялық өзгерістер жоқ, физиологиялық бөліністер қалыпты

469.  Бала I жүктілік, уақытында босанудан, туылған кездегі салмағы 2900.0, ұзындығы - 49см. Әйелдің қан тобы А(II), Rh(+) , баланың қан тобы АВ (IV), Rh (-).  Апгар шкаласы бойынша бағалау 7-8 балл. Тері жамылғысының сарғаюы 3-ші тәулікте пайда болды. Емуі белсенді, құспайды. Билирубиннің тура емес фракциясы  - 90 мкмоль/л, трансаминазалар қалыпты. Ең ықтимал диагнозды таңдаңыз

470.  Профилактикалық қарауға келген 3 айлық баланың бетінде қышитын, қызыл бөртпелерге анасы шағымданады. Қараудан кейін дәрігер «Атопиялық дерматит, сәбилік формасы» диагнозын қойды. Белсенді иммунизация жоспары бойынша дәрігердің тактикасы:

471.  6-күндік  нәресте. Сүт бездерінің екі жақтан ісінуі байқалды,  басып қарағанда ақ - сүт тәрізді сұйықтық бөлінеді. ЖТД тактикасы

472.  5 жасар балаға ауруханадан тыс пневмония қойылды. Амбулаторлы ем тағайындалды. Дене қызуының 39˚С-қа көтерілгені байқалды. Терісін қолмен ұстағанда ыстықтық анықталады. Гемодинамика бұзылыс жоқ. Баланың дене салмағы 20 кг.  Бұл жағдайдағы сіздің тактикаңыз:

473  10 жасар қыз бала. Ішінің қатуына, 3-4 күнге дейін нәжісінің болмауына, іштің төменгі бөлігіндегі аздаған ауырсынуға, нәжісінің «қой құмалағындай» болуына, толық емес ішек босауы сезімінің жиі болуына шағымданады. Кейде іш қатулары іш өтулермен ауысып отырады (эмоциональды күймен байланыстырады). 6 ай бойы ауырады. Қарау кезінде: тері асты шел қабаты жақсы жетілген. Іші жұмсақ, ауырсынусыз. Лабораторлы және аспаптық зерттеулер ешқандай патология анықтамады. Баладағы диспепсиялық синдром себебін түсіндіріңіз:

474.  Балаға 1 жасында қызылша, қызамық және эпидпаротитке қарсы вакцинация (ККП) жүргізілген. Бір аптадан соң дене қызуының 37,2ºС көтерілуі байқалған, бетінде, денесінде көп емес қызылша тәрізді бөртпелер бір мезетте пайда болған. ЖТД қорытындысы мен тактикасы

475.  күндік нәресте. Дене салмағы 1000,0-мен  шала туылған. Перзентханадағы алдын ала егу жоспары бойынша дәрігер тактикасы

476.  6 жасар қыз бала, жасына сай дамыған. Схема бойынша егілген (ҚР ұлттық күнтізбегі бойынша). Алғаш рет 4 жасында Манту сынамасының нәтижесі - 8 мм папула.  «Туб вираж» диагнозы қойылған, соған байланысты 3 ай бойына химиопрофилактика жүргізілген. Осы кездегі алдын ала егу схемасы

477.  Нәрестенің 6-шы күні табиғи қыртыстар аймағындағы терінің қызаруы мен ұсақ эрозиялар байқалады. Баланың жалпы жағдайы қанағаттанарлық, дене қызуы қалыпты. Ең ықтимал диагноз

478.  13 жасар қыз бала, іштің ауырсынуы,  асқазанның толу сезімі, жүрек айну, ауамен кекіру, диетада кемшілік болса іштің өтуіне шағым жасайды. Уақытылы тамақтанбағаннан кейін 10 жасында эпигастрий аймағында ауырсыну, ауамен кекіру, кейін - іш өту мазалады. Болжам диагноз

479.  14 жасар қыз баланы 2 жыл бойы эпигастрий аймағындағы ауырсыну, интенсивті, сыздап ауыру мазалайды, тамақ ішкеннен кейін күшейеді. Тілі ақ жабындымен жабылған. Пальпация кезінде іштің ортаңғы сызығы бойынша, эпигастрий аймағында ауырсыну анықталады. ЖҚА: Нв – 110г/л, эр-2,8*1012/л, Л-7,5*109/л. ЭТЖ-7мм/сағ, ЭФГДС – асқазан қабырғасының қалыңдауы, қыртысытарының тегістелуі. Диагноз қойыңыз:

480.  16 жасар қыз бала. Жоғары қызбамен, интоксикациямен дәрігерге қаралды. Зәр анализінде өзгерістер байқалды: лайлы, белок 0,066%, лейкоциттер – толығымен, бактериурия. Қанда: лейкоцитоз, жоғары ЭТЖ. Ең ықтимал алғашқы диагноз?

481.  7 жасар балада жүрек шекарасы көлденең ұлғайған, жүрек тондары тынықталған. Жүрек ұшында жұмсақ систолалық шу, ретсіз экстарсистолия. Екі апта бұрын ауыр формалы ЖРВИ-ді басынан кешірген. Болжам диагноз

482.  10-жастағы бала ылғалды жөтел, дене қызуының жоғарылауына шағымданады. Өкпе аускультациясында қатқыл тыныс, жөтелген кезде мөлшері азаятын құрғақ және әр түрлі калибрлі ылғалды сырылдар естіледі. Рентгенограммада түбір маңы аймағында өкпе суретінің күшейгенін көруге болады. Жалпы қан анализінде: лейкоциттер- 12,0 х 109/л (т/я - 8%, с/я - 66%, л - 20%, м - 6%); ЭТЖ - 16 мм/сағ. Клиникалық диагноз

483.  Бала 2 жас 10 айда. Дене дамуы бойынша (ДД) – 1 дәрежедегі салмақ жетіспеушілігі, жүйке-іс әрекетінің дамуы (ЖІӘД) бойынша – III топ, 1- дәрежесі. Бір жыл ішінде жедел респираторлы аурулармен ауырмаған, Hb - 85г/л. Бала қай денсаулық тобында бақыланады?

484.  8-айлық баланы қарау кезінде тығыз, сол жақ қолтықасты аймағында ауырсынусыз лимфа түйіні анықталды; флюктуация байқалады. Күнтізбе бойынша вакцинацияланған. ЖТД тактикасы – консультация алу үшін баланы қандай маманға жіберу қажет?

485.  5-күндік бала біріншілік дәрігерлік патронажда қаралуда. Жалпы жағдайы қанағаттанарлық. Бұлшықеттер тонусы, тіндердің тургоры сақталған, физиологиялық рефлекстері шақырылады. Тері жамылғысы қалыпты түсті, маңдай, мұрын маңы, желке, қас аймағында қызғылт-көкшіл дақтар мен жолақтар көрінеді. Дақтар дұрыс емес  пішінді және әртүрлі көлемде. Саусақпен басқан кезде қызару жоғалады, бірақ кейін қайта пайда болады, жылаған кезде күшейеді. Болжам диагноз

486.  Бала 7 жаста, ылғалды жөтелге, температурасының жоғарылауы мазалайды. Өкпесінде қатқыл тыныс, жөтел кезінде азаятын құрғақ және әртүрлі калибрлі ылғалды сырылдар естіледі. Қандай диагноз туралы ойлауға болады?

487.  Бала 3 жаста, ауырғанына 5-ші күн. Ауру дене температурасының 38о С қа көтерілуінен басталған, жөтел, мұрын бітелуі, жарықтан қорқу мазалайды. 3күннен соң айқын катаралды белгілердің фонында дақты-папулезды, қоңыр-қызғылт түсті бөртпелер пайда болған, кей жерде тұтасқан: 1-ші күні-құлақ артында, бетте, мойында; 2-ші күні-кеудесінде, қолдарында; 3-ші күні-аяқтарында. Ата-анасының бас тартуына байланысты вакцинация алмаған. Ең ықтимал диагноз?

488.  10 жасар ер бала тамақ ішкеннен кейінгі ішіндегі ауырлыққа, шіріген иісті кекірікке, кейде құсыққа, тәбетінің төмендеуіне, нәжісінің сұйылуына шағымданады. Қарау кезінде – тілінде ақ жабынды, эпигастрий аймағында ауырсыну анықталады. Баладағы жетекші клиникалық белгіні анықтаңыз:

489.  Қыз бала 7 жаста. Мектепте оқиды. Соңғы 6 ай бойы бас ауруы, әлсіздік, тамақ қабылдаумен байланысы жоқ эпигастрий аймағындағы ауырсынуға шағымданады. Бірінші кезекте қандай диагностикалық зерттеу жүргізген жөн?

490.  Бала 10 айлық. Аралас тамақтандырылады. Обьективті: өздігімен отырмайды, маңдай және төбеде төмпешіктері анықталады, қабырғалық «таспиықтар» пальпацияланады, Гаррисон жүлгесі байқалады. Бұлшық ет тонусы төмендеген. Бауыр қабырға доғасынан 2 см шығыңқы. Басқа мүшелер бойынша өзгеріс жоқ. Ықтимал диагноз және дәрігер тактикасы: 

491.  Бала 1 айлық, дәрігер қабылдауында. Дені сау. Перзентханада БЦЖ алмаған. БЦЖ-ға қатысты жалпы тәжірибелік дәрігердің тактикасы

492.  Бала 4 айлық, тамақтану түрі аралас. Қарау кезінде шап аймағында, мойынында, қолтық шұңқырында қызару байқалады. Бетінде гиперемия, ісіну, жарылу, «сүт» қабыршақты, бала мазасыз, ұйқысы нашар. Алғашқы диагноз және дәрігер тактикасы:

493.  7-жасар қыз бала жұтынғанда тамағындағы ауырсынуға, дене қызуының 39,2°С-қа көтерілуіне шағымданады. Жедел ауырды. Қарау кезінде жағдайы орташа ауырлықта. Тері жамылғысы таза, ыстық. Араны айқын қызарған, бадамша бездерінде іріңді жабынды анықталады. Өкпеде везикулярлы тыныс анықталады, ТЖ минутына 28 рет. Жүрек тондары ырғақты, ЖСЖ минутына 112 соққы. Іші жұмсақ, ауырсынусыз. Балаға адекватты ем тағайындаңыз:

494.  10-айлық балада жоғары температура,  интоксикация,  тісі шығуда. Қанда - лейкоцитоз, ЭТЖ жоғары. Зәрде – лейкоцитурия, бактериурия. «Жедел пиелонефрит» диагнозы қойылған. Амбулаторлық-емханалық кезеңде тағайындалатын препарат

495.  8-жасар бала. Соңғы  3 жылда – түнде тыныс шығарудың қиындауымен тұншығу ұстамасы, сальбутамол ингаляциясымен басылатын. Обьективті қарағанда: жалпы жағдайы орташа ауырлықта, ТАЖ - минутына 32 рет. Өкпеде қатқыл тыныс, тыныс шығаруы ұзарған, ысқырықты құрғақ сырыл естіледі. Емдеу схемасына қосылатын препараттардың тобын көрсетіңіз

496.  Дене қызуына байланыссыз орташа және ауыр дәрежелі жедел жұқпалы және жұқпалы емес аурулардан кейін қанша уақыттан соң вакцинация жасауға рұқсат етіледі?

497.  2-жасар ер баланың анасы баланың жағдайының нашарлауына, әлсізденуіне, тамақтан бас тартуына, дене қызуының 38,8оС-қа көтерілуіне, ылғалды жөтеліне шағымданады. Анамнезінен баланың 7 күн бұрын мұрын бітелуі және мұрнынан бөліністің бөлінуі, сирек жөтелден басталғаны белгілі болды. Бөлімшелік дәрігермен ЖРВИ диагнозы қойылып, симптоматикалық ем тағайындалған. Жағдайы жақсарған. Бірақ, ауруының 6-шы күні дене қызуы 38,8оС-қа көтеріліп, әлсіздік, тамақтан бас тартуы, мазасыз ұйқы болған, жөтелі күшейген. Қарау кезінде, бозғылттық, жылау кезінде анықталатын периоральды цианоз, мұрын қанаттарының желбіреуі, минутына 50 ретке дейінгі ентігу, қосымша бұлшық еттер қатысуы байқалды. Перкуторлы: өкпеде перкуторлы корап дыбысы, оң жақта жауырын аралық аймақта – тынықталған дыбыс, сол аймақта аускультативті ұсақ көпіршікті сырылдар мен тыныс алу шыңында крепитация естіледі. Қалған өкпе аймақтарында қатқыл тыныс. ЖСЖ минутына – 140 соққы. Болжам диагноз бен дәрігер тактикасы: 

498.  ҚР Ұлттық күнтізбесі бойынша пневмококкты инфекцияның арнамалы алдын алудың бастамасы мына айлығынан басталады

499.  БЦЖ вакцинасы қатаң түрде жасалады:

500.  Ерте жастағы балаларда темір жетіспеушілік анемияның емі үшін темір преапараттарының тәуліктік дозасын көрсетіңіз (мг/кг):