Asesmen Diagnostik lan Refleksi

Nyusun Dhaptar Pitakonan Wawancara

Mukhammad Ali Makhfudz Sidiq

Multiple Select

Apa sampeyan wis nate nindakake wawancara?

• Sampun

• Dereng

Open Ended

Yen wis nate, sapa sing sampeyan wawancara nalika semana?
Yen durung, saupama sampeyan diutus wawancara, bakalan wawancara karo sapa?

Pitakon Tinarbuka

Tegese : Pitakonan sing ora bisa dijawab kanthi prasaja "ya" utawa "ora" utawa pilihan siji. Pitakonan kasebut nyengkuyung responden kanggo menehi jawaban sing dawa, rinci, lan narasi, asring nuduhake pendapat, pangrasa, utawa pengalamane dhewe.

Pitakon Tinarbuka

Kaluwihan :

• Bisa pikoleh informasi sing akeh lan jangkep.

• Nuduhake pamawas sing beda saka narasumber.

• Ora kaku lan nyengkuyung pacelathon.

• Mbantu mbangun swasana amarga narasumber rumangsa diajeni amarga bisa ngaturake pamawase.

Kakurangan :

• Mbutuhake wektu luwih suwe kanggo njawab lan nganalisa.

• Narasumber bisa nyimpang saka topik.

• Mbutuhake katrampilan nyemak lan mriksa luwih akeh saka pewawancara.

Pitakon Tinarbuka

Cirine : Asring diwiwiti kanthi tembung pitakon kayata "Kadospundi Caranipun," "Napa," "Kenging Punapa panjenengan pikiraken”, lsp.

Tuladha :

• Kadospundi caranipun nguri-nguri budaya Jawi?

• Kadospundi pengalamanipun mbak nalika nggarap tugas saking dhosen?

• Sinten kemawon ingkang dados paraga salebetipun lakon menika?

• Punapa ingkang ndamel panjenengan remen kalihan pentas kethoprak menika?

Pitakon Tinutup

Tegese : Pitakonan sing ngarepake jawaban sing cendhak lan mligi, lan asring bisa dijawab nganggo satembung, "ya" utawa "ora," utawa pilihan winates saka pilihan sing diwenehake dening pawawancara.

Kaluwihan :

• Cepet diwangsuli lan gampang dingerteni (utamane kanggo data kuantitatif).

• Apik kanggo ngumpulake fakta tartamtu utawa konfirmasi informasi.

• Migunani kanggo miwiti wawancara utawa ngganti topik.

• Njamin konsistensi dhata sing diklumpukake saka pirang-pirang narasumber.

Pitakon Tinutup

Kakurangan :

• Ora bisa menehi informasi sing jangkep.

• Bisa matesi wangsulan saka narasumber lan ngurangi dhata sing kudune jangkep.

• Kurang pas yen kanggo golek pamawas utawa ngerti kepriye pangrasane narasumber.

• Cirine : nyuwun wangsulan “ya” utawa “ora”, menehi pilihan marang narasumber, nanjihake kabar, nyuwun pambiji.

Pitakon Tinutup

Tuladha :

• Miturut panjenengan, nggantheng niku nomer pinten salebetipun sarat pados garwa?

• Punapa leres sampun dados dhalang 15 taun?

• Panjenengan langkung remen lakon “Sinta Obong” napa “Ngalengka Obong”?

Open Ended

Apa sing dadi tantanganmu nalika nyusun pitakon utawa praktik wawancara? Lan apa sing bakal sampeyan dandani supaya bisa luwih apik?

Open Ended

Apa bab sing paling penting sawise sinau babagan wawancara nganggo basa Jawa dina iki?

Open Ended

Kepiye carane wawancara sing wis sampeyan sinaoni iki bisa mbiyantu sampeyan ngomong karo wong sing luwih tuwa utawa sing kudu dikurmati?

Multiple Choice

"Kula sampun nindakaken sedaya ingkang dipundhawuhaken dening rama. Mila kula saged nglajengaken menapa ingkang dados warisanipun rama. Warisanipun inggih menika ringgit sakothak jangkep kalihan pradangga kalih laras."

Wangsulan kaya mengkono luwih pas yen pitakonane yaiku ... .

• Menapa ingkang dipunwarisaken dening rama panjenengan?

• Punapa ingkang dados wekasipun rama sampun panjenengan tindakaken?

• Rama panjenengan paring ngelmu napa saderengipun kapundhut dening Gusti?

• Punapa panjenengan kersa nglajengaken warisanipun rama?

Multiple Choice

"Kadospundi cariyosipun panjenengan saged miwiti ndhalang wonten ing tlatah Sidoarjo menika? Punapa wonten pekewed sadangunipun miwiti ndhalang?"

Pitakon kasebut kalebu pitakon ... .

• Tinutup

• Tinarbuka

Open Ended

Tulisake siji wae pitakon tinarbuka sing ana sesambetane karo Warga SMP Negeri 2 Tulangan!