Kumpulan carita pondok dina basa Sunda mimiti medal dina taun

Kumpulan Carita pondok dina bahasa Sunda nu munggaran nya éta ...

Unsur intrinsik dina carita pondok nyaéta...

Nu dimaksud palaku dina carita pondok téh mangrupakeun...

Pék baca ieu carita sempalan di handap pikeun ngajawab soal no 6 - 8!

Pancén matuh balik sakola ngangon téh. Lamun elat sok sering teu kaburu dahar-dahar acan da saeusi kandang tingbérélé. Ukur disalin, garudas-garidus nimbel tuluy ngencarkeun. Ngadon papaharé di pangangonan.

Ayeuna gé teu dahar heula. Jeung babaturan mupakat rék ngaliwet. Béas sagelas kurang, kastrol, jeung bawang beureum opat sihung dihijikeun tuluy dijingjing.

Nempo kuring turun tina golodog, Si Danten teu sirikna surak mun jelema mah. Panto kandang digadilan. Dua anakna anu keur meujeuhna kumincir ajrét-ajrétan. Embé téh kabéhanana lima. Si Danten kaasup turunan deres, mun anakan teu weléh dua-dua baé. Keur anakan dara kétang ngan hiji, bubuhan kakara diajar. (Agus Sugianto, carita sunda.com)

6. Tina sempalan carita di luhur puseur sawangan nu dipaké ku pangarang nya éta …

Pangarang éta carita nya éta ...

Nu jadi palaku utama tina éta carita

Nu dimaksud amanat dina carita pondok nya éta ...

Unsur - unsur intrinsik carita pondok nya éta ...

Ide/pikiran utama tina carita pondok disebut ...

Galur nu dimimitian ku nyaritakeun heula kajadian baheula disebut ...

Pek baca ieu sempalan carita di handap  pikeun ngajawab soal no 13 -15!

Uing lumpat asa jingjet. Pas ditempo horéng full sapatu katuhu aya nu coplok sadua-dua. Mangkaning uing jeung Si Tarman posisina bék. Atuh basa musuh nyodorkeun bola balap téh teu kaudag. Penyerang Ciruluk langsung pahareup-hareup jeung kiper, digilekkeun saeutik gé gul!

Gul kadua gé teu béda. Bola dibalapkeun ka sayap. Si Tarman ngudag tipepereket. Pamaén lawan kaburu ngirim umpan silang. Uing nu kuduna luncat ngahalangan striker kalah ngagaléong. Gul!

"Ulah overlapping teuing! Gancang turun!" Kang Anang ngagorowok ka Si Tarman.

"Ari overlapping téh naon?" cénah ngaharéwos hah-héh hoh. Uing gideug bari jumarigjeug.

Si Sad nyampeurkeun. "Cilaka, euy! Urang nincak lombang nu aya caian," cénah.

Uing mencrong teu ngarti.

"Koran ganjel leyur kabaseuhan." Si Sadi ngaléos, leumpangna satengah diséréd. Sapatuna kokoplokan.

Kasabelasan uing meunang tendangan bébas. Aya saméter mah luareun kotak pinalti. Bagéan Si Sadi ieu mah. Manéhna nu bisa sépakan melengkung. Si Sadi rét deui rét deui ka uing. Siga nu ragu-ragu.

Galur nu dipaké dina carita di luhur nya éta ...

Nu jadi téma tina sempalan carita nya éta ...

Palaku dina éta carita nya éta

Runtuyan kajadian dina carita pondok disebut ...

Kecap nu nuduhkeun kalakuan/ pagawean disebut

Nu kaasup kalimah pagawean pasif nya eta ...

Kecap nu make rarangken ti- nu hartina teu dihaja nya eta

Ayeuna mah presiden teh dipilih langsung ku rahayat. kecap dipilih asal kecapna nya eta ...