صفت ذاتی اور اس کے درجات

صفت ذاتی اور اس کے درجات

by Naheed Mobeen/TCHR/BNKM

​صفت ذاتی

​جو اسم صفت موصوف کی ذاتی خصوصیت کو ظاہر کرے ، اسے صفت ذاتی کہتے ہیں۔ مثلاً درج ذیل جملوں میں لائق ، محنتی ، ٹھنڈا ، تازہ ، دانا ، بالترتیب ، لڑکے۔ لڑکی ۔ پانی ۔ دودھ ۔ آدمی کی صفت ذاتی ہیں۔

لڑکا بہت لائق ہے۔

لڑکی بہت محنتی ہے۔

پانی بہت ٹھنڈا ہے۔

دانا آدمی کی بات غور سے سنا کرو۔

ہمیشہ تازہ دودھ پیا کرو۔

​صفت ذاتی کے تین درجے ہوتے ہیں

​پہلا درجہ : تفضیل نفسی

​

​

​تفضیل نفسی : اگر کسی شخص یا چیز کی صفت کسی دوسرے شخص یا دوسری چیز سے مقابلہ کیے بغیر بیان کی جائے تو اسے تفضیل نفسی کہتے ہیں ۔

جیسے مندرجہ ذیل جملوں میں بہادر ، شریر ، ٹھنڈا ، خوبصورت ، ، لائق ، تفضیل نفسی ہیں۔

۔ علی بہادر ہے

۔ اصغر شریر ہے

۔ یہ کمرہ ٹھنڈا ہے

۔ ہمارا گھر خوبصوت ہے

۔ عائرہ لائق ہے ​

دوسرا درجہ ​تفضیل بعض

​اگر کسی شخص یا چیز کی صفت کسی دوسرے شخص یا دوسری چیز سے مقابلہ کرکے بیان کی جائے تو اسے تفضیل بعض کہتے ہیں۔ جیسے مندرجہ ذیل جملوں میں زیادہ بہادر ۔ زیادہ شریر ، زیادہ ٹھنڈا ، زیادہ خوبصورت ، زیادہ لائق تفضیل بعض ہیں۔

علی احمد سے زیادہ بہادر ہے۔

اصغر اکبر سے زیادہ شریر ہے۔

یہ کمرہ دوسرے کمرے سے زیادہ ٹھنڈا ہے۔

لڑ کی اپنی بہن سے زیادہ لائق ہے۔

ہمارا گھر ساتھ والے گھر سے زیادہ خوبصورت ہے۔​

​

​

​

​تیسرا درجہ : تفضیل کل

​ اگر کسی شخص یا چیز کی صفت کو سب سے بڑھا کر بیان کیا جائے تو اسے تفضیل کل کہتے ہیں۔

​درج ذیل جملوں میں سب سے زیادہ ، شریر ترین ، سب سے زیادہ ٹھنڈا ، خوب صورت ترین ، لائق ترین ، تفضیل کل ہیں ۔

علی سب لڑکوں سے زیادہ بہادر ہے۔

اصغر شریر ترین کڑکا ہے۔

یہ سب کمروں سے زیادہ ٹھنڈا کمرہ ہے۔

ہمارا گھر سب گھروں سے زیادہ خوبصورت ترین ہے۔

لڑکی ساری جماعت میں سے لائق ترین ہے۔​

​

​

Multiple Choice

صفت ذاتی کے کتنے درجے ہیں ؟ 

• چار

• تین

• پانچ

• دو

Multiple Choice

جدید ترین صفت ذاتی کا کون سا درجہ ہے ؟

• اسم صفت

• تفضیل بعض

• تفضیل کل

• تفضیل نفسی

Multiple Choice

نفیس کا تفضیل بعض کیا ہوگا ؟

• نفیس ترین

• بہت زیادہ  نفیس 

• کم نفیس

• نفیس تر