Tayahin - Ang mga Bagay na Ipinadala mo sa Akin

TULA

Kay Ama

KAY AMA

1 Nagising nga akong tila nangangarap na isang anino

sa maputing tabing ng aming kahapong nilikha ng tao;

sa pagkakawalay sa isang magulang ay waring natuto

nahawi ang ulap na nagbigay silim sa kanyang talino.

2 Siya’y naparuol walang abug-abog sa rugtong ng tali,

ang kinahinatnan ay signos ng ulap ng panunubali;

kanyang kaluluwang nakitalamitam sa dilim na tangi

ay nakipanaghoy sa luha ng anghel habang nagmumuni.

Multiple Choice

1. Ang salitang may salungguhit sa ikalawang saknong ay nangangahulugang

• A. napaurong

• B. minalas

• C. lumakas

• D. nagulat

Multiple Choice

2. Sa pahayag na “kanyang kaluluwang nakitalamitam sa dilim na tangi”, ang salitang may salungguhit ay nangangahulugang

• A. nakipagkaibigan

• B. napalapit

• C. nakipagduwelo

• D. nakipaglaro

Multiple Choice

3. Ano ang kaugnay na pahayag ng taludtod na: kanyang kaluluwang nakitalamitam sa dilim na tangi na makikita sa tula?

• A. ang kinahinatnan ay signos ng ulap ng panunubali

• B. ang nakipanaghoy sa luha ng anghel habang nagmumuni

• C. ang pagkakawalay sa isang magulang ay waring natuto

• D. ang nahawi ang ulap na nagbigay silim sa kanyang talino

... ....

3 Kay lungkot isipin ang gayong kasaklap na pagkakalayo

na kung gunitain pati hininga ko ay halos mapugto;

at pati ang langit ng bagong umaga’y waring nagdurugo

at ang dapithapon kung pagmamasdan ko ay naghihingalo.

4 Haplos ng pag-ibig ang naiwan niya sa supling ng puso,

kanyang inulila’y may bakat ng luhang sa pisngi dumapo;

kay Ina ang buhay ay ibayong saklap sa pagkasiphayo

at may nakalaang tiising pasanin sa kanya’y titimo. 

Multiple Choice

4. Ang salitang mapugto na makikita sa ikatlong saknong ay may kahulugang

• A. Mapatid

• B. Mawala

• C. Magtuloy-tuloy

• D. Maghabol

Multiple Choice

5. Sa pahagay na na kung gunitain pati hininga ko ay halos mapugto, ano ang kaugnay na pahayag nito sa ikatlong saknong?

• A. Kay lungkot isipin ang gayong kasaklap na pagkakalayo

• B. pati ang langit ng bagong umaga’y waring nagdurugo

• C. ang dapithapon kung pagmamasdan ko ay naghihingalo.

• D. Haplos ng pag-ibig ang naiwan niya sa supling ng puso,

Multiple Choice

6. Ano ang kaugnay na pahayag ng taludtod na: Haplos ng pag-ibig ang naiwan niya sa supling ng puso, na makikita sa tula?

• A. kanyang inulila’y may bakat ng luhang sa pisngi dumapo;

• B. kay Ina ang buhay ay ibayong saklap sa pagkasiphayo

• C. may nakalaang tiising pasanin sa kanya’y titimo.

• D. ngayon kung babalik sa pinag-iwanang lubid na putol

... ....

5 Ngayon kung babalik sa pinag-iwanang lubid na putol,

dadamhi’y pangako sa luksang pangarap na tinatalunton;

tataas ang mukha’t lalong kikisig pa sa taglay na suot

at damdaming ama’y hahanga ngang lubos sa sariling hinlog!

Multiple Choice

7. Tungkol saan ang binasang tula?

• A. Ang pagmamahal ng isang kapatid sa kanyang pamilya.

• B. Ang mga sakripisyo na inalay ng isang ama dahil sa pagmamamahal para sa kanyang anak.

• C. Ang isang inang nagsusumamo para sa pagmamahal ng kanyang anak.

• D. Isang lalaking naghaharana sa kanyang iniirog.

Multiple Choice

8. Ano ang emosyon na naipakita sa nasabing tula?

• A. Pagkalungkot

• B. Pagmamahal

• C. Saya

• D. Sumasayaw

Multiple Choice

9. Bakit malungkot ang nagsasalita sa tula?

• A. Iniwanan siya ng kanyang iniirog.

• B. Nakulong ang ama dahil sa hirap na dinaranas nila.

• C. Inulila siya ng kanyang ama

• D. Hindi siya nakapasok sa paaralan noong araw na iyon.

Multiple Choice

10. Ano ang paksa ng binasang tula?

• A. Paglaya

• B. Pag-ibig

• C. Kalungkutan

• D. galit