KAANTASAN NG PANG URI

KAANTASAN NG PANG URI

Pang-uri

- ay salitang naglalarawan sa mga pangngalan o panghalip.

- Maaaring naglalarawan ito ng katangian, kulay, lasa, anyo, hugis, laki at bilang

Tatlong Kaantasan ng Pang-uri

1. Lantay - naglalarawan ng isang pangngalan o panghalip.

- Sa kaantasang ito, walang pinaghahambing na pangngalan o panghalip.

halimbawa: Masarap ang mga pagkain na niluto ni Nanay.

2. Pahambing - naghahambing ng dalawang pangngalan o panghalip.

2 Uri ng Pahambing

a. Patulad

-Paghahambing ng dalawang magkatulad na katangian

-Naipapakita itosa paggamit ng mga panlaping gaya ng, sing-, kasing-, magsing-, magkasing-, at mga salitang pareho at kapwa.

halimbawa: Magkasinghaba ang buhok ni Cathy at Kristine.

b. Pasahol o Palamang

- paghahambing ng dalawang katangianna ang isa ay nakahihigit/nakalalamang sa isa.

- Makikilala natin ang antas na pahambing sa pangungusap sa pamamagitan ng mga pantulong na salita gaya ng mas, at higit na.

-Idinadagdag ang mga salitang ito sa unahan ng pang-uring ginamit sa paghahambing.

-Nagdadagdag naman ng salitang kaysa upang makita ang dalawang pangngalang pinaghahambing/

halimbawa: Mas mabilis tumakbo si Jayson kaysa kay Marlon.

Higit na masarap ang luto ni Nanay kaysa kay ate.

3. Pasukdol - ito ay paghahambing kung saan ang pangngalan o panghalip ay may katangiang nangingibabaw sa lahat ng pinaghahambingan.

- Gumagamit ng mga salita gaya ng pinaka, hari ng, ubod ng at napaka ang kaantasang ito kapag naghahambing.

halimbawa: Kaarawan ngayon ng pinakamabait kong tita sa lahat na si Tita Annie.

Ang pinakamasarap na ulam sa lahat ay kare-kare.

Ubod ng kintab ang sapatos ni Henry kung ikukumpara sa sapatos ng mga kasama niyang guwardiya.