KPWKP_q1_mod6_Gamit ng Wika sa Lipunan (Instrumental at Regulato

Komunikasyon

at Pananaliksik sa Wika

at Kulturang Pilipino

Unang Markahan – Modyul 6: Gamit ng Wika sa Lipunan (Instrumental at Regulatori)

Kasanayang Pampagkatuto:

Nabibigyang-kahulugan ang mga komunikatibong gamit ng wika sa lipunan (Ayon kay M.A.K. Halliday) F11PT – Ic – 86

Layunin:

• Nauunawaan ang kahulugan ng komunikatibong gamit ng wika sa lipunan

• Natutukoy ang mga gamit ng wika sa lipunan na ginamit sa pangungusap

• Nailalarawan ang tamang gamit ng wika sa lipunan bilang instrumento sa pag-unawa

Subukin

Panuto: Basahin at unawaing mabuti ang sumusunod na sitwasyon. Tukuyin kung anong tungkulin at gamit ng wika ang isinasaad sa bawat bilang. Piliin ang titik ng tamang sagot at isulat sa sagutang papel.

Multiple Choice

May ibinigay na takdang-aralin ang iyong guro. Para masagot ito, kailangan mong magsaliksik sa pamamagitan ng pagkonsulta sa iba’t ibang sanggunian tulad ng mga aklat at internet.

• Heuristiko

• Impormatibo

• Instrumental

• Regulatori

Multiple Choice

Nagtanong ka sa iyong kaibigan kung saan ang mabilis at madaling daan para makarating sa inyong pagkakampingan sa Laguna. Itinuro niya sa iyo ang tama, mabilis, at ligtas na daan papunta roon.

• Heuristiko

• Impormatibo

• Instrumental

• Regulatori

Multiple Choice

Gumagawa ka ng proyekto sa Filipino. Ito ay isang spoken word poetry. Nais mong ihandog sa iyong ina ang tulang ito sa kaniyang kaarawan.

• Imahinatibo

• Interaksiyunal

• Personal

• Representatibo

Multiple Choice

Namamasyal ka sa isang parke. Maganda ang tanawin at maraming naggagandahang bulaklak. Gusto mo sanang pumitas para amuyin ang mabango nitong amoy, pero may nakita kang nakasulat sa isang paskil. Bawal pumitas ng mga bulaklak.

• Imahinatibo

• Interaksiyunal

• Instrumental

• Regulatori

Multiple Choice

May matalik kang kaibigan na magdiriwang ng kaniyang kaarawan bukas, gusto mong mag-bake ng cake para sa kaniya. Binasa mong mabuti ang resipi at maingat na sinunod ang bawat hakbang sa pagluluto.

• nstrumental

• Personal

• Regulatori

Multiple Choice

Maagang pumasok si Tina upang magtungo sa silid-aklatan. Nagtungo siya sa custodian upang magtanong kung saang seksiyon makikita ang kaniyang hahanaping aklat.

• Impormatibo

• Instrumental

• Heuristiko

• Regulatori

Multiple Choice

Fiesta sa baryo Kayquit, abala ang lahat dahil may agarang lulutuin na dapat mailuto. Si Josie ang tagaluto sa bahay ni Aling Zeny. Nais niyang subukang iluto ang paborito niyang menudong Tagalog.

• Heuristiko

• Instrumetal

• Personal

• Regulatori

Multiple Choice

Si Mang Toni ay isang magaling na makata. Isa sa paborito niyang bigkasin ay tungkol sa “Pag-Ibig na Walang Maliw.”

• Imahinasyon

• Instrumental

• Personal

• Regulatori

Multiple Choice

Si Carlos ay mahusay na manlalaro ng basketbol. Dahil kilala siya sa kanilang eskuwelahan bilang varsity, marami ang humahanga sa kaniyang husay at galing sa paglalaro. Umuwi siya ng hating gabi na dahil sa pag-eensayo, napagsabihan siya ng kaniyang ama dahil delikado na ang panahon.

• Imahinatibo

• Instrumental

• Personal

• Regulatori

Multiple Choice

Balik-bayan si Gng. Rosie sa kanilang probinsiya. Marami sa kaniya ang bumibisita dahil sa tagal na hindi sila nagkita.

• Imahinatibo

• Instrumental

• Interaksyunal

• Regulatori

Balikan

Panuto: Basahin at unawaing mabuti ang mga tanong. Isulat ang iyong sagot sa sagutang papel.

Open Ended

Ano ang malinaw na pagkakaiba ng instrumental at regulatori na gamit ng wika sa lipunan?

Open Ended

Bakit mahalagang gamitin ang mga gampanin ng wika sa pang-araw-araw nating pamumuhay gamit ang social media?

Open Ended

Ano-ano ang katangian ng gamit ng wika?

Open Ended

Paano ginagamit ang mga gamit ng wika sa lipunan bilang pagbibigay-halimbawa?

Open Ended

Bakit mahalagang gamitin ang mga gamit ng wika sa pagpapaliwanag at pagbibigay-halimbawa nito mula sa iba’t ibang social media at post?

Tuklasin

Gamit ng Wika sa Lipunan (Instrumental at Regulatori)

Ayon kay Halliday sa kanyang Explorations in the Functions of Language na inilathala noong 1973, ang mga tungkuling ginagampanan ng wika sa ating buhay ay kinakategorya. Ginagamit nang pasalita at pasulat ang nasabing tungkulin. Pasalita man o pasulat, may kani-kaniyang gamit ang wika sa lipunan. Mahalaga ang nasabing mga tungkulin o gamit ng wika sa epektibong pakikipagkomunikasyon. Tunghayan ang mga gamit ng wika sa lipunan.

Gamit ng Wika sa Lipunan (Instrumental at Regulatori)

Ang instrumental na gamit ng wika ay ginagamit upang tumugon sa pangangailangan. Pangunahing instrumento ang wika upang makuha o matamo ng tao ang kaniyang mga lunggati o pangangailangan. Ang maayos at matalinong paggamit ng wika ay nagbubunga nang malawakang kaayusan sapagkat hindi lamang nito nagagawang magpaunawa kundi pumukaw ng damdamin at kaisipan.

Gamit ng Wika sa Lipunan (Instrumental at Regulatori)

Ang regulatori naman ay ang wikang kumokontrol o gumagabay sa kilos at asal ng tao. Sa maayos at malumanay na gamit ng wika inilalahad ng mga magulang ang kanilang pangaral upang maging maayos ang kanilang mga anak. Obserbahan ang mga babala, karatula, o kautusan na malimit makitang nakapaskil sa mga pampublikong lugar.

Halimbawa:

Instrumental

• Pakiabot mo naman ang folder na nasa ibabaw ng mesa.

• Maaari ko bang malaman kung gaano katagal bago matapos ang proyektong ito?

• Ano-anong departamento ang kailangan kong daanan bago makarating sa tanggapan ng gobernador?

Halimbawa:

Regulatori

• Bawal pumitas ng bulaklak.

• Huwag gumamit ng bolpen sa pagsagot, gumamit ng lapis.

• Basahing mabuti ang pangungusap bago mangatuwiran.

• Bawal manigarilyo.

Suriin

Panuto: Tukuyin kung anong gamit ng wika sa lipunan ang sumusunod. Piliin ang titik ng tamang sagot at isulat sa sagutang papel.

Multiple Choice

Bawal umihi dito.

• Imahinatibo

• Interaksiyunal

• Personal

• Regulatori

Multiple Choice

Pakiabot mo naman ang folder na nasa ibabaw ng mesa.

• Heuristiko

• Instrumental

• Personal

• Regulatori

Multiple Choice

Maaari ko bang malaman kung gaano katagal bago matapos ang proyektong ito?

• Impormatibo

• Instrumental

• Heuristiko

• Personal

Multiple Choice

Smoking Area.

• Impormatibo

• Heuristiko

• Personal

• Regulatori

Multiple Choice

Slow Down School Zone.

• Impormatibo

• Instrumental

• Personal

• Regulatori

Pagyamanin

Pag-unawa sa Gamit ng Wika sa Lipunan

Panuto: Basahin at unawaing mabuti ang mga sitwasyon. Ilapat ang nauunawaang kahulugan ng gamit ng wika sa lipunan sa nasabing sitwasyon. Pumili lamang ng tatlo sa mga pamimilian. Isulat ang sagot sa sagutang papel.

Open Ended

Isaisip

Panuto: Pumili ng tatlo sa mga kaban ng kaalaman. Ipaliwanag ang isinasaad na kabuluhan nito. Isulat ang sagot sa iyong sagutang papel.

1. Sa pamamagitan ng wika ay naipahahayag at nabibigyang-representasyon ng tao ang kaniyang sarili.

2. Instrumento ang wika hindi lamang para maipaunawa ang sarili kundi upang mapakilos ang kapuwa.

3. Nauukol ito sa mga bagay na nasa paligid o lugar na karaniwang pinangyayarihan ng pag-uusap. Nagsisilbing representasyon din ang lugar sa uri ng pagpapahalagang mayroon ang mga naninirahan dito.

4. May kinalaman din ito sa tinatawag na konteksto ng sitwasyon.

5. Nakatuon din ang gampanin ng wika sa tsanel o daluyan ng mensahe bilang behikulo o kasangkapan sa paghahatid ng mensahe.

6. Katulad ng nailahad ni Buhler, naglalayon itong maimpluwensiyahan ang pagkilos ng kapuwa sa pamamagitan ng mga salitang mahihiwatigan ng pag-uutos o paghingi ng pabor.

7. Ito ay tumutugon din sa pangangailangan. Nagpapahayag ng pakiusap, pagtatanong at pag-uutos.

8. Isa rin ito sa pagbibigay ng gabay, kumokontrol sa kilos o asal ng iba.

9. Nakapagpapanatili at nakapagpapatatag ng relasyong sosyal.

10. Nagpapahayag ng komunikasyon sa pamamagitan ng mga simbolo o sagisag.

Draw

Isagawa

Panuto: Lagyan ng tsek (/) ang loob ng talahanayan kung ito ay iyong ginagawa. Tumutugon ito sa gamit ng wika sa lipunan. Isulat ang iyong sagot sa sagutang papel.

Pamantayan sa pagmamarka:

4- Lubos na Sumasang-ayon

3- Sumasang-ayon

2- Di-gaanong sumasang-ayon

1- Hindi sang-ayon

Tayahin

Panuto: Basahin at unawaing mabuti ang sumusunod na sitwasyon. Tukuyin kung anong tungkulin at gamit ng wika ang isinasaad sa bawat bilang. Piliin ang titik ng tamang sagot at isulat sa iyong sagutang papel.

Open Ended

Gamit ang tungkulin ng wika ang INSTRUMENTAL at REGULATORI, ipaliwanag kung saan at paano nakatutulong ang gamit ng wika sa iyong pang-araw-araw na pamumuhay.