Week 6 ESP 6

Week 6 ESP 6

Paggamit ng Mapanuring pag-iisip

Ang araling ito ay tumalalakay Pasiya Mo, Pasiya Ko Para sa Kabutihan ng mga Tao. Masdan kung paano ito naipakikita tulad ng nasa larawang mula sa Save the Children. 

1. Naipapamamalas mo ang mabuting pagpasiya hindi lamang para sa sarili kundi pati sa kapwa at pamilya

2. Nakalilinang ng mapanuring pag-iisip  

3. May sapat na kaalaman sa paglutas ng suliranin at pagtitimbangtimbang ng mga maaring gawin.  

4. Natututong pumili nang pinakamabuti para sa nakararami.

Desisyon Ko, Para sa Kabutihan Ko at Pamilya Ko 

Buwan ng Marso, Tatlong araw bago ideklara ni Pangulong Duterte ang Community Quarantine para sa Metro Manila. Si Mang Rodel ay isang manggagawa sa nasabing lugar. Puno ng takot at alinlangan ang kanyang isipan. Hindi malaman kung uuwi sa probinsya kung saan nandoon ang pamilya o mananatili sa siyudad na walang kasiguraduhan. Nagpaalam siya sa kanyang amo na uuwi muna sa pamilya at babalik nalang kapag wala na ang pandemic subalit hindi siya pinayagan nito. 

“Kapag umuwi ka, wala ka ng trabahong babalikan.” sagot nito. Sa kabilang dako, puno ng pag-aalala ang kanyang pamilya. “Anong kakainin mo diyan kung wala na kayong trabaho at ipasara ang inyong kompanya?” tanong ni Jona sa asawa. “Umuwi ka na muna dito para sa kaligtasan mo, tulong-tulong na lang tayo na haharap sa problema.” dagdag nito. 

Pinag-isipang mabuti ni Mang Rodel ang mga bagay bagay. Inisip ang mga maaring mangyari sa trabaho, sarili at pamilya. Marso 14 ng gabi, pagkagaling mula sa trabaho, dala ang kanyang mga gamit ay sumakay siya ng bus pauwi ng probinsya. 

Sinalubong siya ng ngiti at yakap ng pamilya. “Yehey! andito na si tatay.” masayang-masayang nasabi ni Erika, ang anak ni Mang Rodel.

Tuwa ang nadama ni Mang Rodel. Sa isip niya marami pa namang trabaho na mapapasukan pagkatapos ng COVID 19. Ang kaligtasan niya at ng kanyang pamilya ang mahalaga. Sa ngayon, mamumuhay sila ng simple, basta sama-sama at malusog ang bawat isa.

Sagutin ang mga tanong.

• 1.  Sino ang tauhan sa kuwento?

  2.  Bakit gustong umuwi ni Mang Rodel?

  3.  Naging madali ba para kay Mang Rodel ang magdesisyon? Bakit?

  4.  Ano ang dahilan bakit pinili niya na umuwi?

  5.  Kung ikaw si Mang Rodel, ano ang magiging desisyon mo? Bakit? 

Fill in the Blanks

Lagyan ng tsek (/) kung tama ang isinasaad ng bawat pangungusap at nagpapahayag ng matalinong pagpapasiya at ekis (X) kung mali.

1. Nakikiayon sa pasiya ng nakararami para sa ikaaayos ng

suliranin.

Fill in the Blanks

2. Nagagalit kapag hindi pumapanig sa gusto niyang mangyari ang

kanyang kagrupo.

Fill in the Blanks

3. Iniisip ang mga sasabihin bago magsalita upang hindi makasakit ng damdamin.

Fill in the Blanks

4. Mahinahong makisama sa mga kasama sa grupo.

Fill in the Blanks

5. Inuunawa ang opinyon ng iba.

Fill in the Blanks

6.Mahalagang sumangguni muna at alamin ang opinyon sa iba bago magdesisyon.

Fill in the Blanks

7.Pinag-iisipang mabuti muna ang mga plano bago isagawa.

Fill in the Blanks

8. Agad-agad nagpapasiya upang masolusyonan ang problema.

Fill in the Blanks

9.Dahil siya ang leader gusto laging desisyon niya ang nasusunod

dahil matalino siya.

Fill in the Blanks

10.Marunong umunawa sa sitwasyon at nagdedesisyon ng may

paninindigan para sa kapwa.

Basahin ang sitwasyon at magpasiya kung ano ang nararapat gawin. Isulat sa papel. (5 puntos)

 

Nakita mo sa facebook ang isang matanda sa tabi na kalye na payat na payat at gutom na, siya ang isa sa mga naaapektuhan ng lockdown dahil sa COVID 19, malapit lang ang bahay ninyo sa tinutukoy na  kinalalagyan ng matanda. Hindi ka maaring lumabas dahil wala kang quarantine pass, may kaya kayo sa buhay at marami kayong supply ng pagkain. Ano ang iyong gagawin?