Lesson Pagpag

Pagbasa at Pagsusuri ng Iba’t Ibang Teksto Tungo sa Pananaliksik

Guro: Sir JJ

Ang Pagsulat ng Halimbawa ng Iba’t ibang Uri ng Teksto

Sa mga nakaraang modyul na iyong pinag-aralan ay natutuhan mo ang mga batayang kaalaman tungkol sa tekstong impormatib, deskriptib, at persweysib. Nakapagbasa at nakapagsuri ka rin ng ilang mga halimbawang teksto na nasa mga uring ito. Sa araling ito, tiyak na matutuwa ka sa iyong bagong matutuhan.

Tiyak kong may kasanayan ka na sa pagsulat. Bagaman pagsulat ang binibigyan natin ng pokus sa modyul na ito, may mga bago akong babasahin na inihanda para sa iyo upang lubos pang malinang ang iyong kasanayan sa pagsulat. Halina’t basahin at unawaing mabuti ang tekstong pinili ko para sa iyo.

Ang Tugtugin o Musika Mula sa Wikipediang Tagalog, ang malayang ensayklopedya

Ang tugtugin o musika ay uri ng sining na gumagamit ng tunog. Karaniwan, ang kanta ay tinuturing na pinakamaliit na gawang musika, lalo na tuwing mayroon itong kasamang pag-awit. Ang karaniwang sangkap ng musika ay pitch (na gumagabay sa melodiya at harmoniya), ritmo (at ang kaugnay nitong tempo, metro, at artikulasyon), dynamics, at lahat ng sonic na katangian ng timbre at tekstura.

Ang salita ay hango sa salitang Griyego (mousike; "sining ng mga Musa"). Sa kaniyang karaniwang anyo ang mga gawaing naglalarawan sa musika bilang isang uri ng sining ay binubuo ng paggawa ng mga piyesa ng musika, ang kritisismo ng musika, ang pag-aaral ng kasaysayan ng musika, at ang estetikang diseminasyon ng musika.

Ang paglikha, pagganap, kabuluhan, at pati na rin ang kahulugan ng musika ay ibaiba depende sa kultura at panlipunang konteksto. Ang saklaw nito ay mula sa estriktong organisadong komposisyon (at ang pang-aliw na pagganap nito), sa pamamagitan ng improbisasyonal na musika, hanggang sa pormang aleatoric.

Ang musika ay maaaring hatiin sa mga genre at subgenre, pero ang mga dibisyon at relasyon sa pagitan ng mga kategorya ng musika ay madalas pino, minsan bukas sa pansariling interpretasiyon, at paminsan-minsan kontrobersyal. Sa sining, ang musika ay maaaring iuri bilang isang sining na itinatanghal, fine arts, at awditoryong sining.

Ang musika ay maaaring tugtugin at marinig ng pangkasalukuyan, at maaaring maging bahagi ng isang dulaan o pelikula, at maaari ring i-record.

Sa maraming tao sa iba’t ibang kultura, ang musika ay mahalagang bahagi ng pamumuhay. Ang musika para sa mga sinaunang Griyego at pilosopong Indiyano, ay mga tono na nakaayos pahalang ay melodiya, at patayo ay harmoniya.

Mga pangkaraniwan na kasabihan katulad ng “ang kaayusan ng mga sphere” at “ito’y musika sa aking mga tainga” ay nagsasabi na ang musika ay kadalasang maayos at magandang pakinggan. Gayunman, ang ikadalawampung siglo na kompositor na si John Cage ay may ideya na ang kahit anong tunog ay maaaring maging musika, sa pagsabi niya ng “walang ingay, kundi tunog.”

Sagutan ang mga sumusunod na katanungan:

Multiple Choice

Ano ang paksa ng tekstong iyong binasa?

• Awit

• Sayaw

• Musika

• Pagguhit

Multiple Choice

Sa iyong palagay, ano kaya ang layunin ng manunulat sa pagsulat nito?

• Awitan ang mambabasa bilang sining.

• Gumuhit ng larawan bilang sining.

• Magpakita ng mga kakaibang sayaw bilang sining.

• Magbigay nang malinaw na kaalaman tungkol sa musika bilang sining.

Multiple Choice

Anong uri ng teksto ang binasa?

• Naglalarawan

• Nanghihikayat

• Nagpapaliwanag

• Lahat nang nabanggit ay tama

Multiple Choice

Saan nakuha ang ang mga tala o impormasyon sa teksto?

• Magasin

• Almanac

• Diksyunaryo

• Ensayklopidya

Multiple Choice

Paano inilahad ang mga datos na nakalap upang maging higit na makahulugan ang paksa?

• Inisa-isa

• Inilarawan

• Ipinaliwanag

• Lahat nang nabanggit ay tama

Marahil ay pamilyar ka sa 4 Pics 1 Word. Suriin ang mga larawan at tuklasin ang mga salitang tinutukoy nito. Ang bilang ng mga kahon na sa ibaba ng mga larawan ay tumutugon sa bilang ng mga titik na bumubuo sa tamang salitang kaugnay ng mga larawan. Ang bawat aytem ay tumutukoy sa iba’t ibang uri ng pagsulat.

Fill in the Blanks

Fill in the Blanks

Fill in the Blanks

Fill in the Blanks

Fill in the Blanks

Tiyak kong ang iba’t ibang uri ng teksto ay inyong nabasa at napag-aralan na. Nasubukan mo na bang sumulat ng teksto? May iba’t ibang uri ng teksto subalit may kani-kaniyang paraan ito kung paano nabubuo. Sa araling ito ay bibigyangpokus natin ang ilang teksto – impormatibo, deskriptibo at prosidyural.

Sa pagbuo ng tekstong impormatibo, mahalagang isaalang-alang ang katumpakan ng nilalaman. Ang mga sumusulat nito ay kinakailangang may sapat na kaalaman sa paksa, kung kaya’t dapat sila ay may mga sangguniang pinagbabasehan. Dagdag pa, ang sanggunian o pinagkukunan nila ng datos ay kailangang mapapagkatiwalaan at may kredibilidad. Makabubuti rin kung ang paksa ay napapanahon sapagkat ito ay maaaring makatulong upang maunawaan ng mambabasa ang mga isyu sa lipunan.

Ang ilan sa mga halimbawa ng tekstong impormatib ay diksyunaryo, ensayklopedya, almanac, pamanahong papel o pananaliksik, siyentipikong ulat, at mga balita sa pahayagan.

Narito naman ang mga katangian ng isang mahusay na pagsulat ng tekstong impormatibo:

Kalinawan: Hindi mauunawaan ng nakikinig o bumabasa ang anumang pahayag kung hindi malinaw ang paliwanag. Dapat isaisip na ang kakulangan ng kalinawan ay maaaring magbunga ng di pagkakaunawaan.

Katiyakan: Ang katiyakan ay matatamo kung malalaman ng nagpapaliwanag ang kaniyang layunin sa pagpapaliwanag.

Diin: May diin ang isang akda o talumpati kung naaakit ang nakikinig o bumabasa na ipagpatuloy ang pakikinig o pagbasa. Ito’y kinakikitaan ng diwang mahalaga.

Kaugnayan: Dapat na magkakaugnay ang diwa ng lahat ng sangkap ng pangungusap at talata sa loob ng isang akda upang maging mabisa ang pagpapahayag.

Ano-ano ang mga bahagi ng tekstong impormatibo?

Ang SIMULA higit na dapat bigyang pansin sapagkat ito ang magpapasya kung ipagpapatuloy ng bumabasa ang pagbasa isang katha. Dapat ito’y makaakit sa kawilihan ng bumabasa.

Sa bahaging KATAWAN O PINAKAGITNA naman ay natitipon ang lahat ng ibig sabihin ng sumusulat ng paglalahad. Dapat magkaroon ng kaugnayan at kaisahan ang mga kaisipang ipinahahayag upang hindi malito ang bumabasa.

Ang WAKAS ay ang bahagi ng paglalahad na nag-iiwan ng isang kakintalan sa isip ng bumabasa. Katulad ng simula, ang wakas ay maaaring isang parirala, isang pangungusap, o isang talata.

Paalala: Ang inyong kaligtasan ang mas mahalaga sa lahat. Gawin lamang ang aktibidad kung kayo ay nasa ligtas at maayos na kalagayan. Huwag mahiyang magtanong o magsabi kung may suliranin.

SHORT QUIZ

Multiple Choice

Ano ang pangunahing layunin ng tekstong impormatibo?

• Magsalaysay ng kwento

• Magpatawa

• Magbigay ng impormasyon

• Manghikayat

Multiple Choice

Bakit kailangang mapagkakatiwalaan ang mga sanggunian sa tekstong impormatibo?

• Para mas maging nakakatawa ito

• Para matiyak ang katumpakan ng nilalaman

• Para makapag-imbento ng impormasyon

• Para mas humaba ang teksto

Multiple Choice

Alin sa mga sumusunod ang halimbawa ng tekstong impormatibo?

• Tula

• Nobela

• Balita sa pahayagan

• Maikling kwento

Multiple Choice

Anong katangian ng tekstong impormatibo ang tumutukoy sa pagiging malinaw ng pagpapahayag?

• Katiyakan

• Diin

• Kalinawan

• Kaugnaya

Multiple Choice

Ang layunin ng "Diin" sa isang teksto ay upang:

• Itakda ang haba ng salita

• Udyukan ang mambabasa na itigil ang pagbabasa

• Hikayatin ang mambabasa na ipagpatuloy ang pagbasa

• Baguhin ang layunin ng teksto

Multiple Choice

Ano ang bahagi ng tekstong impormatibo na naglalaman ng mga pangunahing detalye o kaisipan?

• Simula

• Katawan o Gitna

• Wakas

• Pamagat

Multiple Choice

Ano ang layunin ng simula sa tekstong impormatibo?

• Magpasaya ng mambabasa

• Mag-iiwan ng kakintalan

• Makaakit sa kawilihan ng mambabasa

• Magpakilala ng tauhan
  

Multiple Choice

Alin sa mga sumusunod ang hindi halimbawa ng tekstong impormatibo?

• Pamanahong papel

• Siyentipikong ulat

• Ensayklopedya

• Dula

Multiple Choice

Ang ______________ ay bahagi ng paglalahad na nag-iiwan ng isang kakintalan sa isip ng bumabasa.

• Katawan

• Simula

• Wakas

• Layunin

Multiple Choice

Ang pagiging magkakaugnay ng mga ideya sa loob ng teksto ay tinatawag na:

• Katiyakan

• Kalinawan

• Diin

• Kaugnayan

Open Ended

Bilang isang mag-aaral, paano mo magagamit ang tekstong impormatibo upang mas mapalawak ang iyong kaalaman sa mga isyung panlipunan o makabuo ng sariling opinyon tungkol sa mga napapanahong usapin? (10pts)