8 адам бір-бірімен қол алысты. Неше қол алысу болды?

Концертке 20 әнші қатысты. Олардың әрқайсысы бір-бірімен дует айтуы тиіс. Концертте неше ән шырқалады?

Бокстан 6 спортшы жаттығуға қатысты. Олардың әрқайсысы рингте бір-бірімен спарринг жасауы тиіс. Рингте неше спарринг өткізіледі?

Шахмат турниріне n оқушы қатысты. Әрқайсысы бір-бірімен бір партиядан ойнады. Егер, турнирде 78 партия өткізілген болса, турнирге неше ойыншы қатысқанын табыңыз. n = ?

Алдар көсе ауылдағы ақсақалдар жиналысына көп қатысады. Бір күні Алдар көсе ақсақалдар жиналысына барып, барлық ақсақалдардың бір-бірімен қол алысып амандасқанын көрді. Алдар көсе 105 қол алысу санады. Жиналыста неше ақсақал болған?

Футбол жарысына 12 команда қатысқан. Әр команда қалғандарымен екі рет ойнауы керек: өз алаңында және қарсыласының алаңында. Турнирде неше матч жүргізілгенін табыңыз.

"Шапалақ SHOW" ойыны болды. Ойынға 10 спортшы қатысты. Олар әрқайсысы бір-біріне 1 шапалақтан берді. Барлығы неше шапалақ болды?

Бір сынып оқушылары бір біріне кітаптар сыйлады. Егер 600 кітап алмастырылған болса, сыныпта қанша оқушы бар?

Мектептегі мұғалімдер мереке қарсаңында бір-біріне гүл шоқтарын сыйлады. Егер 1560 гүл шоқтары сыйланған болса, мектептегі мұғалімдер саны қанша?