materi sesorah kelas XI

SESORAH KELAS XI

​Tujuan Pembelajaran

1. Menemukan pokok-pokok isi yang terkandung dalam teks ​sesorah.

2. ​Menjawab pertanyaan yang berhubungan dengn isi teks sesorah

3. Menganalisa bagian-bagian teks sesorah

4. Memberikan tanggapan isi teks sesorah menggunakan bahasa sendiri

5. Menulis teks sesorah dengan tema tertentu menggunakan bahasa sendiri​

​Pangertene Sesorah :

Sesorah/ pidhato/ medhar sabda yaiku micara kanggo medharake/ mengungkapkan gagasan/ panemu ing ngarepe wong akeh​.

Ancasing Sesorah/​

​Tujuan Sesorah

​1. Atur Pambagya

​yaiku sesorah kanggo nampa rawuhe tamu ing sawijining acara, kayata pengantenan, supitan, rapat lan sapanunggalane.

2. Atur kabar/ paring informasi​

yaiku sesorah kang isine paring informasi ngenani sawijining bab.

​Tuladha :

​Sesorah ing rapat, pengajian, promosi barang

​3. Atur pangajak

​yaiku sesorah kang tujuane kanggo ngajak pamireng kanggo nglakokake sing dikarepake

​Tuladha :

​Kampanye, pengajian, 

​4. Atur panglipur

​yaiku sesorah kang tujuane kanggo nggedhekake ati utawa aweh hiburan marang kang lagi susah

​Tuladha :

​Sesorah kanggo nglipur kadhang tani kang gagal panen

​Sesorah kanggo nglipur keluarga kang nembe ditinggal seda

​5. Atur panyaruwe/ ngemutake

​yaiku sesorah kang isine nelakake/ mengungkapkan panemu kanthi dhasar-dhasar kang tinemu nalar tumrap ada-ada utawa aturan

Tuladha :

Sesorah kang isine​ babagan larangan nonton tivi kesuwen, efek dolanan HP tanpa wektu lsp

Bagian-bagian utawa Urutan Teks Sesorah​

​1. Uluk salam/ Salam pambuka

​Isine Salam manut kabiasaan lan kapitayane

​

​Tuladha : Assalamu'alaikum, sugeng enjang, sugeng siang, sugeng sonten, sugeng dalu, nueun lan sapanunggalane.

​2. Purwaka basa/ pambuka

​Purwaka basa isine : atur pakurmatan, puji syukur, lan atur panuwun kanggo para tamu.

​

​Tuladha :

​Para pepundhen, para sesepuh ingkang sinudarsana, para kadang wredha mudha ingkang kula tresnani. Sumangga kula lan panjenengan sedaya ngaturaken puji syukur dhumateng ngarsanipun Gusti Ingkang Maha Agung, ingkang sampun paring kabagyan lan kawarasan saengga kula lan panjenengan sedaya saged kempal ing dinten menika. Kula ugi ngaturaken agunging panuwun dhumateng para rawuh ingkang sampun nglonggaraken wekdalipun kangge rawuh wonten papan menika

​Surasa basa/ isi = inti/ isi saka sesorah

​Tuladha :

​Panci sampun dados kodratipun wanita limrah nggadhahi raos ingkang kalangkung alus. Senajan makaten, greget ing manah tansah makantar-kantar pindha waja ngundi kautaman. Sedaya punika inggih saking pangaribawa lelabetanipun Ibu Kartini ingkang sampun tumancep saha ngrembaka ing manahipun wanita Indonesia.

​4. Dudutan/ kesimpulan/ pangarep-arep = isine ngenani kesimpulan utawa pangajak marang para pemaos/ pembaca

​Tuladha :

​Kanthi makaten, sumangga para kadang putri sami saged nglajengaken gegayutan tuwin lelabetanipun Ibu Kartini ingkang luhur menika. Ingkang mboten kenging dipunlirwakaken/ dilalekake inggih menika Ibu Kartini tansah ngudi jati dhirinipun putri Indonesia.

​5. Wasana basa/ panutup = kanggo mungkasi sesorah

​

​Tuladha :

​Cekap semanten atur kawula, mbok bilih wonten klenta-klentuning atur kula nyuwun agunging samudra pangaksami. Nuwun

​SIAP QUIZ YA ...

​quiz iki minangka UH

Multiple Choice

Sesorah kang tujuane kanggo nampani tamu ing sawijining acara diarani ... .

• orasi

• atur pambagya

• atur pangajak

• atur panglipur

• atur informasi

Multiple Choice

Para sesepuh, para pinisepuh kakung miwah putri ingkang luhur ing budi saha saha ingkang tansah kula bekteni.

Saka pethikan teks sesorah kasebut, tembung miwah nduweni teges ...

• lan

• mewah

• lanang

• wadon

• uga

Multiple Choice

Sesorah kang dilakokake ing upacara pemakaman tujuane ... .

• atur pangapura

• atur pambagya

• atur panglipur

• atur informasi

• atur pangajak

Multiple Choice

Kampanye, orasi, pengajian, promosi iku salah sijining wujud sesorah kang tujuane ... .

• atur informasi

• atur pambagya

• atur pangajak

• atur panglipur

• atur panyaruwe

Multiple Choice

Assalamu'alaikum wr wb, sugeng enjang, salam sejahtera, om swasti astu, salam kebajikan, namo budaya ibu kepala sekolah, bapak ibu guru, lan kanca-kanca ingkang kula tresnani ...

Pethikan teks sesorah ing dhuwur ana ing bagian ... 

• pambuka

• surasa basa

• isi

• wasana basa

• salam pambuka

Multiple Choice

Para sesepuh, para pinisepuh kakung miwah putri ingkang luhur ing budi saha saha ingkang tansah kula bekteni. Bapak-bapak saha ibu-ibu para rawuh satuhu kinurmatan lan binektenan, sarta para sedherek ingkang kula tresnani.

Pethikan sesorah ing dhuwur kelebu bagian pambuka ... .

• atur pambagyaharja

• atur pakurmatan

• atur puji syukur

• atur panuwun

• atur pangapunten

Multiple Choice

Pethikan sesorah ing ngisor iki kang isine pambuka atur puji syukur yaiku ... .

• Para sepuh-pinisepuh ingkang pantes sinudarsana, para kadang mitra ingkang bagya mulya, dalah sagung para rawuh ingkang luhur ing budi

• para rawuh ingkang kinabekten, boten kesupen kula matur agunging panuwun dene bapak ibu sampun rawuh ing acara menika

• Para rawuh ingkang kinabekten, mbok bilih wonten klenta-klentuning atur kula nyuwun agunging pangaksami

• minangka pambukaning atur, sumangga kita sesarengan ngaturaken puji syukur dhumateng Allah ingkang maha agung saengga dinten menika kitha saged kempal wonten ing acara menika

Multiple Choice

Mekaten atur kawula, mbokbilih wonten klenta-klentuning atur kula nyuwun agunging pangaksami. Para panitiya ugi ngaturaken agunging panuwun dhumateng para rawuh ingkang sampun nyengkuyung acara menika.

Pethikan sesorah kasebut ana ing bagian ... .

• salam pambuka

• purwaka basa

• surasa basa

• wasana basa/ panutup

• salam panutup