Java GUI Unit 3

Java GUI Unit 3

Jframe Form ການໃຊ້ງານເບື້ອງຕົ້ນ

#. ຄວາມໝາຍ Jframe

JFrame ເປັນ​ Class ຫຼັກ​ທີ່​ນິຍົມ​ນຳ​ມາ​ໃຊ້​ສ້າງ​ Form ທີ່​ເປັນ​ Window ຊຶ່ງ​ຫຼັງ​ຈາກ​ທີ່​ເຮົາ​ສ້າງ​​ JFrame ແລ້ວ​ ເຮົາ​ຈະ​ສາມາດ​ອອກ​ແບບ​ສ່ວນ​ປະກອບ​ລາຍ​ລະອຽດ​ຂອງ​ GUI ພວກ​ Component Control ການ​ຈັດ​ວາງ​ Layout ຕ່າງ​ໆ​ ວາງລົງໄປ​ໃນ​ Frame ໄດ້​ຕາມ​ຕ້ອງ​ການ

1. ການຕັ້ງຄ່າພື້ນຖານຂອງ Jframe

ຈະເປັນຂັ້ນຕອນໃນການຕັ້ງຄ່າກ່ອນທີ່ຈະນຳເອົາ ໄປອອກແບບ ເປັນໂປຣແກມ ເພື່ອຄວາມສະດວກສະບາຍໃນການອອກແບບ ແລະ ການນຳ Jframe ໄປໃຊ້ງານຈິງ ເຮົາຈະຕັ້ງຄ່າພື້ນຖານ 3 ຂັ້ນຕອນດ້ວຍກັນ

1. ຕັ້ງຄ່າຂະໜາດ

2. ຕັ້ງສະແດງຜົນກາງຈໍ

3. ຕັ້ງຄ່າການປັບຂະໜາດຕາການກຳນົດ

1.1 ວິທີການຕັ້ງຄ່າພື້ນຖານຂອງ Jframe

1. ໄປທີ່ Workspace ເລືອກ Jframe

2. ຄິກຂວາ > Properties

ໝາຍເຫດ: ຖ້າເຮົາເລືອກບໍ່ຖືກ Jframe ເຮົາກໍ່ບໍ່ສາມາດຕັ້ງຄ່າໃຫ້ກັບ Jframe ໄດ້ ວິທີທີ່ແນ່ນອນທີ່ສຸດໃຫ້ເຮົາເລືອກເອົາ Jframe ທີ່ພາກສ່ວນ Explorer ຢູ່ໃນຫົວຂໍ້ Navigator

1.1 ວິທີການຕັ້ງຄ່າພື້ນຖານຂອງ Jframe

3. ເລືອກເອົາ Tap ຂອງ Code

4. Designer Size: ປັບຂະໜາດ ລວງກ້ວາງ - ລວງສູງ

5. Generate Center: ຕິກເອົາ ເພື່ອສະແດງການຈໍ

6. Form Size Policy > Generate Resize Code ປັບຂະໜາດຕາການກຳນົດ

7. ກົດ Close

ໝາຍເຫດ: ຮູບແບບຂອງການຕັ້ງຄ່າ ມີນຳກັນທັງໝົດ 4 ຮຸບແບບ ການປ້ອນຄ່າໂດຍກົງ, ການເລືອກຕິກ, ການເລືອກລາຍການ ແລະ ການກົດປຸ່ມຈຳເມັດ [....]

2. ເຄື່ອງມືໃນການອອກແບບ Components

ເປັນເຄື່ອງມືທີ່ເຮົາໃຊ້ໄວທຳການ ອອກແບບ ແລະ ວາງລົງໄປໃນ Jframe ໃຫ້ກາຍເປັນໜ້າຕາຂອງໂປຣແກຣມຕາທີ່ເຮົາຕ້ອງການ ເຊິ່ງຈະມີນຳກັນ 2 ສ່ວນທີ່ເຮົາມັກນຳໃຊ້ກັນ

1. Swing Containers: ແມ່ນໄວ້ໃຊ້ເພື່ອ ຄວບຄຸມ ສ່ວນຂອງ Swing controls ໃຫ້ຢູ່ໃນ ຂອບເຂດດຽວກັນ

2. Swing Controls: ແມ່ນສ່ວນທີ່ເອົາໄວ້ ຕິຕໍ່ກັບຜູ້ໃຊ້ງານ ໂດຍກົງ ແລະ ເຮົາສາມາດ ຂຽນໂຄດ ລົງໄປໃນສ່ວນຂອງ Controls ໄດ້ທຸກອັນ ແລະ ສິ່ງສຳຄັນເຮົາສາມາດຂຽນໂຄດເພື່ອສ້າງ Control ເອງໄດ້

Multiple Choice

ພາກສ່ວນໃດທີ່ໃຊ້ໄວ້ຄວບຄຸມ Swing ອື່ນໃຫ້ຢູ່ກຸມດຽວກັນ ?

• Swing Controls

• Swing Containers

• Swing Menus

• Swing Windows

2.1 ວິທີການນຳ Swing ມາວາງລົງໄປໃນ Jframe

1. ເລືອກ Swing ທີ່ຕ້ອງການວາງ

2. ເລືອກເມົ້າມາທີ່ Workspace

3. ວາງ Swing ລົງໄປໃນ Jframe

ເຄັດລັບ: ຖ້າເຮົາຕ້າງການຍົກເລີກການວາງ Swing ແມ່ນໃຫ້ຄິກເມົ້າຂວາ 1 ຄັ້ງກໍ່ຈະເປັນການຍົກເລີກ

ໝາຍເຫດ: ເຮົາບໍ່ຈຳເປັນຄິກເມົ້າຄ້າງທີ່ Swing ເພື່ອກນຳມາວາງລົງໄປໃນ Jframe ເຮົາຄິກພຽງເທື່ອດຽວກໍ່ພຽງພໍແລ້ວ

Multiple Choice

ຖ້າເຮົາຕ້າງການ ຍົກເລີກ ການວາງ Swing ແມ່ນເຮັດວິທີການໃດຕໍ່ໄປນີ້

2.2 ວິທີການລົບ Swing ອອກຈາກ Jframe

1. ເລືອກ Component ທີ່ຕ້ອງການຈະລົບ

2. ກົດປຸ່ມ Delete ທີ່ຄີບອດ

ໝາຍເຫດ: ທຸກຄັ້ງທີ່ເຮົາເລືອກ Component ໃຫ້ສັ່ງເກດວ່າຈະມີ ເມັດຂະຫຍາຍ 8 ຈຸດ ສະແດງຂື້ນມາໝາຍຄວາມວ່າເຮົາໄດ້ເລືອກແລ້ວ (ເຮົາເລືອກພຽງຕົວດຽວດ) ຖ້າເລືອກຫຼາຍອັນໃຫ້ເຮົາສັງເກດທີ່ Navigator ຈະສະແດງຮູບແບບຈຳນວນທີ່ເຮົາເລືອກໄວ້ ເຊິ່ງຈະເປັນສີເທົາ

Multiple Choice

ທຸກຄັ້ງທີ່ເຮົາເລືອກ Component ໃຫ້ສັ່ງເກດຈາກບ່ອນໃດວ່າເຮົາເລືອກ

• ຈະມີເສັ້ນຂອບສີແດງ

• ມີຈຸດຂະຫຍາຍ 8 ຈຸດ

• ມີເງົາສະແດງຂື້ນມາ

• ມີສີຟ້າສະແດງ

2.3 ວິທີການເລືອກ Components ຫຼາຍຕົວ

ແມ່ນວິທີການທີ່ໃຊ້ເພື່ອຊ່ວຍໃຫ້ເຮົາອອກແບບໄດ້ງາຍ ແລະ ໄວຂື້ນກວາເກົ່າ

1. ເລືອກ Component ຫຼັ້ກ (ຕົວທີ 1)

2.ກົດ Ctrl ຄ້າງໄວ້

3. ເລືອກ Component ທີ່ຕ້ອງການ

ໝາຍເຫດ: ໃຫ້ເຮົາເລືອກເອົາ Swing ຮູບແບບດຽວກັນເພື່ອທີ່ເຮົາຈະເຫັນຄຸນສົມບັດຄົບຖ້ວນ

ຖ້າ Swing ບໍ່ແມ່ນຮູບແບບດຽວກັນ ຫຼື ເລືອກເອົາ Jframe ຄຸນສົມບັດບາງຕົວຈະບໍ່ເຫັນ

Multiple Choice

ຄຸນສົມບັດບາງຕົວຈະບໍ່ເຫັນ ຍອນເຫດຜົນໃດ?

• ບໍ່ເລືອກເອົາ Jframe

• ບໍ່ເລືອກ Navigator

• ເລືອກ swing ຮູບແບບບດຽວກັນ

• ເລືອກ swing ບໍ່ແມ່ນຮູບແບບບດຽວກັນ

2.3.1 ການສັງເກດເວລາເລືອກ Component ຫຼາຍຕົວ

ເຮົາສັ່ງເກດຈາກ ສ່ວນ Navigator ຫຼື ເຮົາສາມາດເລືອກເອົາ Component ທີ່ Navigator ເລີຍກໍ່ໄດ້

ໝາຍເຫດ: ຖ້າເຮົາເລືອກ Component ຜິດແລ້ວຢາກເລືອກໃໝ່ ໃຫ້ເຮັດວິທີການເລືອກຫຼາຍຕົວອີກຄັ້ງໜຶ່ງ ໂດຍໃຫ້ແນ່ໃຈວ່າຕົວທີ່ 1 ທີ່ເຮົາເລືອກ ມີຈຸດຂະຫຍາຍ 8 ຕົວຂື້ນຫຼື ບໍ່ ຖ້າບໍ່ຂື້ນສະແດງວ່າເຮົາໄດ້ເລືອກ Component ອື່ນ

2.4 ວິທີການສະແດງຜົນ Preview Design

ເປັນວິທີການທີ່ໃຊ້ເພື່ອສະແດງຜົນທີ່ເຮົາໄດ້ອອກແບບເອົາໄວ້ໂດຍບໍ່ຕ້ອງ Run Jframe ເຊິ່ງເຮົາຈະເຫັນການອອກແບບໄດ້ໄວ້ຂື້ນ

1. ໄປທີ Navigator ເລືອກ Jframe

2. ຄິກຂວາ > preview Design > Nimbus

ເຄັດລັບ: ເຮົາສາມາດເລືອກ ຮູບແບບການສະແດງຜົນ ການອອກແບບໄດ້ ຫຼາຍຕົວ ແຕ່ Nimbus ຈະໃກ້ຄຽງກັບການສະແດງຜົນຕົວຈິງຫຼາຍທີ່ສຸດ

3. ປິດ Jframe ທຸງຄັ້ງກ່ອນການອອກແບບ

ໃນການອອກແບບ Jframe ຈຳເປັນທຸກຄັ້ງທີ່ຕ້ອງປິດໜ້າຕ່າງ ຂອງ Jframe ທີ່ເຮົາ Run ຫຼື Preview Design ລົງໄປກ່ອນ ເພາະເປັນການປະຫຍັດພື້ນທີ່ໜ່ວຍຄວາມຈຳຫຼັ້ກ ແລະ ເພື່ອບໍ່ສັບສົນຕໍ່ການ Run ເທື່ອຕໍ່ໄປ

Multiple Choice

ເປັນຫຍັງຕ້ອງປິດ Jframe ກ່ອນການອອກແບບ

• ກຳນົດຄຸນສົມບັດບໍ່ໄດ້

• ອອກແບບບໍ່ໄດ້

• ປະຫຍັດພື້ນທີ່ໜວຍຄວາມຈຳ

• ຂຽນໂຄດບໍ່ໄດ້

3.1 ວິທີການ (1) ປິດຈາກ Window bar

ເປັນວິທີການທີ່ນິຍົມໃຊ້ ຫຼາຍທີ່ສຸດເພາະງ່າຍ ແລະ ໄວ ພຽງແຕ່ເລື່ອນເມົ້າເລືອກໃສ່ປຸ່ມ Close ຂອງ Window bar

3.2 ວິທີການ (2) ປິດຈາກ taskbar

ເປັນວິທີການປິດທີ່ຮອງຈາກການປິດຮູບແບບທີ 1 ຂໍ້ດີຄືເຮົາສາມາດເຫັນໄດ້ວ່າ ມີການ Run ຈັກຕົວທີ່ເຮົາໄດ້ Run ຄ້າງເອົາໄວ້ ການປິດ ແມ່ນ ຄິກຂວາໃສ່ Icon ຂອງ java > ເລືອກເອົາ Close Window

ໝາຍເຫດ: Taskbar ເປັນແທບທີ່ສະແດງການເຮັດວຽກຂອງໂປຣແກຣມໃນລະບົບປະຕິບັດການ Windows

ເຄັດລັບ: ເຮົາສາມາດເພີ່ມ Icon ຂອງໂປຣແກຣມທີ່ເຮົາມັກໃຊ້ໄວ້ໄດ້ ບໍ່ຕ່າງຫຍັງກັບ Icon ທີ່ຢູ່ເທີງໜ້າຈໍ Desktop ເລີຍ

Multiple Choice

Taskbar ແມ່ນຫຍັງ?

• ເປັນແທບທີ່ສະແດງການເຮັດວຽກຂອງໂປຣແກຣມ

• ແມ່ນລະບົບປະຕິບັດການ Windows

• ເປັນໜ້າຕ່າງອອກແບບໂປຣແກຣມ

• ເປັນສັນລັກຂອງໂປຣແກຣມ

3.3 ປິດແບບ Cancel process

ວິທີການປິດສຸດທ້າຍກໍລະນີ ທີ່ເຮົາ ບໍ່ສາມາດປິດ ຈາກ 2 ຂັ້ນຕອນຂາງເທິງ ແລະ ນິຍົມໃຊ້ເພື່ອປິດ ເມື່ອໂປຣແກຣມມີການ Error ຫຼື ຕິດ Bug ວິທີການປິດແມ່ນຄິກໃສ່ປຸ່ມ [x]

ເຄັດລັບ: ເຮົາສາມາດເຫັນ ຈຳນວນຂອງການ Run ໄດ້ຈາກ Process ເວລາປິດເຮົາສາມາດປິດໄດ້ພຽງ ຄັ້ງລະ 1 Process ເທົ່ານັ້ນ ເມື່ອເຮົາປິດຈະມີໜ້າຕ່າງ ຢືນຢັນຂື້ນມາໃຫ້ເຫົາເລືອກເອົາ Yes ເພື່ອຢືນຢັນການປິດ Process

Multiple Choice

ກໍລະນີໃດທີ່ເຮົາໃຊ້ການ ປິດແບບ Cancel process ?

• ໂປຮແກມສະແດງຜົນບໍ່ຖືກຕ້ອງ

• Jframe ອອກແບບບໍ່ໄດ້

• Run Jframe ບໍ່ໄດ້

• ໂປຣແກຣມເກີດຂໍ້ຜິດພາດ ຍ້ອນຕິດ Bug

Poll

ໃຫ້ຄະແນນຫົວບົດ

• ງ່າຍ

• ປານກາງ

• ຍາກ

• ຍາກຫຼາຍ

Open Ended

1. ຂໍ້ຫຍຸງຍາກໃດທີ່ເຮັດໃຫ້ຮຽນຫົວຂໍ້ມນີບໍ່ໄດ້.

2. ວິທີແກ້ບັນຫາທີ່ເຮົາຈະໃຊ້