Bahasa Jawa Kelas VIII

Bahasa Jawa Kelas VIII

IKLAN

IKLAN

Iklan utawa pariwara yaiku tulisan (bisa dikantheni gambar utawa swara) kang nawakake barang, jasa utawa ajak-ajak. Nawakake tegese ngandhakake barang kang arep didol, kaluwihane apa, lan panganggone (cara nggunakake) kepriye. Dene ajak-ajak karepe ngajak supaya wong sing maca utawa krungu gelem nganggo kanthi cara tuku barang kang

ditawakake.

IKLAN

Iklan sing apik kudu bisa narik kawigatene calon pelanggan kanthi maca/krungu, mulane basane kudu pas utawa trep. Pilihan tembung lan ukarane kudu pas miturut pelanggan utawa pangsa pasar kang diincer. Upamane sing diincer kalangan nom-noman, basane kudu nganggo basa gaul kang kulina digunakake nom-noman. Menawa kang diarah iku kalangan masyarakat umum, ya nganggo basa kang umum. Ukara iklan kudu ringkes,cetha, cekak aos, lan narik kawigaten. Basane narik kawigaten tetembungane bisa cumenthel ing pikirane kang maca supaya ora gampang lali banjur yen sawayah-wayah butuh barang kaya kang ditawakake enggal kelingan banjur tuku barang mau.

Ngidhentifikasi Jinis Teks Iklan / Reklame

Ing jaman saiki, iklan bisa kapacak ing ariwati, kalawarti, ana maneh sing lumantar radhio, TV, lan internet. Iklan uga lumrah kaandharake liwat medhia cithak lan medhia elektronik. Medhia cithak bisa wujud selebaran, pamflet, baliho, ariwarti, lan kalawarti. Dene medhia elektronik yaiku televisi, radhio, lan internet. Ariwarti yaiku layang kabar kang metune/terbite saben dina, dene kalawarti yaiku layang kabar kang metune/terbite kala mangsa, bisa seminggu pisan, setengah sasi pisan, utawa sesasi pisan.

Tuladha iklan/ reklame iki wacanen lan tintingana!

Miturut ancas utawa tujuane, iklan dibedakake dadi:

1. Iklan Komersial

Iklan komersial mengku tujuan kanggo nawakake sawijine prodhuk barang lan jasa. Lire ndayani masyarakat minangka pangsa pasar supaya ketarik, rumangsa butuh, lan wusanane gelem tuku utawa nggunakake barang lan jasa sing ditawakake.

Tuladhane: iklan kang isine nawakake panganan, obat, klambi, lan

sapanunggalane.

Miturut ancas utawa tujuane, iklan dibedakake dadi:

2. Iklan Layanan Masyarakat

Iklan layanan masyarakat minangka perangan saka kampanye sosial kang tujuane adol gagasan kanggo kepentingan sosial lan pelayanan tumrap masyarakat. Biasane arupa ajakan, pranyatan, utawa himbauan marang masyarakat kanggo nindakake utawa nyegah sawijining pakarti kanggo kepentingan umum.

Tuladha iklan layanan masyarakat, umpamane: ajakan supaya ora mbuwang larahan sembarangan, milah larahan miturut jinie, nyegah perkawinan dini, milih kontestan tartamtu samangsa dianakake pemilihan, lan sapanunggalane.

Miturut fungsine iklan dibedakake dadi 3 golongan, yaiku:

1. Iklan Informatif

Iklan informatif nduweni ciri-ciri kaya ing ngisor iki :

a. Duwe pamrih kanggo nyiptakake kesadharan, menehi informasi, lan ngenalake prodhuk anyar utawa njelasake keunggulan prodhuk sing wis ana.

b. Menehi informasi manawa dumadi owah-owahan rega, kemasan utawa owah-owahan liyane tumrap prodhuk sing wis ana.

c. Njelasake tata rakit sawijine prodhuk barang utawa jasa.

d. Ngurangi rasa was sumelang tumrap konsumen samangsa dumadi perubahan tumrap prodhuk tinamtu. Mesthine kabeh mau kanthi tujuan supaya konsumen ora banjur pindhah marang prodhuk liyane.

Miturut fungsine iklan dibedakake dadi 3 golongan, yaiku:

2. Iklan Persuasif

Iklan persuasif nduweni ciri kaya ing ngisor iki:

a. Tujuane kanggo narik kawigaten lan ndayani konsumen supaya ketarik marang prodhuk sing diiklanake.

b. Ngowahi persepsi konsumen, saengga sing maune ora kenal malih

kenal, sing maune ora ketarik malih ketarik, sing maune anti pati

malih dadi ketagihan marang prodhuk sing diiklanake.

c. Ndayani marang konsumen sing pancen wis ketarik enggal tuku barang sing diiklanake.

Miturut fungsine iklan dibedakake dadi 3 golongan, yaiku:

3. Iklan Reminder

Iklan reminder nduweni ciri-ciri:

a. Tujuane kanggo nggiring konsumen supaya enggal tuku prodhuk

sing diiklanake.

b. Ngelingake konsumen manawa sawijine wektu bakal mbutuhake

banget marang prodhuk sing diiklanake.

c. Ngelingake konsumen ing ngendi bisa tuku/golek barang sing dibutuhake.

d. Ngrangkul konsumen supaya tansah setya dadi konsumen prodhuk

sing diiklanake.

Miturut medhia kang digunakake kanggo masang iklan, dibedakake dadi loro (2), yaiku Iklan above the line lan Iklan below the line

1. Iklan above the line yaiku iklan kang migunakake medhia massa.

Maksude khalayak sasaran kang diancas jumlahe gedhe kanthi isi lan

pesan kang kanggo wong akeh (serempak). Medhia kang kalebu

kategori iki yaiku surat kabar, majalah, tabloid, televisi, film, radhio,

dan internet.

2. Iklan below the line iku iklan kang migunakake medhia khusus. Kang

kalebu iklan jinis iki yaiku: leaflet, poster, spandhuk, baliho, bus

panel, bus stop, point of purchase (POP), sticker, shop sign, flayers,

display, lan sapanunggalane.

Nintingi Struktur Teks Iklan / Reklame

Sawise njingglengi gambar iklan ing dhuwur, diajab kowe kabeh bisa

mangerteni perangan teks kang awujud: headline, subheadline, amplifikasi, tagline lan productshot.

• Headline, yaiku perangan iklan kang pancen sengaja ditonjolake. Pamrihe supaya iklan narik kawigaten para pamiarsa minangka punjer utawa intine iklan. Ora kudu manggon ana ing awal tulisan, nanging sing baku dadi titik awal utawa kang sepisanan dikenali dening pamiarsane

• Subheadline, yaiku perangan iklan kang nerangake pokok-pokok iklan sing dianggep wigati. Lumrahe nerangake ngenani keunggulan prodhuk barang utawa jasa sing diiklanake.

• Amplifikasi, yaiku naskah utawa teks iklan kang ngiringi headline. Kerep diarani bodicopy utawa bodi teks. Perangan iki mengku karep menehi katrangan luwih rinci.

• Tagline, yaiku slogan utawa basa rinengga kang wujud ukara cekak aos kang nuduhake spirit, kualitas, lan keunggulan prodhuk.

• Productshot, yaiku gambar utawa brand sing ditawakake.

• 
  

Iklan sing apik kudu bisa ditampa masyarakat lan salaras karo kearifan lokal. Supaya ditampa masyarakat, mula kudu netepi limang prakara, yaiku: attention (perhatian), interest (menarik), desire (keinginan), conviction (rasa percaya), lan action (tindakan).

• Atention

  (perhatian), tegese iklan sing apik kudu bisa narik kawigatene masyarakat. Mula saka iku, iklan mbutuhake dhesain mirunggan, wiwit ukuran, rupa/warna, panggonan, jinis tulisan, lan swaraswara tartamtu jumbuh karo medhia sing digunakake.

• Interest

  (menarik), lire iklan kudu bisa agawe kesengsem tumrap konsumen kang tundhone kepengin nduweni. Kanggo iku iklan kudu bisa ngundhakake rasa kesengseme konsumen mau dadi rasa pengin ngerteni kanthi permati lan enggal tuku barang utawa jasa sing diiklanake.

Iklan sing apik kudu bisa ditampa masyarakat lan salaras karo kearifan lokal. Supaya ditampa masyarakat, mula kudu netepi limang prakara, yaiku: attention (perhatian), interest (menarik), desire (keinginan), conviction (rasa percaya), lan action (tindakan).

• Desire

  (keinginan) lire kanthi maca iklan kasebut bisa nuwuhake

  pepinginan konsumen enggal nduweni.

• Conviction

  (rasa percaya) yaiku nuwuhake rasa percaya diri (sembada) marang konsumen sawise migunakake barang utawa jasa kang

  diiklanake.

• Action

  (tindakan) tegese nuntun konsumen enggal-enggal nduweni/migunakake barang lan jasa sing diiklanake.

LATIHAN

Soal iki garapen kanthi cepet cepetan

Multiple Choice

krama inggile 4

• sekawan

• papat

• empat

• kapat

• kaping papat

Multiple Select

krama inggile 1

• satu

• siji

• setunggal

• setunggil

• sepisan

Multiple Choice

krama inggile 2

• kaping pindho

• loro

• dua

• kalih

• kaping kalih

Multiple Choice

kang disebut sandhangan cakra yaiku ....

Multiple Choice

Pasangan aksara Jawa ba yaiku ....

Multiple Choice

Pasangan aksara Jawa la yaiku ....

Multiple Choice

Pasangan aksara da yaiku ....

Multiple Choice

Pasangan aksara na yaiku ....

Multiple Choice

Tembung kasebut nggunakake sandhangan

• Wulu

• Taling

• Suku

• Pepet

Multiple Choice

Ature Sita ing ngisor iki endi kang trep?

• Bu, wulan Desember tahun menika sekolahan nganake piknik, kula ndherek oleh

  ora?

• Bu,aku melu piknik menyang Malang oleh apa ora?

• Bu, wulan Desember tahun menika sekolahan badhe ngawontenaken piknik

  dhateng Bali, menapa kula kepareng ndherek?

• Bu, wulan Desember tahun iki sekolahan arep nganake piknik, apa aku oleh

  melu piknik?

Multiple Choice

Pratelan ngisor iki kang ora migunakake basa ngoko alus yaiku…

• Priyayi kakung marang garwane.

• Srawunge wong dewasa kang wis kulina.

• Bocah cilik karo bocah cilik sing wis akrab.

• Wong tuwa marang wong enom kang luwih dhuwur pangkate.

Multiple Choice

Bu, menawi kepareng kula badhe ……pirsa!

• mundhut

• nyuwun

• tanglet

• njaluk

Multiple Choice

Pratelan ing ngisor iki kang ora trep dilakoni nalika mertamu yaiku…

• ngaturake salam utawa kula nuwun

• ngomong sakepenake nganti saktutuge

• ndhodhok lawang paling akeh kaping telu

• mlebu menawa wis dimanggakake

Multiple Choice

Nalika matur ing rapat Rt, kepriye anggonmu njaluk kawigaten?

• Kepareng nyela pangandikan dhateng para bapak-bapak sedaya.

• Kula suwun bapak-bapak mendel rumiyin, kula badhe matur!

• Kepareng nyela atur dhumateng bapak -bapak ingkang nembe wawan

  pangandikan.

• Kula suwun panjenengan sedaya mirengaken atur kula menika.

Multiple Choice

Kepriye aturmu nalika nyuwun idin arep nginep ing daleme simbah?

• Bu, menapa pikantuk menawi ngenjang kula nyipeng wonten dalemipun simbah.

• Bu, menapa kepareng menawi ngenjang kula nyipeng wonten dalemipun

  simbah?

• Bu, menapa kepareng menawi ngenjang kula nyipeng wonten griyanipun

  simbah?

• Bu, menapa angsal menawi ngenjang kula nyipeng wonten dalemipun simbah?

Multiple Choice

Bu, kula ……sekolah, menawi ibu ………. kantor pukul pinten?

• mangkat, mlampah

• mlampah, tindak

• tindak, mlampah

• tindak, tindak

Multiple Choice

Nalika sliramu matur bapak lan ibu becike nganggo ragam basa apa?

• basa ngoko lugu

• basa krama lugu

• basa ngoko alus

• basa krama alus

Multiple Choice

Gambar kang ana sisih kiwa iki klebu jinise .........

• iklan

• pawarta

• gambar carita

• slogan

Multiple Choice

Gatekna ukara-ukara ing ngisor iki!

1. Olehe nulis ora kena nyimpang saka dhata sing ditulis utawa direkam nalika wawancara

2. Teks wawancara ditulis sawise nindakake wawancara

3. Dhata ditulis kanthi runtut lan ganep manut asil wawancara

4. Carane nulis sing takon minangka paraga pewawancara, sing mangsuli dadi paraga narasumber

Urutane kanggo nyusun laporan asil wawancara yaiku....

• 1, 3, 2, 4

• 1, 2, 4, 3

• 2, 3, 1, 4

• 2, 4, 1, 3

Multiple Choice

Sakwise nindakake wawancara kudu ana laporan asil wawancara. Carane nglaporake asil wawancara kuwi ana loro, yaiku....

• Dilaporake gawe lisan lan ditulis

• Ditulis kanthi nggunakake ukara cerita lan ukara pitakon

• Ditulis kanthi wujud teks dhialog lan ditulis kanthi model narasi.

• Ditulis kanthi wujud dhialog lan dilaporake nggunakake lisan

Multiple Choice

Yen arep nindakake wawancara, sing kudu disiyagakake paling ndisik yaiku....

• Nemtokake narasumber

• Nemtokake topik wawancara

• Ndapuk sawetara/daftar pitakonan

• Nemtokake dina lan papan kanggo wawancara

Multiple Choice

Nyusun daftar pitakonan kudu migatakake udha-usuke basa. Udha usuke basa sing dienggo gumantung saka narasumbere sing arep diwawancarai lan isine pitakonan dicundhukake marang....

• Wawancarane

• Narasumbere

• Pitakonane

• Temane

Multiple Choice

Sedurunge nindakake wawancara luwih ndisik kudu nyiapake daftar pitakonan minangka pedoman nalika nindakake wawancara. Pedoman wawancara ditulis lelandesan 5W+1H, yaiku....

• Apa, sapa, kapan, neng, endi, sing endi, lan kepriye

• Apa, sapa, kapan, geneya, neng endi, lan kepriye

• Apa, sapa, kapan, geneya, seng endi, lan kepriye

• Apa, sapa, kapan, kenapa, endi, lan ya’apa

Multiple Choice

Gatekna ukara-ukara ing ngisor iki

1. Kepriye carane ngembangake usaha batik “Sekar Jagad” punika pak?

2. Kados pundi caranipun ngembangake batik “Sekar Jagad” punika pak?

3. Kenging punapa kok opah buruh awis pak ?

4. Sinten ingkang paring bantuan ?

Ukara pitakon ing nduwur sing nakokake cara yaiku ukara nomer....

• 1 lan 3

• 3 lan 4

• 1 lan 2

• 2 lan 4

Multiple Choice

Unggah-ungguh basa jroning wawancara ana kalane nggunakake krama alus lan krama lugu. Ukara ing ngisor iki sing kelebu basa krama alus yaiku....

• Nuwun sewu, bab menika kula pancen dereg semerap saestu

• Sesampunipun menika, aku mengko nyuwun pamit langsung wangsul

• Kalawau kula kasupen mboten mbekta buku kaliyan pulpen, amargi radi kasesa

• Nuwun sewu, sowan kula dateng ngriki kalawau badhe nyuwun pirsa panjenengan

Multiple Choice

Jroning teks wawancara ana ukara pitakon lan ukara andharan. Ing ngisor iki sing kelebu ukara andharan yaiku....

• Kahanipun lare-lare ingkang nyipen ngriki sae sanget.

• Kados pundi kahanipun lare-lare ingkang nyipen ngriki ?

• Adhik mboten taun menika mboten tumut rekreasi, amargi larenipun mabukan.

• Ing pasar mengko aku arep tuku keperluwane sekolah karo keperluwane masak.

Multiple Choice

Jroning struktur teks wawancara ana basa kang digunakake, yaiku basa kang tansah nggatekake unggah-ungguh basa. Apa basa kang trep digunakake kanggo wawancara ?

• Ngoko lugu

• Krama lugu

• Ngoko alus

• Krama alus

Multiple Choice

Struktur teks wawancara dumadi saka carane ngandharake, isine wawancara, lan basa sing digunakake kanggo wawancara. Carane ngandharake teks wawancara yaiku....

• Nggunakake tembung penggandheng kanggo nggandheng antarane tembung lan tembung, frase lan frase, ukara lan ukara.

• Ditulis kanthi wujud teks dhialog sarana nggunakake ukara langsung, ukara andharan, lan ukara pitakon.

• Isine wawancara gumantung marang masalah apa sing dirembug lan ditakokake marang narasumber

• Basa kang digunakake lumrahe nganggo basa krama alus tumrap pitakonan marang narasumber

Multiple Choice

Joning kegiatan wawancara ana pawongan sing golek informasi lan ana wong sing dadi punjering pitakonan. apa jenenge wong sing dadi punjering pitakonan?

• Tujuwan

• Informasi

• Narasumber

• Pewawancara

Multiple Choice

Kegiatan dhialog antarane pewawancara utawa wong sing golek informasi lan narasumber, diarani....

• Dhialog

• Penelitian

• Observasi

• Wawancara

Multiple Choice

Carita kang nyaritake asal-usul dumadine papan panggonan diarani....

• Fabel

• Legendha

• Mite

• Sage