O'qituvchi faoliyatida kompyuter texnologiyalaridan foydalanish

Front

O'qituvchi har darsdan keyin barcha topshiriq fayllarini elektron pochta orqali yig'adi. Bu juda ko'p vaqt talab qilmoqda, ayrim fayllar chalkashadi. Siz qanday tizimli yechim taklif qilasiz

Back

Google Classroom yoki LMS tizimlari orqali har bir talaba o'z ismini avtomatik belgilangan faylga yuklashi, ball va sharh bir tizimda bo'lishi mumkin. Bu esa avtomatizatsiyalashgan, aniq va tahlil qilishga yaroqli jarayondir.

Front

O‘qituvchi AKT asosida topshiriq beradi, lekin natijalarni umumlashtirmaydi, tahlil qilmaydi. Talabalar o‘z bilimlarini baholash imkoniga ega emas.

Savol: Bu holatda qanday texnologik vosita yoki yondashuvlar orqali talabalarga teskari aloqa taqdim etish mumkin?

Back

• 1. Google Forms + avtomatik sharhlar

• 2. Moodle, Edmodo kabi LMS’larda javoblar asosida tahlil

• 3. Feedback ilovalari: Mentimeter, Padlet

Front

Agar sizda faqat 5 ta kompyuter bo‘lsa va guruhda 20 ta talaba bo‘lsa, barcha talabalarning texnologiyaga teng kirishini qanday ta’minlaysiz?

Back

Talabalarni guruhlarga bo‘lib, navbat bilan ishlashni tashkil etish va guruhlararo topshiriq almashuvi orqali hamkorlikda o‘rganishni ta’minlash.

Front

Bir o‘qituvchi kompyuter yordamida sinfda taqdimot ko‘rsatmoqchi. Ammo har darsda texnik muammolar (fleshka o‘qilmaydi, kompyuter sekin ishlaydi) bo‘lib turadi. Dars jarayoni chalg‘iydi.

Savol: Ushbu muammolarning yechimi sifatida qanday AKT strategiyalarini taklif qilgan bo‘lardingiz?

Back

• 1. Bulutli texnologiyalardan foydalanish (Google Drive, OneDrive)

• 2. Oldindan texnik tayyorgarlik ko‘rish

• 3. Alternativ qurilmalar (planshet, telefon) orqali ko‘rsatish

• 4. Foydalanilayotgan texnik vositalarni modernizatsiya qilish

Front

O‘qituvchi test yaratishda faqat kompyuter fanidan nazariy savollarni kiritgan. Talabalar yaxshi baho olishgan, ammo amaliyotda ko‘plab xatoliklar qilyapti. Sizningcha, asosiy xatolik nimada?

Back

Kompyuter texnologiyalaridan faqat nazariy foydalanilgan, real interaktiv mashqlar, amaliy topshiriqlar va muammoli vaziyatlar berilmagan.

Front

Bir o‘qituvchi har darsda kompyuter texnologiyalaridan foydalanadi. U darsda faqat PowerPoint taqdimoti o‘qiydi va o‘quvchilarga hech qanday savol bermaydi, interaktiv faoliyatga jalb qilmaydi.

Savol: Siz pedagogik texnologiyalardan samarali foydalanish nuqtai nazaridan bu holatni qanday tahlil qilasiz? Qaysi pedagogik yondashuv yetishmayapti?

Back

Bu yerda faqat vizual vosita ishlatilmoqda, ammo interaktiv va konstruktiv yondashuv yo‘q. Talabalarning faol ishtirokini ta'minlaydigan AKT imkoniyatlar yetarli darajada ishlatilmagan.

Front

Talabalar onlayn darsga tez-tez kechikmoqda. O‘qituvchi esa buni texnologik vosita orqali kuzatmayapti va darsni davom ettiraveradi. O‘qituvchi texnologiyadan qanday noto‘g‘ri foydalanmoqda?

Back

Dars monitoringi yo‘q. Platforma (Zoom, Google Meet) ichidagi qatnashuv statistikasi, login va vaqt bo‘yicha qatnashuv loglari tahlil qilinmayapti. Bu esa mas’uliyatni pasaytiradi.

Front

Nima uchun faqat PowerPoint orqali ma’ruza o‘qish talabalar faoliyatini sustlashtiradi?

Back

Chunki bu bir yoqlama axborot uzatish bo‘lib, o‘quvchilarni interaktiv fikrlash va muhokama jarayonidan chetda qoldiradi.

Front

Quyidagi holatda muammo nimada: o‘qituvchi texnologiya qo‘llaydi, lekin o‘quvchilar natijalarini tahlil qilmaydi?

Back

O‘quvchilar faoliyati nazorat qilinmaydi, bilim darajasi baholanmaydi, teskari aloqa yo‘qligi sababli o‘rganish jarayoni samarasiz bo‘ladi.

Front

Kompyuter sinfida o‘qituvchi 20 daqiqa davomida Word dasturida yozish mashqini topshirdi. Talabalar matn terish o‘rniga internetda video ko‘rmoqda. O‘qituvchi ularni ko‘rmayapti. Siz o‘qituvchi o‘rnida bo‘lsangiz, qanday texnologik yechim bilan bu holatni oldini olgan bo‘lardingiz?

Back

Monitoring dasturlari (masalan, NetSupport School) yordamida talabalarning ekranlarini kuzatish, topshiriqlarni Google Docs orqali real vaqt tahriri shaklida berish, avtomatik bloklovchi rejimlar o‘rnatish.