AP10 Q1 M1

Ang Aralin 1 ay tumutukoy sa mga Kontemporaryong Isyu. Ito ay nahahati sa sumusunod na paksa:

Paksa 1: Konsepto ng Kontemporaryong Isyu

Paksa 2: Kahalagahan ng Pag-aaral ng mga Kontemporaryong Isyu

Pinakamahalagang Kasanayang Pampagkatuto (MELC 1)

Nasusuri ang kahalagahan ng pag-aaral ng kontemporaryong isyu.

​Paunang Pagtataya

Bilang panimula, sagutan mo ang mga tanong upang mataya ang iyong kahandaan sa pag-aaral sa paksa. Ito ay makatutulong upang mawari mo ang nilalaman ng modyul na ito.

Multiple Choice

1. Mga suliranin o pangyayaring gumagambala sa kalagayan ng ating pamayanan at sa bansa.

• Isyung showbiz

• Kontemporaryong Isyu

• Kasaysayan

• Balita

Multiple Choice

2. Kailan masasabing kontemporaryong isyu ang isang pangyayari?

I. Nagaganap sa kasalukuyang panahon lamang.

II. Walang epekto sa lipunan o mamamayan.

III. Mahalaga at makabuluhan sa lipunang ginagalawan.

IV. Nagaganap sa kasalukuyang panahon.

• I, II, III

• I, IV

• III, IV

• I, II, III, IV

Multiple Choice

3. Ang isang pangyayari ay nagiging isyu kung

• kilalang tao ang mga kasangkot

• nilagay sa Facebook

• napag-uusapan at dahilan ng debate

• walang pumansin kaya nakalimutan na lamang

Multiple Choice

4. Alin sa sumusunod na pahayag ang tumutukoy sa konsepto ng kontemporaryong isyu?

• Ito ay mga pangyayaring hindi naganap sa nakalipas na panahon at hindi

  nakaaapekto sa kasalukuyan.

• Ito ay paksang napag-uusapan na nakaaapekto sa pamumuhay ng mga tao sa lipunan.

• Ito ay mga isyung may positibong epekto lamang at may malaking epekto sa

  pamumuhay ng mga tao.

• Ito ay mga pangyayaring gumagambala at nagpapabago sa kalagayan ng ating

  pamayanan.

Multiple Choice

5. May apat na uri ng kontemporaryong isyu, ang isyung panlipunan, pangkalakalan, pangkapaligiran, at pangkalusugan. Alin sa sumusunod ang nabibilang sa usapin sa pandemya tulad ng COVID-19?

• Isyung panlipunan

• Isyung pangkapaligiran

• Isyung pangkalusugan

• Isyung pangkalakalan

Multiple Choice

6. Ipinakikita sa larawan ang pagpapaalala sa isang patakaran. Ang paglabag sa patakarang ito ay isang uri ng isyung?

• Panlipunan

• Pangkalusugan

• Pangkapaligiran

• Pangkalakalan

Multiple Choice

7. Alin sa sumusunod na halimbawa ng print media ang hindi kabilang?

• magazine

• journal

• internet

• komiks

Multiple Choice

8. Ano ang kahalagahan ng kamalayan sa kontemporaryong isyu sa lipunan at daigdig?

I. Nakatutulong sa paglinang ng kritikal at malawakang kaisipan.

II. Lalawak din ang koneksiyon ng “sarili” sa lipunan.

III. Mapalawak ang pundasyon ng kaalaman.

IV. Paggalang sa iba’t ibang paniniwala.

• I, II, III

• I

• I, II, III, IV

• I, II

Multiple Choice

9. Alin sa sumusunod ang kasanayan na dapat taglayin sa pag-aaral ng kontemporaryong isyu?

I. Natutukoy ang katotohanan at opinyon.

II. Huwag ilahad ang kabutihan at di-kabutihan ng isang bagay.

III. Pagkilala sa mga sanggunian.

IV. Pagbuo ng opinyon at ugnayan.

• I

• I, II

• I, III, IV

• II, III

Multiple Choice

10. Ito ay mga mahahalagang pangyayari sa loob ng bansa na may malawakang epekto sa iba’t ibang sektor ng lipunan tulad ng pamilya, simbahan, pamahalaan, paaralan, at ekonomiya.

• Isyung Pangkalusugan

• Isyung Pangkalakalan

• Isyung Panlipunan

• Isyung Pangkapaligiran

Multiple Choice

11. Ito’y mga suliraning may kinalaman sa kapaligiran at pangkalahatang kaligtasan ng mamamayan.

• Isyung Pangkalusugan

• Isyung Pangkalakalan

• Isyung Panlipunan

• Isyung Pangkapaligiran

Multiple Choice

12. Mga suliraning may kinalaman sa globalisasyon at negosyo.

• Isyung Pangkapaligiran

• Isyung Pangkalakalan

• Isyung Panlipunan

• Isyung Pangkapaligiran

Multiple Choice

13. Bakit mahalagang magkaroon ka ng malawak na kaalaman sa mga isyu at hamong panlipunan?

I. Upang maunawaan ang mga sanhi at bunga nito sa lipunan.

II. Upang maging aktibong bahagi ng mga programa at polisiya.

III. Para sa pagkamit ng ganap na transpormasyon ng tao lamang.

IV. Maunawaan na pili lamang ang dapat makibahagi sa pagpapaunlad ng bansa.

• I, III, IV

• I, III

• II, IV

• I, II

Multiple Choice

14. Ang isang isyu ay maaaring pag-aralan sa pamamagitan ng pagsusuri ng ilang bahagi nito, alin sa sumusunod ang kabilang dito?

I. uri

II. sanggunian

III. kahalagahan

IV. epekto

• I, II, III

• I, III

• I, IV

• I, II, III, IV

Multiple Choice

15. Sa pag-aaral ng mga kontemporaryong isyu, nalilinang ang pagiging mabuting mamamayan. Alin sa sumusunod na pahayag ang sakop nito?

I. Aktibong pagganap sa mga gawain.

II. Damdaming makabayan.

III. Koneksiyon ng lipunan sa sarili.

IV. Kakayahan sa pagsisiyasat at pagsusuri

• I

• I, II

• I, II, III

• I, II, III, IV

ARALIN 1: Konsepto ng Kontemporaryong Isyu

Nakababahala ang panahon natin sa ngayon. Maraming isyu, hamon, at suliraning kinakaharap ang ating bansa. May mga pangyayaring hindi natin inaasahan. Mga ito ay kagagawan ng tao at mga pangyayaring bunga ng agham at makabagong teknolohiya na nagiging sanhi ng pagka-abuso sa kalikasan. Nagdudulot din ang mga ito sa pagbabago sa ating kapaligiran.

GAWAIN 1: Halo-halo

Gamit ang mga pinaghalo-halong letra, tukuyin ang mga konsepto at salitang inilalarawan ng sumusunod na pahayag.

Matapos matiyak ang iyong inisyal na kaalaman tungkol sa aralin, ngayon naman ay lilinangin at palalawakin ang mga kaalamang ito sa tulong ng mga teksto na inihanda upang maging batayan mo ng impormasyon. Ang pinakatiyak na layunin ng bahaging ito ay matututuhan mo ang kahalagahan ng pag-aaral sa mga kontemporaryong isyu.

Paksa 1: Konsepto ng Kontemporaryong Isyu

Ang salitang “kontemporaryo” ay tumutukoy sa mga pangyayari sa kasalukuyan na maaaring nakaaapekto sa buhay ng mga tao sa lipunan. Ito ay mga paksang napapanahon na nagiging sanhi ng pagkakabagabag ng mga tao. Maaari rin itong mga pangyayaring naganap sa nakalipas na nakaaapekto hanggang ngayon sa lipunan.

Ang salitang “isyu” naman ay mga pangyayari, suliranin, o paksa na napag-uusapan at maaaring dahilan o batayan ng debate. Tandaan mo na maaari itong magdulot ng positibo o negatibong epekto sa pamumuhay ng mga tao sa lipunan.

Base sa mga nabanggit, ang kontemporaryong isyu ay tumutukoy sa anumang pangayayari, paksa, tema, opinion, o ideya na may kaugnayan sa kasalukuyang panahon. Sinasaklaw nito ang lipunan at kultura at may tuwirang ugnayan sa interes at gawi ng mga mamamayan. Maaaring ito’y naganap o umiral sa nakalipas na panahon ngunit nananatiling litaw ang epekto nito sa kasalukuyan. Ito ay pinag-uusapan at nagdudulot ng malawakang epekto na maaaring positibo o negatibo sa buhay ng mga tao sa lipunan.

URI NG KONTEMPORARYONG ISYU

1. Kontemporaryong Isyung Panlipunan

ito ay mga isyu o mahahalagang pangyayari na may malaking epekto sa iba’’t ibang sektor ng lipunan tulad ng pamilya, simbahan, paaralan, pamahalaan, at ekonomiya. Halimbawa: pag-aasawa ng mga may parehong kasarian (same sex marriage), terorismo, rasismo, halalan, kahirapan.

2. Kontemporaryong Isyung Pangkalusugan

ito ay mga isyu na may kaugnayan sa kalusugan na maaaring nakabubuti o hindi nakabubuti sa mga tao sa lipunan. Halimbawa: COVID-19, sobrang katabaan, malnutrisyon, Drug Addiction, HIV / AIDS.

3. Kontemporaryong Isyung Pangkapaligiran

ay tumutukoy sa mga isyung may kinalaman sa kapaligiran at mga usapin sa pagpapaunlad at tamang paggamit sa ating kalikasan. Halimbawa: global warming, paglindol, baha, bagyo, El Niño, at La Niña

4. Kontemporaryong Pangkalakalan

-mga suliraning may kinalaman sa globalisasyon at negosyo, kasama dito ang mga usapin o isyung pang-ekonomiya. Halimbawa: import/export, online shopping, free trade, samahang pandaigdigan

Saan ka nga ba makakasipi ng mga Isyu?

Sa panahon natin ngayon, marami nang mapagkukunan ng mga impormasyon tungkol sa mga kontemporaryong isyu. Kabilang dito ang radyo, telebisyon, internet, social media, at mga nakalathalang materyal tulad ng pahayagan, flyers at magasin. Narito ang iba’t ibang uri ng media:

Print Media
Halimbawa: komiks, magazine, diyaryo
Visual Media
Halimbawa: balita, pelikula, dokyumentaryo
Online Media
Halimbawa: facebook, online blogs, website

​Panghuling Pagtataya

Pinatunayan mo ang iyong kagalingan sa pagsagot sa mga gawain sa modyul na ito. Dahil diyan kailangan mo nang sagutin ang panghuling pagtataya upang higit mong mapatunayan ang iyong pag-unawa sa lahat ng paksa na napapaloob sa modyul na ito.

Multiple Choice

1. Ang mga isyung ito ay nagaganap sa kasalukuyan at may malinaw na epekto sa lipunan.

• Isyung Pangkapaligi an

• Kontemporaryong Isyu

• Isyung Pangkalakalan

• Isyung Pangkalusuagan

Multiple Choice

2. Saang isyu nabibilang ang samahang pandaigdigan na binubuo ng iba’t ibang kinatawan mula sa pambansang organisasyon para sa pandaigdigang katahimikan at pagkakaisa?

• Isyung Pangkalakalan

• Isyung Pangkalusugan

• Isyung Panlipunan

• Isyung Pangkapaligiran

Multiple Choice

3. Alin sa sumusunod ang hindi kasanayan na dapat taglayin sa pag-aaral ng kontemporaryong isyu?

• Natutukoy ang katotohanan at opinyon.

• Huwag ilahad ang kabutihan at di-kabutihan ng isang bagay.

• Pagkilala sa sanggunian.

• Pagbuo ng opinyon at ugnayan.

Multiple Choice

4. Ang isang isyu ay maaaring pag-aralan sa pamamagitan ng pagsusuri ng ilang bahagi nito, alin sa sumusunod ang kabilang dito?

I. uri

II. sanggunian

III. kahalagahan

IV. epekto

• I

• II

• I, II, III, IV

• II, III

Multiple Choice

5. Alin sa sumusunod ang kahalagahan ng pag-aaral ng kontemporaryong isyu?

I. Nagiging mulat sa katotohanan.

II. Nahahasa ang kritikal na pag-iisip.

III. Napalalawak ang kaalaman.

IV. Napapaunlad ang kakayahan sa pagbasa at pag-unawa.

• I

• I, II

• I, II, III

• I, II, III, IV